Yon 20:22 - Got Weng Abem

²² Kalbane, aka mam fu dok moyam nadane bakoyam, “Abem Sinik ayo dabulin kala.

Got weng abem: Alokso abino kalin

²² Kalbane, aka mam fu dok moyam nadane bakoyam, “Abem Sinik ayo dabulin kala.

Yon 20:22 ပူးပေါင်းရင်းမြစ်များ

Yon 14:16

Kamane naka kiwso teinsino, imadá abebi, kata naka Natim dákadálawino, aka Dolok Moyámin Sinik dauyamokaba.

Yon 15:26

Kale Dolok Moyámin Sinik tadokaba, be nalata Natim amiyo kal dabadáyami tadokaba ayo ki atin afan bakamin Sinik, Natim alamiyo kal maek abe tadokaba, ata nam kukuw kidela kin wala kukuyamokaba.

Yon 16:7

Kata naka atin afan weng bakoyamon kala, naka kim luk beta imadá unokabi ka. Alo naka bo unokabi bá nam, kim Dolok Moyámin Sinik ayo kim finang tadoma bá, kata naka unokabi keimin aka dabadáyami tadokaba.

Yon 20:21

Kale Yesus ayol alo bakoyam, “aket dakbuyámin uyo kiwso buduno, Natim namadála tasi, ulutaw kiba imadáli unokabiw.”

Yon 20:23

Kiba kan kinim am ban keimin lukuwá kudálawokabiw, beta Got akal am ban keimin uyo lukuwá kudálawokaba. Kata kiba am ban keimin lukuwá kudálawongin banim namti, Got akal am ban keimin uyo lukuw kadálawoma banim.” Yakeisa ko.

Yon 7:39

Kale belami weng mit bakosa uyo ki kinim kan ata aket afan kalin im Got Sinik Abem kudokabiw uta bakosa, kamakikiw alo Yesus ayo win dukum kudula Got Sinik Abem ayo madák tadongin dako badano kale.

Sinik Abem 10:47

“ika iliso wok ban bomin ken bodoliw ka. Be watawo kaleyo bá, im Sinik Abem dabuduliw be nulum dabudusuduw taw keidiw kayo ko.”

Sinik Abem 19:2

Kale nadane dákadáyam, “kiba Got aket kudawsiw uyo Sinik Abem so dabudusiwe?” Yaka nade isik weng atung fakadu bakodaw, “bá, nuka mak bakoyam, Got Sinik Abem so beno kale bakoyamiw kal keidongin banim.” Kaliwe,

Sinik Abem 2:38

Bita ayo bakoyam, “kiba ban keimin uyo ibik dumam nadiwe Yesus Kadais ami win tudow dim wok ban bodiwo, Got ayo kim ban keimin uyo lukuwá kudáyamane, kiba Got Sinik Abem min kudamin uyo kudulino.

Sinik Abem 2:4

kabadákal Sinik Abem ayo tad im aket tem weinane, ika mit kei weng kukum kukum bakamsiw. Kale be Sinik Abem ata kanoyam kitid dauyamano kanodin weng weng be bakansiw ko.

Sinik Abem 4:8

Bita ayo Got Sinik Abem kiwa dausa kayo weng fakadu bakoyam, “kin moyámin kinim so gebom gebom so

Sinik Abem 8:15

Kale alew ika tad itam nadiwe Got dákadálaw yak Got afan kalin ika Sinik Abem kuyamalo! Kale Got weng bakadawsiw.

Galesia 3:2

Kale nam aket dam weng mak bela kidilin kala. Kiba Yesus Kadais ami sung kidisidiw ade afan kalesidiw umi dim Sinik Abem ayo dabudusidiw, be sawa uta kanamino, yaku kanamom nadiwo bá.