Yon 19:42 - Got Weng Abem

⁴² Kabadákal Yesus dausiw, be watawo kaleyo bá, Yu kayak im ufek ufek mikil kei bi sin matam Finuyámin atan makik teinámin mewso keidune, tum tem ukul mewso kayo kal dausiw ko.

Got weng abem: Alokso abino kalin

⁴² Kabadákal Yesus dausiw, be watawo kaleyo bá, Yu kayak im ufek ufek mikil kei bi sin matam Finuyámin atan makik teinámin mewso keidune, tum tem ukul mewso kayo kal dausiw ko.

Yon 19:42 ပူးပေါင်းရင်းမြစ်များ

Matiyu 12:40

Yona aka takam dukum mat tem bi am dánámin alewbino, midilámin alewbino keisa. Ulutaw Got ami Kinim akal kanom bakan tem bom bada bi midilámin alewbino, táw alewbino keidokaba.

Yon 19:14

Kale atan tad mew gubidim bikida mewso Akayam Unemin ban imin wanin tum as fákamumo, kale mewso keidane, Bailet ayo Yu kayak bakoyam, “kala kim kamokim ade bela ka.” Yakeisa.

Yon 19:20

Kale Yu kayak seng seng ika fut be kímsiw, be watawo kaleyo bá, Yesus ami anak as dim sil bikisiw uyo abiw dukum mewso kale fut dokásiw uyo Adameik kayak im weng so Latin kayak im weng so Gadík kayak im weng so uta godusiw ko.

Yon 19:31

Kale kamane be ufek ufek kidel dawti sin matam ukul Finuyámin atan makik mak dánámin umi atan. Kale Yu kayak iyo Bailet dákadálaw, “un tabudin kinim au yakawo, ika kinim yanak as dim dábiw im kun uyo fakel fakel imu nadiwo im atukul uyo im kan kei imadew madák dádino.” kalesiw be watawo kaleyo bá, im aket atukul uyo kano kudáluw as dawing dákamin dim kudáliw, sin Finuyámin atan teinodiw bá kala, kale nadiwo ko.

Yon 19:41

Kale Yesus sil biki dausiw bakan mewso be bináliw mak, kale bináliw be tum tem alokso kinim mak daudongin danim.

Sinik Abem 13:29

Suwayo kal am sung uyo Got godin weng adikum umi tem kal bako ayo kanodawokabiwo, kalesu kaí, afan be kukuw adikum kano nadiwe tam as dawing dákamin dim dew madák nadiwe dew yak fom lung tum tem dausidiw.

1 Kodin 15:4

daudiw bi nada am alewbino dim kal talá tabese.” Kalesi be á Got alam godin weng ukal kano bakanbu.

Kalose 2:12

A nuka wok ban bomin umi kit be ken atamoduw ka. Watawo kaleyo bá, kimi wok ban bosidiw be kiba fikalin taw keidiwo, Got ayo Yesus so makuw kei imu nadale Got Yesus tá dafose, kal kibiliwso asawil bakan tem fikaliw imusiw kalo, tá imuda matam kaunsin keisidiw kala. Watawo kaleyo bá, kiba aket afan kalomo, Got atin alam kitid dukum tuw Yesus fikalanin uyo kudá, tá dafoda matam sinik lakuse ka, kaleyo kayo ko kala.