Yon 16:28 - Got Weng Abem

²⁸ Kale naka Natim so kalo kudá bakan dim budák tasi ade bakan dim budak alo kudá asiki Natim finang uni.” Kalesa ko.

Got weng abem: Alokso abino kalin

²⁸ Kale naka Natim so kalo kudá bakan dim budák tasi ade bakan dim budak alo kudá asiki Natim finang uni.” Kalesa ko.

Yon 16:28 ပူးပေါင်းရင်းမြစ်များ

Luk 24:51

beta aka im kinim dákaba kaokal gid kuw kaú kalano kalomo imadá tamba ka.

Luk 9:51

Got Yesus dew tam abid tikin unemin am uyo mewso dánono kalbu, kale Yesus ayo aket teta dau nadale Yedusalem unono. Kale nadale

Yon 13:1

Kale Akayam Unemin ban bomin atan uyo atin mewso keidune, Yesus ayo alam kal keidomo, aka bakan budák kudá Alaw mewso atamongin keidu ka. Kale nadane aka finang moda, alam kinim kan ita bakan tein bom aket kuyamsa iyo mewso nikil adik adik tein bom imin wanbuw ka. Kale nadane alam aket kuyam tadanusa uyo kuw misun dá kuyamono kanama.

Yon 13:3

Kale Yesus ayo alam kal, Alaw aka adikum kitidim kudawse, kayo ufek ufek uyo alami mit tem bu ade aka Got ami Min tasa ade asiki alo Alaw Got finang unokaba uyo alam kal kuw keisa.

Yon 14:28

Kiba kidi aliw, naka bako yakeisi. ‘Naka imadá unokabi ade naka asiki kim finang tadokabi.’ Kale kiba aket kunamokabiw, beta kiba nam tam Natim atamokabi uyo idak teinokabiw. Watawo kaleyo bá, Natim ayo amsunim ade naka alataw bá.

Yon 16:10

kukuw kidel umi kukuyamokaba sung, be watawo kaleyo bá, naka Natim finang uni, kiba natamodiw banim keidokabiw

Yon 16:16

“Mew teinale, audokabiw, kiba makso natamodiw banim ade ale yanol teinin taw kei nadiwe alo kiba natamokabiw ko.” Yakeisa.

Yon 16:30

Kale kamane nuka nulum kal keidomo, kaba mew ufek ufek adikum bo kalam kal ki keisaw. Kayo wanang kinim iyo makso mak kaba di dákadámodiw banim kayo, beta kanodawo, nuka kal keidomo, kaba afan Got alamiyo kal tasaw ka, kakuw ko.” Akiwe, Yesus ayo bakoyam,

Yon 16:5

“Kale kamane naka namadála tasi am finang uni, kata kiba mak naka dákadánam, ‘kaba yakanang unongin keimaw,’ nakongin banim,

Yon 17:11

Ade kamane kam finang tadbi, naka bakan budák makso bongin nami bá, kata ika bakan bokabiw. Kale Natim kinim abem kaba, kalam win abem kitid kunamsaw dim kal, kál ged moyam badawo, ika atin nalaso kalawso nuka makuw taw ikil kanodin kala.

Yon 17:13

Kale naka kamane kalam finang tadbi, kata naka bakan teinbi ki bakam si imadálino, nam aket idak teinámin uyo ikil aket idak teinámin atin kikiw wakadálin kala.

Yon 17:5

Kale Natim kaba, kamane kalam mit tem lamlam kin budusi so uyo kunamal, kala. Kale kamakikiw nalam kalawso bom abid so bakan so bu kidel kudongin dako budu lamlam kin budusi so kuduyamsi uta ko.

Yon 8:14

Yesus ayo bakoyam, “au, naka nalata ki nalam kin walamin, kata nam weng bakanbi be afan, kale be watawo kaleyo bá, naka nalam tasi be nalam kal, nalam unokabi be nalam kal, kata kiba nam abiw be yakalo tasa kaloliw banim ade nam unokabi be kim kal banim.

Yon 8:42

Yesus asik bakoyam, “kiba Got be kim Kalaw keidoma nam, kiba aket kunamodiw ka, be watawo kaleyo bá, naka Got alamiyo kal tasi ade kamane kadák bi akal nalam aket tei tasi bá, kata Natim ata namadála tasi kala.