Yon 12:38 - Got Weng Abem

³⁸ Kale be lum senin kinim Aiseya, ami weng bakosa uta matam dam keisu uyo bako, “Kamokim, kan ata num weng bakosuw uyo afano kala. Ade kan ata Kamokim am kitid dukum kanaba uyo atam kal keida?” Kalesa.

Got weng abem: Alokso abino kalin

³⁸ Kale be lum senin kinim Aiseya, ami weng bakosa uta matam dam keisu uyo bako, “Kamokim, kan ata num weng bakosuw uyo afano kala. Ade kan ata Kamokim am kitid dukum kanaba uyo atam kal keida?” Kalesa.

Yon 12:38 ပူးပေါင်းရင်းမြစ်များ

Matiyu 15:7

Kale kiba atin fong awang tei, Aiseya ayo kim guton bako nadale,

Matiyu 16:17

Beta Yesus ayo weng atung fakadu Bita bakodaw, “Saimon Yona min kaba, ken bán kidel tein bom kalfalbaw ka. Watawo kaleyo bá, kaba afan dam weng bakodaw be kinim mak ata kuw misun teikama bakodin taw audaw, kata be Natim abid tikin kayak alata kuw misun teikamano bakodaw.

Matiyu 27:35

beta ika as dawing dákamin dim daw tam gi sil biki anbi nadiwade ika ami ilim ayo gele kusiw. Kata ika sung ginan bom nadiwo kan ata win keida, aka ilim mak kudula kudula keimsiw ko.

Yon 12:37

Yesus kukuw makik makik seng kanamúsa, be ilim kil kana badano, kata ika aket mak kudawongin banim ilim kanodin kuw keisiw.

Yon 12:39

Kayo ika aket kudawongin danim, watawo kaleyo bá, Aiseya alaso kale bakosa, kayo ko.

Yon 15:25

Kata beyo ki ilim sawa abem buk tem godusiw uyo bako, ‘ika weng mit banim sakaik natamsiwo.’ Kalesu, beta matam dam keiduko kaleyo kayo kanabiw.

Yon 17:12

Naka bakan kadák iso teinsi uyo win abem takunamsaw, umi dim uta tabe im kál ged moyam kidel kuw imtisi. Kale kinim kalam walunamsaw iyo mak kutinongin banim, kata Mafakim ami min makuw ata kuw kutina yak as abongin keima. Kale am kanoda be godin weng bakosu uyo matam dam abudu ko.

Yon 19:24

kayo ika bakodawa bakodawa bom bako, “ilim bela fengelin bá, kata nuka sung gine naduwo kan ata win keida namti, ata kudulak kala. Kale kanamsiw. Kale kanosiw be Got godin weng uyo matam dam keisu uyo bako, “ika nam ilim gele dau ilimi kei nadiwade nalam ilim mak ika sung gine, kan ata win keida namti, ata kudusa.” Kalesu kayo un tabudin kinim iyo kanamsiw ko.

Udom 10:16

Kata Yu kayak ika adikum sung kidel uyo au, kalesiw bá. Kale Aiseya ayo bako, “Kamok kaba, kan ata num weng uyo afan kalesene?” Kalesa.

Udom 10:20

Kale Aiseya ayo fingánin banim Got ami weng uyo bako, “kan ita dakonamako, kale gán dánamongin banim, ika natamokabiw. Ade kan ita nam fenongin banim, ika naka kanoyami natamokabiw.” Kalesa.

1 Kodin 1:24

Kata Kadais ata Got alami aket kidel fukanin ade Got alami kitid kayo be Got alata Yu kayak so Mifiw wanang kinim so walu imuse imino kale kuyama fakubidiw ka.

Galesia 1:16

daw misun teinam nadane ami sung kidel uyo kudew yak Mifiw im bakanyamalo, nakeise. Kale nami kanosi bemi sung be kinim ita tabe yak kanodal maek kanadal nakongin banim.