Yon 11:44 - Got Weng Abem

⁴⁴ Akane, kinim fikalesa ayo matam abe nadane alam teng so yán so kibi kun so adik ilim kál falfal dawtisiw uyo uso kanodu matam tadane, Yesus ayo bakoyam, “yak ilim kál falfal dausiw uyo bá dabadáliw alam am unak kala.” Yakeisa ko.

Got weng abem: Alokso abino kalin

⁴⁴ Akane, kinim fikalesa ayo matam abe nadane alam teng so yán so kibi kun so adik ilim kál falfal dawtisiw uyo uso kanodu matam tadane, Yesus ayo bakoyam, “yak ilim kál falfal dausiw uyo bá dabadáliw alam am unak kala.” Yakeisa ko.

Yon 11:44 ပူးပေါင်းရင်းမြစ်များ

Mák 5:43

Yesus ayo weng kitid kuw bako weng anuyam nadale, “belami kanodi sung uyo wanang kinim so kiltang yakin báno.” Yakei nadale bakoyam, “wanin mak daumiw wanuko!” Yakeisa ko.

Luk 19:20

Beta alo wok fakudawin kinim mak ayo maek tod nadale bakodaw, ‘kawta, kam kisol namti bela ka, naka kam kukuw uyo utamomane, kaba kinim atud kuw tabesaw kala kale kam katam fingon dá nadino, naka kisol uyo aimang gine kutisi.’ Akei nadale

Luk 7:15

fikaleba ayo sinik tad yakudane matam tein nadale weng bakama ka. Kale nadale man kinim mát ayo dew yak alam akun daumamane,

Yon 10:30

Kayo nalaso nalam Natim so nuka makuw ko.” Yakane,

Yon 11:39

Kale nadane bakoyam, “yak tum fal kukan keidino.” Kala, kata kinim fikalesa am wanang Máta uka bakodaw, “Kamokim kaba, aka dauduw bi am alalew keida. Kale kamano fom gidgid tabeba.” Akune,

Yon 11:43

Weng be kal bane, Yesus weng amsun gán dá bakoda, “Lasadas kaba, matam bálo.”

Yon 19:40

Kale kinim alew iyo Yesus ami atukul uyo fiw kidel kunin kál binodaw nadiwe ilim kál kál kudu falal si ge dew unsiw. Be Yu kayak ilim fom kuámin kukuw kanamin kayo kanodawsiw ko.

Yon 20:5

kadák fenomo, ilim kal kimis kuw budu utamsa, kata tam tum tem unongin danim.

Yon 20:7

alam gebom falal dausiw ilim kal so be kalomo, ukul fakel kidel takas yak bán kukum teinbu ka.

Yon 5:21

Kale Natim ayo fikalenámin uyo tá imu nada kaunsin sinik dauyamse. Kale ami aket kanamsa kaí, Min asik Alaw aket ki kudu nada asik yak kan ata alam aket kudawa be ayo kaunsin sinik kukádaba kala.

Yon 5:25

Kale naka atin afan bakayabi, am dánámin uyo mewso keibu ade kamane kal keidu, kale fikalinámin iyo Got ami Min weng kidilokabiw ade kan ita kidilokabiw ika kaunsin sinik kudu bokabiw.

Filibai 3:21

Aka kitid dukum soim kayo aka ken mew adikum ufek ufek kin bakang kalu uyo fakoda tad alam kin umak dimama be akfak tem tadokabu. Alam kitid makuw bemi tuw ki wanang kinim ilim kál aumanbu uyo alam sun biyámin kál lamlam wakak kiwokabiw ko.

Daw misun 1:18

Naka Motabiw nalata fikalesi, kata kalak fen naka kaunsin sinik so bi sun kuw biyámin. Kale naka fikalnámin so fikalnámin abiw so umi fal bisumin kitid uyo nalata fakubi kala.