Udom 14:8 - Got Weng Abem

⁸ Kale nuka fikaluw kaí, nuka Kamok ami kanodawuw. Ade nuka kaunsin buduw kaí, nuka Kamok ami kanadabuw, kayo nuka kaunsin boduw so fikaloduw so be nuka adikum Kamok ami ka.

Got weng abem: Alokso abino kalin

⁸ Kale nuka fikaluw kaí, nuka Kamok ami kanodawuw. Ade nuka kaunsin buduw kaí, nuka Kamok ami kanadabuw, kayo nuka kaunsin boduw so fikaloduw so be nuka adikum Kamok ami ka.

Udom 14:8 ပူးပေါင်းရင်းမြစ်များ

Luk 20:38

Kale umi mit uyo ki aka kaunsin sinik so biyámin imi Got. Kale aka fikalanámin imi Got bá ade am kin dim wanang kinim adikum iyo kaunsin bidiw kalba.” Yakane,

Yon 21:19

Yesus weng bela kale bakosa, umi mit uyo yanol Bita alam kano fikale, Got win kufodawokaba uta kale. Yesus ayo Bita bakodaw, “nam yán abo” Akeisa ko.

Sinik Abem 13:36

Kale Dewit aka bakan dim biyámsa ayo Got alam aket fukanin ki abo alom fikalano dew yak alam awadik kasal fom lung kal dawtidiw fomsa.

Sinik Abem 20:24

Kata naka nalam teinámin umi luk so kalbi bá, kata nam aket dukum ayo ki nalam wok kunam yak kanamalo nakeisa, ki atin adik wakadalono, kalbi. Kale naka Kamok Yesus wok kunam yak wanang kinim sung kidel Got ami min gelemin sung bakayamalo nakeisa, ki adik wakadá banima kudono kalbi.

Sinik Abem 21:13

beta Faul weng atung fakadu num bakoyam, “kiba, watawo kale aman bom aket budunin kukánabiwe? Naka ken kano sok gei tabono kale faskobi ade ken naka Kamok Yesus alam win dim Yedusalem kal fikalono kalbi.” Kalesa.

1 Kodin 15:23

Kata makuw makuw nuka alam leiw ki abo fikalanin uyo kudá matam bokabuw be Kadais alasik tá matam abese. Kayo alo aka asiki tadokaba kawákal yak kan ata alami keisiw iyo talá matam sinik lakudokabiw ko.

Filibai 1:20

Nami aket fukanin dukum wananábu uyo ki nam wok kudew tabe bi uyo naka kot taktakin kinim im dim todokabi, naka kutina nadi fatom keinamoma banim, kata naka fingánin banim ken weng bakanokabi. Kale naka ken namadáliw kaunsin bomi akal ken ade nanbidiw fikalomi akal ken. Kale be kanodino, kinim kan ata nata bidiw ita Yesus Kadais win kufodawin kala.

Filibai 2:17

Kilim afan kalin uta kanoyamuno, kilim biyámin uyo Got kudaw wane ilulawin taw kei bom wok fakudabidiw. Kayo naka nanbidum, kaliw nam kaim fudálokabu, kim Got wane ilkádabiw so makuw keidokabu, kata bo kanonamum kalokabiw be naka atin kibiliwso kalfalokabi.

Filibai 2:30

Watawo kaleyo bá, aka Yesus Kadais alam wok fakudaw alom mewso fikalongin taw keiba kala. Kale aka alami uyo kudew yak kail tem kuek tade nam dakonamono, kale nadano kanoba, be watawo kaleyo kiba ken kano dakonamodiw banim kayo ka.

1 Tesalonaikka 5:10

Kale Yesus aka nulum fikaleyamase, kayo nuka kaunsin so aluwalo, fikaluwo kawák Yesus tadon kalokaba, nuka alaso makuw dek amki bokabuw kala.

Daw misun 14:13

Kale beta naka alo abid tikin weng mak bakoda kidili uyo bako, “bela godulalo, kudew tad kadák di kudew unu uyo kinim kan ata Kamok alaso makuw kei alom fikala kaí, aka kalfalba.” Sinik Abem ayo bako, “au be afan, ika ilim wok dukum fakusiw uyo kudá finudokabiw kale ilim kanamusiw yán uyo iliso be.” Kalesa.