Sinik Abem 8:7 - Got Weng Abem

⁷ Kale aka wanang so kinim so sinik mafak gei imusa iyo fotaba sinik mafak iyo kinim imadá yuleng kal bi maek abe une bidiwe, kinim wanang kun iwánsa so yán dabimsa so iyo kanoyama matam kenan bidiwo,

Got weng abem: Alokso abino kalin

⁷ Kale aka wanang so kinim so sinik mafak gei imusa iyo fotaba sinik mafak iyo kinim imadá yuleng kal bi maek abe une bidiwe, kinim wanang kun iwánsa so yán dabimsa so iyo kanoyama matam kenan bidiwo,

Sinik Abem 8:7 ပူးပေါင်းရင်းမြစ်များ

Matiyu 10:1

Kale Yesus aka weng kidimin kinim kilung kal iyo weng dauyama tadiwe, aka kitid dauyam sinik mafak fotaba bom, mafak dásiw adikum iyo kasáya imkan bom, asanin kidel ká bom keimino, kale kitid dauyamsa.

Matiyu 11:5

kin mat kin bádaba, makal fakanuk gam kidel dauda matam ken tod ká bidiw, wol bán gam kidel imuda kenan bidiw, ken awat awat iyo kilung báyama kidi bidiw, fikalesiw iyo talá imkan bom kei bom nadale Got sung kidel uyo win banim kukaya bom keibano.” Akei nadiwe

Matiyu 4:24

ami kanam kába sung uyo adikum Sidiya bakan kasel iyo kidisiw ade wanang kinim iyo yak kanomin kan ata asanusa so mafak dukum mak kudu mámin yáw dákadu so sinik mafak gei dausa so madaw gam so yán dabim teng dabim dása so iyo bai bi imadew tad Yesus dakádaw bidiwo kidel imkansa ko.

Mák 9:26

sinik mafak ayo singad dok dakabane man ayo wad wad banbin banbinbane dabadála un bi dák bakan abe fikalin taw keidane wanang kinim im aket, “bo fikalane,” Kalesiw.

Luk 10:17

Kale kinim deng alew ade bako tade yak nangal madik kal imadála kámusiw iyo asiki kalfalin leiw tad nadiwade Yesus bakodaw, “Kamokim kawta, kaba mew sinik mafak bo kam win kudu kei buduwe ulum weng kidiyamongin kuw keimsiw ko.” Akiwe,

Yon 14:12

Naka afan weng bakoyamon, kan kinim ata aket kunamokaba, aka nam wok kanabi bo ata dudew tabokaba, kata ata akanam dukum kanamokaba. Be watawo kaleyo bá, alo naka tam Natim atamokabi kayo ko.

Sinik Abem 5:16

Alo abiw abiw Yedusalem mewso so kinim wanang seng seng iyo tad tad bom ilim kinim asanin seng so sinik mafak kiwa imusa so iyo imadew tad weng dew kámin kinim dáka bidiwo, ika adikum kasáyámsiw.

Sinik Abem 8:6

wanang kinim seng seng iyo Filiw am weng bakanba be atin dakbu sading kale kidi nadiwe am dubat dubatin kukuw kidelba bo utamsiw.

Ibidu 2:4

Ade Got aka alam kitid uyo kudew tam im kin walamin tiw tei nada alam kitid so aket diking dakungin kukuw so fumon fumonin kukuw makik makik so kukuyamsa. Ade aka alo alam aket fukanin dim Sinik Abem ami min gelemin uyo wak geleyamse ka.