Sinik Abem 8:25 - Got Weng Abem

²⁵ Kale weng dew kámin kinim Bita so Yon so alew iyo kukuw kanoyamu utam suduwo kalin weng so Got weng so uyo bakayam si nadiwe alew ilim yán tem fasiki Yedusalem unsiw. Kata alew leiw ei bom nadiwe Samediya abiw abiw Got weng kukayam tam tam unsiw ko.

Got weng abem: Alokso abino kalin

²⁵ Kale weng dew kámin kinim Bita so Yon so alew iyo kukuw kanoyamu utam suduwo kalin weng so Got weng so uyo bakayam si nadiwe alew ilim yán tem fasiki Yedusalem unsiw. Kata alew leiw ei bom nadiwe Samediya abiw abiw Got weng kukayam tam tam unsiw ko.

Sinik Abem 8:25 ပူးပေါင်းရင်းမြစ်များ

Matiyu 10:5

Kinim kilung kal iyo Yesus imadáli unino, kale nadane weng sawa belata bakoyam, “kiba yak Mifiw bidiw so itamámin bá, ade Samediya im abiw so tam itamámin bá.

Luk 16:28

nalam nikil fikal auok iyo kal guton sawa dauyamak kala masi, duyo duyo yom nadiwade tad kál funin kalak ulutaw utamodiw banim keidin kala.’ Akane,

Yon 15:27

Kata kiba kiwso nam kin walamin so bakayamokabiw. Be watawo kaleyo bá, kiba kamakikiw kal nasino teinámsiw kayo ko.

Sinik Abem 1:8

Kale kiba Sinik Abem ata tad kiwa imu Got ami kitid uyo kuyamano, kiba abiw Yedusalem so adikum Yuddia bakan so Samediya bakan so adikum anang bakan kuw tabodu so umi wanang kinim adikum iyo kiwta nam kin walamin sung bakayamokabiw.”

Sinik Abem 13:12

tabalasew ayo kukuw kanabu bo utam nadane alam aket Yesus kudaw nadane Faul ami kukumin uyo utam kol beso kuwo kalsa.

Sinik Abem 18:5

Kale Sailas so Timoti so ikil Maseddoniya kalo tadulomane, Faul ayo Finuyámin am uyo sun kuw tam kawed am une bom Yu kayak kukuya bom nadane bakoyam, “Yesus be Walusa Kinimo,” yakan bom tein be ka. Akeisiw.

Sinik Abem 20:21

Naka Yu Kayak so Gadík kayak so kinim gu alew, kiba sung kidel uyo bakayamino, ‘kim ban keimin uyo ibik dumam nadiwo nulum Kamok Yesus aket kudawino!’ Yakeisi.

Sinik Abem 28:23

ika Faul so weng bako, “am dánámin mak tadokabuwo.” Kale sidiwo wanang kinim seng seng iyo tad Faul alam tein be tadiwade, kutim kalo kano bi am kuinsa uyo Faul aka Got ami kasák gu sung kukuya bom, Mosus ami sawa weng so lum senin kinim imi weng godusiw so tuw Yesus ami sung uyo aket dakfayam badano,

Sinik Abem 28:28

Kala kaleyo nam aket kiba kal keidin kala! Got ami kail ba takeikuyamin sung uyo kudála tad Mifiw kinim abesu ade ita tabe kidilokabiw.” Yaka nade

Sinik Abem 28:31

kitid kuw fakadá Got ami kasák gu sung uyo bakaya bom nadanade Yesus Kadais sung uyo kukuya bom keibisa ko.

Sinik Abem 8:40

Filiw atane tad Asotas kal misuna nadano sung kidel sung uyo bakayam abiw dukum dukum so abiw katiw katiw so tam tam tad bi tad Sesadiya tasa kala.

1 Bita 5:12

Kale nuka sauk kon mewtanong bela Sailas Got afan kalin dudew tabesa kinim, duw ata dakonamano, sauk kon be goduyami. Kale naka weng kitid ade num sauk kon weng adikum bakoyami be kin walamin, kale Got alam min dakáyamin bemi luk uta kidela yakik fakudino, kale goduyami kala.