Sinik Abem 6:9 - Got Weng Abem

⁹ Kata kinim madik iyo matam am kanadawsiw, bidi kawed am win, Min Kinim kalbiw, imi kinimo, kale imi abiw abiw be Saidin, Aleksendiya ade alo Silisiya bakan so Eisa bakan so kinim ita mit kei Sitíwen so wengal fukansiw.

Got weng abem: Alokso abino kalin

⁹ Kata kinim madik iyo matam am kanadawsiw, bidi kawed am win, Min Kinim kalbiw, imi kinimo, kale imi abiw abiw be Saidin, Aleksendiya ade alo Silisiya bakan so Eisa bakan so kinim ita mit kei Sitíwen so wengal fukansiw.

Sinik Abem 6:9 ပူးပေါင်းရင်းမြစ်များ

Matiyu 10:17

Kata kiba kidela uta bom nadiwo kinim iyo imadew yak kot kei bom nadiwe imadew tam ilim kawed am tei yanfu bom keimokabiw ko.

Matiyu 23:34

Beta kaleyo naka lum senin kinim so utamsiw kinim so, kukumin kinim so iyo imadáli tad kibilim itamokabiw, kata kiba yak madik bo anu nadiwe madik ita as dawing dakámin dim sil biki imkan bom nadiwe yak madik ita kawed am tem tem katam kál fau bom nadiwade fotabiw abiwe tam tam kámokabiw.

Matiyu 27:32

Kale ika dew leiw unom nadiw kinim mak leiw eidawiw ami win ayo Saimon Saidin bakan kayak, kale ika fotabiw as dawing dákamin uyo kudawiw kudewa iso una.

Mák 13:9

Kidela kibilimi ayo dufo bom nadiwo, kiba imadáliw yak abiw abiw kansol dim abiwe kawed am tem kaw tam kal fau bom keimokabiw uyo watawo kaleyo bá, nalam win tubudew káwin uta. Kale kiba gawman dukum dukum, kamok kamok imi kin dim tod nadiwe nam kin walamin keiyamokabiw kala.

Luk 21:12

Kale weng bakabi bela matam bongin banim dako aluyo, kiba teng takuyam imadew faku bedbedya bom nadiwade ika imadew kawed am am im tam tade weng bakaya bom sok gei imkan bom ade kiba imadew yak kamok kamok so gawman so dim tei kot kei bom keiyamokabiw. Be kiba nam win tudow dim kanayamokabiw kala.

Sinik Abem 11:20

Kata ilim iwyak tem Yesus afan kalin kinim madik ika Saibadas wok gung kinim so Saidin bakan kinim so ikal yak Antiák abiw kal Mifiw kinim iyo Got Weng uyo bakanya bom Kamok Yesus ami sung kidel bakaya bidiwo,

Sinik Abem 13:1

Kale Antiák abiw Got wanang kinim gu tem bidiw be kukumin kinim so lum senin kinim so im win be, Bánabas, Saimon am win mak Naika akbiw, Lusiyas Saidin kayak, Menaim, aka gawman kinim mak am win Edot aso makuw ifosidiw kinim ade mak be Saul so ita ko.

Sinik Abem 13:45

Yu Kayak ika kanomin kinim wanang adikum iyo tadiw itam nadiwade im aket tem mafakyama titiyam bom nadiwe Faul ami weng uyo ididlawsiw.

Sinik Abem 15:23

kale alew im dim kal sauk kon uyo kuyamiw kudew uniw. Kale sauk kon weng kaok uyo kale bakodiw ko. “Nuka weng dew kámin kinim so gebom gebom so kilim nikil fikal so nuta sauk kon bula godu kudáyamuw yak Antiák so Sidiya so Silisiya so Mifiw kinim Yesus afan kalin so kiba ken tein bidiwako?

Sinik Abem 15:41

Kale Faul aka Sidiya bakan so Silisiya bakan so imi Got wanang kinim gu im kitid sán unsa ko.

Sinik Abem 16:6

Kale Faul so alam nikil so ika yak Fedgia bakan so Galesia bakan so abe nadiwe yak Eisa bakan so unumo kalesiw, kata Sinik Abem ayo bakoyam, “báyo.” Yakano, kayo yak Eisa bakan bo unongin banim dakosiw.

Sinik Abem 18:24

Kale kana badane, kinim mak am win Abolas, aka Yu Kayak ade am abiw be Aleksanda kalo tad Efesis kal tein be. Ade aka sung kidel kuw bakamin kinim ade Got weng buk bo adikum alam kal keisa kinim ade

Sinik Abem 19:10

Kale bo kana bom bidiw bi itol alew keidiw adikum Yu kayak so Gadík kayak so Eisa bakan bidiw so iyo Kamok weng sung uyo adik kidisiw ko.

Sinik Abem 19:26

Kiba utamin, Faul aka wanang kinim seng aket takoyam imadew yak alam mit tem una Efesis abiw kayak seng keidiw adikum bakan Eisa kayak so ika Faul mit tem uniw. Kale Faul aka weng bako nada, ‘kim got kinim teng tuw kidelbiw be atin got báyo.’ Yakba.

Sinik Abem 21:27

Kale yong mamon kidamin ban uyo bo bidiw bi am fet kal mewso keida yong mamon kidálumo kanamiwe, Eisa bakan Yu Kayak kinim madik tein bidiw iyo Faul atam nadiwade ika wanang kinim aket dakfoyamiwe, wanang kinim iyo Faul dew faku kanada bom

Sinik Abem 21:39

Faul weng atung fakadu kinim bakodaw, “bá, naka Yu Kayak ade naka Tásas abiw Silisiya bakan kal namusiw ade naka Tásas abiw abem kayak. Kale ken namadálaw wanang kinim iyo weng bakayamono.” Akane,

Sinik Abem 22:19

‘Kamok kaba, wanang kinim bidi naka ilim kal, naka wanang kinim kalam aket kukákabiw bidi kawed ame tam tam ká bom nadi wanang kinim iyo sok gei imkan bom nadine yanfau bom keimusi

Sinik Abem 22:3

“naka Yu kayako Silisiya bakan Tásas abiw kal namusiw, kata naka tad abiw dukum kadákal matam fasu nadi, kukumin kinim Gameliel am akfak tem kal adikum num awadik kasal sawa weng mit uyo kukunama nade nayo kitid kuw tabe, Got kukuw uyo fakusi ulutaw kamano kibil kitid kuw tabe faku bidiw ka.

Sinik Abem 23:34

beta gawman kamok ayo sauk kon kí nadane Faul dákadálaw, “kaba yaknámin bakan kinim?” Akei nadane kal keidomo, “Faul be Silisiya kinim ka.” Kale nadane

Sinik Abem 24:18

Naka yong mamon kidamin ban bo nadine Yol am kasadam tem kal tein álino, ika natamsidiw, kata wanang kinim seng iyo naso mak teinongin banim ade naso mak im mafak dádongin banim.

Sinik Abem 26:11

Ade atan seng naka tam kawed am weng daw kayam yak yak ká bom nadino bakoyam, Got ami wanang kinim bidi sok gei imkanino, yakansi. Kale nam aket kanoyamino ika Got ayo ididlawino, kale kanayamsi. Naka keng keinama yak abiw dukum sikam sikam Got am wanang kinim iliso im mafak dákamono kale unemsi.

Sinik Abem 6:10

Kata Got Sinik Abem ayo kal keimin kudawano, kayo ami weng bakansa uyo ika ken weng yán kidawodiw banim.

1 Kodin 1:20

Kaleyo nuka bakan dim kadák umi kinim aket fukanin kidel imi weng uyo kidiyamoduw banim ade kal keimin seng kudusiw imi weng uyo kidiyamoduw banim ade kan kiwta ufek ufek umi mit dakfimábiw imi weng uyo kidiyamoduw banim, watawo kaleyo bá, Got akal kukuyam bakan dim kalak umi aket fukanin kidel bo mit banimo, yakeisa kayo make.

Galesia 1:21

Beta naka yanol yak Sidiya bakan si nadile yak Silisiya bakan unsi.