Sinik Abem 6:7 - Got Weng Abem

⁷ Kale Got weng uyo fukudu yak abu maek abu auduyo, wanang kinim seng seng Yedusalem bidiw iyo maek Got weng kidimin kinim kei bidiwe bowál seng seng iyo iliso Yesus afan kalesiw.

Got weng abem: Alokso abino kalin

⁷ Kale Got weng uyo fukudu yak abu maek abu auduyo, wanang kinim seng seng Yedusalem bidiw iyo maek Got weng kidimin kinim kei bidiwe bowál seng seng iyo iliso Yesus afan kalesiw.

Sinik Abem 6:7 ပူးပေါင်းရင်းမြစ်များ

Matiyu 19:30

Kata kinim seng ika isik geboma buduwo kalbiw, ika tade tow yanol abokabiw ka. Yak kinim seng yanol kei bidiw itane manet gebomokabiw ko.”

Luk 2:34

Kale Simiyon ayo im kinim dá nadale Madiya bakomam, “man ata Isadael kayak seng seng iyo kanoyama madik Got dabadá sakaba bidiwe alo madik ita atin maek Got mit tem tade bidiw keimokabiw. Kale aka Got alam dubat dubatin kukuw uyo kana badano wanang kinim seng seng iyo ami kukuw kanaba uyo, au afan akongin banim keidokabiw.

Yon 12:42

Kata kinim gebom gebom seng im iwyak tem bidiw, ika Yesus aket kudawsiw, kata Fedasi weng kidi nadiwo kayo kawed am fotabiw kudá matam abiw be tadoluwo, kale fingán dá nadiwo kayo imi Yesus afano akeisiw, kata ika kuw misun dá bakodongin banim keisiw,

Sinik Abem 12:24

Kata kinim wanang seng makso Got ami weng uyo kudew matam abe nadiw yak abe maek abe audiwo, wanang kinim seng iyo be afan. Kalesiw.

Sinik Abem 13:8

Kale ika tadiwe, Elimas usong kinim ayo tad Bánabas so Saul so Got weng bakanin báyo, kale kanayam bom nadane tabalasew Yesus afan kalono kanaba ayo daw tam modi kudálako, kale kanamsa.

Sinik Abem 14:22

Yesus afan kalin aket kuw kitid dakáya bom nadiwade kitid weng bakoyam, “kiba Yesus afan kalin uyo kitid fakadá bom nadiwo kala nuka Got ami kasák gu uyo kál funin seng uta kudu naduwo umi tem kal tam unum kala.” Yakei nadiwe

Sinik Abem 19:20

Bemi leiw ki Kamok weng uyo kitid kuw yak abe maek abe matam dukumasu ka.

Sinik Abem 2:47

Got win kufádaw bom idak tein bidiwo, Yedusalem kayak iyo imi win kufáya bidiwe Got ayo wanang kinim makso makso ban keimin kail bá takeikuyamsa ko.

Sinik Abem 21:20

Ika Faul ami sung bakaba bo kidi nadiwe Got win kufáda bom nadiwe ika Faul bakodaw, “nulum takon kaba, bo utamalo. Yu Kayak kinim deng seng seng ika Yesus aket kukádawin kinim keisidiw, kata adikum ika ilimi sawa uyo atin kitid kuw tabe abodumo kalbiw.

Sinik Abem 6:1

Kale Got ami weng kidimin kinim iyo ulum kano matam matam senga tad bidiwe, Yu kayak Gadík weng bakamin ikil keidiwe Yu kayak Yedusalem bidiw ikil keidiw, wengal fukan bom nadiwe Gadík Yu kayak weng bakanin iyo bako, “num wanang kadun kadun ika makuw makuw wanin sánbiw uyo kikiw kukáyamongin banimo kale kanamsiw.”

Udom 1:5

Ade kamane Kadais alam luk Got ayo adikum min dakáyamin uyo kunama. Naka ken weng dew kámin kinim kei nadi yak anang bakan adikum wanang kinim Got ami kukuw dukum kanoyamase uyo bakaya bidi, ika iliso Got afan kale Got weng kidilawanbiw

Galesia 1:23

Kata ika kinim madik imi sun kuw kuek tane bom nam sung bakanumo, kanabiw kuw mada kidibiw. Kale ika belata kanam, kalbiw. Kale kinim num im mafak dákamsa ade kamane sung kidel num afano, kalbuw umi alam banima kudono kanamsa umi sung kidel makuw be ki kinim wanang bakayam kábano, kalansiw.

Galesia 6:10

Kaleyano, ken yaknámin atan keidomu nuka kinim adikum iyo kidelyam bom naduwo kata kanam kanam atin yak afan kalin ita kidelyam bomo ko.

Kalose 1:6

Kale kiba kibiliwso kamakikiw sung kidel kidi nadiwe kukuw kidel kuw kana bom nadiw Got ami min gelemin uyo kal kei atin afan be kalesidiw ulutaw ki kinim iyo sung kidel uyo anang bakan kuw tabodu abiw seng seng kinim wanang seng seng iyo afan kal bom nadiwe kidel kuw kanabiw ka.

2 Tesalonaikka 1:8

as daung afalik dukum tem kal misuna nada tad kinim wanang yak kan ita Got im kal banim so yak kan ita Kamok Yesus sung kidel kuásusulin so iyo sok gei imuduno, kale tadokaba kal

2 Timoti 2:9

belata ka. Naka umi kalan beta abin mafak teinábi ade ika naka ban keimin kinim taw keinam waya sok tuw ginenamusiw, kata Got ami weng so kano sok gei kusiw bá.

Ibidu 11:8

Kale Ebadakkam alam afan kalin dim Got aka bakan mak weng takadálaw nadale gán dá bakodaw, kabadák badaw bo kudá yak kal unalo, akano, Ebadakkam ayo afan kale nadale Got weng kidilaw alam bakan be uyo kudá nadale yak Got bakan weng takadálawa kal unsa, kata anang bakan umi yak unsa uyo am kal banim.

Ibidu 5:9

Kale aka kawákal atin kinim kidelok kei daudano, aka yak wanang kinim Got weng kidilabiw, imi watakayamin mit kayak keise.

Yut 1:20

Kata nalam duw ifin kiba, ulum kano Got kilim afan kalin kuyamase uyo ife bidiw tam so tam so dukuman buduno kala. Kale kiba Sinik Abem alam kitid dim suksuk bom nadiwe

Yut 1:3

Nalam duw ifin kiba, atin nalam aket kiwso naso num ban keimin kail bá takeikuyamase sung uta goduyamono, kale aket bakel daudi, kata bu kudá nadine nalam aket kukum fukan bi uta goduyam im kitid modino, kukuw mafak kukuyamin ta bom, Got weng tatun kukuya bidiw kim afan kalesiw umi kuw mafak dádumo kanabiw uyo kibil kitid tabe eiyam bom nadiwano, kale nadino ko. Kale Got ami weng tatun kukuyamin bo kimi afan kalin kidel bid makuw mo kuyamase ade sun bokabu um adut uta bo bom nadiwo kala.