Sinik Abem 6:3 - Got Weng Abem

³ Kayo nikil fikal kiba, kilim iwyak tem kawákal kinim fet kal Sinik Abem weina imusa ade kal keimin kidel kudusiw kuw walu imudiwo. Ita bumi wok kin moyámin kei imuduw ika bu fakudiwe,

Got weng abem: Alokso abino kalin

³ Kayo nikil fikal kiba, kilim iwyak tem kawákal kinim fet kal Sinik Abem weina imusa ade kal keimin kidel kudusiw kuw walu imudiwo. Ita bumi wok kin moyámin kei imuduw ika bu fakudiwe,

Sinik Abem 6:3 ပူးပေါင်းရင်းမြစ်များ

Matiyu 23:8

Kata adikum kiba kikiw makuw ade kiba nikil makuw ade kim Kukumin kinim be kinim makuw ata kuw kayo kiba kinim mak bakodaw, ‘Kukumin kinim’ akin bá.

Yon 21:23

Kaleyo Yesus nikil fikil iyo kalo gedul weng be bakodawa bakodawa bom nadiwe bako, “Yesus weng kidimin kinim makuw aka fikalokaba báno.” Kalsiw. Kata Yesus aka afan aka fikalokaba báno kalesa bá. Akade, mada bako, “aka kanom kaunsin sada si naka asiki tadon kalomi bo nalam aket ka. Kale bo kam san bá.” Akeisa uta ko.

Sinik Abem 1:15

Kale kanabiw am bu banimo si lukin taw kei nadiwe kabadákal Yesus afan kalin kinim iyo deng alalew tade tam kilung kal (120) tein bidiwo kale, Bita ayo iwyak tem kal tod nadanade bakoyam,

Sinik Abem 1:21

Kaleyo nuka kinim mak waluluwo matam nuso kei nadane Yesus ami fikale talá tabeba umi kin walamin weng uyo bakan kámako. Kata kinim be suwayo katow kal Yesus ami kámámsa uyo nuluso kinim mit makuw kei bom alaso kuw kámámsuw ka. Kaleyo kuw ade

Sinik Abem 10:22

kinim ika weng atung fakadu bakodaw, “nuka Koniliyas ami weng tudow dim taduw. Kale aka un tabudin kinim 1000 kal imi kin modin kinim. Aka kukuw kidel fakudin kinim ade Got win kufádawin kinim ade aka Yu kayak ika am win kufádawábiw. Kale ensel abem ata bakodaw, tad kamadew yak alam am dádano kam weng mak bakodaw kidilono kale imadála taduw.” Akiwade,

Sinik Abem 15:23

kale alew im dim kal sauk kon uyo kuyamiw kudew uniw. Kale sauk kon weng kaok uyo kale bakodiw ko. “Nuka weng dew kámin kinim so gebom gebom so kilim nikil fikal so nuta sauk kon bula godu kudáyamuw yak Antiák so Sidiya so Silisiya so Mifiw kinim Yesus afan kalin so kiba ken tein bidiwako?

Sinik Abem 16:2

Kale Listada abiw so Aikkoniyam abiw so Yesus afan kalin wanang kinim iyo Timoti tok bakanla bom, aka kinim kidelo. Ak bom keim áliwo,

Sinik Abem 2:4

kabadákal Sinik Abem ayo tad im aket tem weinane, ika mit kei weng kukum kukum bakamsiw. Kale be Sinik Abem ata kanoyam kitid dauyamano kanodin weng weng be bakansiw ko.

Sinik Abem 22:12

Kale Damáskas abiw kal kinim mak weng sawa mit utamsa kinim am win Ananayas aka adikum Yu Kayak kawák bidiw ika bako, ‘aka kinim kidelo.’ Akanáliwo,

Sinik Abem 28:14

Kale kawákal afan kalin nikil fikal madik mak itamuwo ika bako, “tad nuso kal tein bi am fet kal keidokabiwo.” Kaliwo afan iso sin naduwe Udom abiw unumo, kale unsuw.

Sinik Abem 6:2

Kale Got weng dew kámin kinim kilung kal iyo adikum Got weng kidimin kinim gán dáyamiw adik tadiwe, bakodiw ko. “Nuka ken Got weng bakanin uyo kudá wanin uta geleyamoduw banim.

Sinik Abem 6:5

adikum wanang kinim teinbidiw im aket, weng dew kámin kinim imi weng be keno. Kale nadiwe Sitíwen afan kalin kitid tabesa kinim Sinik Abem weina dausa keida, alo kinim madik Filiw so Budokodas so Nikkanod so Timon so Badmenas so Nikkolas aka Antiák kinim. Kale aka Yu kayak keise keida. Ita walu imu nadiwe

Sinik Abem 6:6

imadew tad Got weng dew kámin kinim itamiwe, ita teng dew yak kinim im gebom dim kuti Got gán dádaw, im kinim dásiw.

Sinik Abem 9:30

Yanol kawák afan kalin kinim iyo bemi sung be kal kei nadiwade Saul dew yak Sesadiya abiw kal abe dabadáliw Tásas abiw unsa ko.

1 Kodin 12:8

Kale Sinik Abem makuw alata ki kinim mak aket kidel fukanin so weng bakanin kitid daudaw nadale kinim mak kal keimin weng so bakanin kitid daudaw nadale

1 Kodin 16:3

Kale naka tadokabi kawákal kinim mak walu imadáli kimi min gelemin uyo kudew Yedusalem unokabiw. Kinim yak kan kiwta au unumo, kalokabiw naka kim sung uyo godu kuyamino kudew yak uniwo, ika kiba ilim kal keidokabiw ko.

Efesis 5:18

Kaba wok mafak wanaw kamyálin bá, bo mada kam mafak dákamin kuw keidokabu, kata kaba maek Sinik Abem alam kitid akfak tem tadawo, ata atin weina kamu adikam badano

1 Timoti 5:10

Ade wanang kinim um kukuw kidel dudew budu adikum iyo ilim kal, man kin moyámin wanang ade sák kotadang dew matam am dá wanin akiwin wanang ade Got ami kinim tadebidiw yán wok boyamin wanang ade yak madik iyo mafak kuduliw dakáyamin wanang ade uka fan mosu wanang ade mew ufek ufek lung adikum bo dudew tabeyámsu kala kaleyo kuw win dok dákamin ko.

Yemis 1:17

Adikum ufek ufek atin min gelemin kidel uyo Got abid tikin, kayow so milum so atan so lánin kidelin kinim alamiyo kal tadebu. Kale atan aka eida si nadane tem una midilába, kata num Got aka alam min gelemin uyo kano dakmade dakmade bada midilamoma banim.

3 Yon 1:12

Kinim adikum iyo Damítadias sung kidel bakadawábiw be Got Sinik alata am guton be bakaba. Kale nuta nuluso ami kin walamin ade kilim kal nuka yaknámin weng mak bakoduw namti, be afan ka.