Sinik Abem 4:30 - Got Weng Abem

³⁰ Kale kabalam wok fakudin kinim abem Yesus win tudow dim kalam kitid uyo kudálaw madák wanang kinim tá imkánin so dubat dubatin kukuw kukumin so kukuw makik makik kukumin so keimuk kala.” Kalsiw ko.

Got weng abem: Alokso abino kalin

³⁰ Kale kabalam wok fakudin kinim abem Yesus win tudow dim kalam kitid uyo kudálaw madák wanang kinim tá imkánin so dubat dubatin kukuw kukumin so kukuw makik makik kukumin so keimuk kala.” Kalsiw ko.

Sinik Abem 4:30 ပူးပေါင်းရင်းမြစ်များ

Yon 4:48

Yesus ayo bakodaw, “kiba kukuw makik makik uta kuw utaman bom nadiwo afano kalanaliw be.” Yakane,

Sinik Abem 2:22

Kale Isadael kinim kiba, weng bela kidilino, Got ayo Yesus Nasadet kayak alam dim kal dubat dubatin kukuw so aket diking dakung bom amonin kukuw so mudi mudín kukuw so uyo kilim iwyak tem kal kidelsa. Kale be kana badano kibi kiliwta utam kal keidomo aka atin Got alata dabadála tasa ka. Akeisidiw.

Sinik Abem 2:43

Kale weng dew kámin kinim ika mudi mudín kukuw so aket diking dakungin bom amonin kukuw so uyo seng kuw kana bidiwo wanang kinim seng seng iyo Got win dafádawsiw.

Sinik Abem 3:13

Kale num awadik kasal Ebadakkam, Aisak, Yekkow imi Got alam wok fakudin kinim Yesus win dukum kudawsa. Kata kiwta ta bom Yesus ayo dew yak Bailet dádaw anbidino. Kaliwe, Bailet aka bako, ‘dabadáliw luk bala unako.’ Kalese, kata kiba Bailet bakodaw, ‘Yesus be num kuso.’ Akeisidiw.

Sinik Abem 3:16

Kale kinim bela atam kilim kal keisiw. Kale be kinim Yesus win tudow dim num afan kalin Got amiyo kal tasu uta ta bom aka atin kidela daudu kasáya.

Sinik Abem 3:6

Kata Bita ayo bakodaw, “naka gol tumon so bá. Kale naka ufek ufek makuw fakubi uta kuw kukamokabi.” Akei nadane bakodaw,

Sinik Abem 4:10

Afan namti, num aket kibil keidiw Isadael kayak wanang kinim adikum ikil keidiw, kiba be atin kidela mew kinim tad kilim kin gubuyo kadák toda be atam kal keidin kala. Aka kun iwánsa, kata Yesus Kadais Nasadet kayak kibilim anak as dim dásidiw, Got ta bom tá dafoda fikalanámin uyo kudáse ami win kitid tudow dim kinim bela atin kidelba.

Sinik Abem 4:27

Kale afan Edot so Bantias Bailet so iyo tad Mifiw tademin so keidiwade Isadael kayak kinim so Yedusalem tein bidiw keidiw iyo tad kam wok fakudin kinim abem, Yesus kalam walamin kinim walusaw ayo weng gudul dau kukuw mafak kanadawsiw.

Sinik Abem 5:12

Kale weng dew kámin kinim iyo dubat dubatin so ade aket diking dakungin kukuw so uyo kinim wanang tem kawákal kidel bom nadiwe adikum aket afan kalin kinim iyo tam Solomon Yol am kasadam tem kal tada tadasiw ko.

Sinik Abem 6:8

Kale Sitíwen ayo Got ta bom atin daw kinim dá nadane kitid daudawsa. Kayo aka mudi mudín kukuw so dubat dubatin kukuw so uyo wanang kinim tem kadákal kanamsa.