Sinik Abem 4:26 - Got Weng Abem

²⁶ Kale bakan dim kamok kamok ika wasi ginumo kidelbiw ade ika tada tada dek amki bom Kamokim ade alam Walusa Kinim tabuduw ginumo kanabiw.’

Got weng abem: Alokso abino kalin

²⁶ Kale bakan dim kamok kamok ika wasi ginumo kidelbiw ade ika tada tada dek amki bom Kamokim ade alam Walusa Kinim tabuduw ginumo kanabiw.’

Sinik Abem 4:26 ပူးပေါင်းရင်းမြစ်များ

Luk 4:18

“Kale Got Kamokim ami Sinik ayo tad namal kiwa namuba ka. Watawo kaleyo bá, aka tad nam kiwa namu badayo sung kidel uyo kudew tabe win banim bakayamon kala. Kale namadála tasi naka tad nadile yak kan ata sok gei tabesa weng dawkáda bom nadile kál idum kudusiw iyo im fong daká bom,

Sinik Abem 10:38

Yon aka Yesus Nasadet kayak wok ban bodaw sadano Got Sinik Abem so kitid so uyo kudála madák Yesus dim abesu. Kale Yesus kukuw kidel faku bom bakan adikum yak abe maek abe ká bom nadane kinim wanang Mafakim kitid akfak tem unsiw iyo im kidel bom keimsa. Watawo kaleyo bá, Got aka alaso badano kayo ko.

Ibidu 1:9

Watawo kaleyo bá, kaba kukuw kidel aket kudaw nadawade kukuw mafak bo kus utamsaw kayo kala. Kaleyo kalam Got abin wakukamsa uyo atin dukum ade abid tikin kayak im abin be akayamsu. Kale kinim kabalawso kámin iyo kanom kam kalfalin taw keidoliw báyo.” Akeisa.

Daw misun 11:15

Ensel fet ami fudong ket fudong kale kei badane, abid tikin kaw tam kalo weng amsun seng mak gán dá bakoda, “adikum bakan uyo Kamokim Got so Yesus so im bakan adik dáw keidu, kale aka ulum kanom sun kuw muk diyam bokaba ko.” Kale kei badane

Daw misun 12:10

Beta weng dukum mak abid tikin kal gánba ka, kale kidili ayo bako nada, “kamane Got kim kail bá takeikuyamámin so Got ami kitid so ami kasák gu so Kamokim Kadais ami kitid so uyo tadbu, kale be watawo kaleyo bá, yak Mafakim numi nikil fikal im weng falak teiyam bom nada midiliw so táw so Got kin dim kal ika weng falak teiyamsa kinim ayo dabinodiw madák tase.

Daw misun 17:17

Kata Got aka aket fukanin dew yak im aket tem dawtiyama ita Got wok uyo kudew tabe bom nadiwade kamok kamok iyo aket makuw kei sew iniman kitid kudawiw kin moda si Got alam weng bakosa uyo matam dam abudokabu.