Sinik Abem 26:4 - Got Weng Abem

⁴ Kale adikum Yu Kayak ika nalam bakan teinámin so Yedusalem teinámin so bo adikum kamakikiw nam man katiw kalo tad bi kadák didi bo atin ilim kal.

Got weng abem: Alokso abino kalin

⁴ Kale adikum Yu Kayak ika nalam bakan teinámin so Yedusalem teinámin so bo adikum kamakikiw nam man katiw kalo tad bi kadák didi bo atin ilim kal.

Sinik Abem 26:4 ပူးပေါင်းရင်းမြစ်များ

Sinik Abem 22:3

“naka Yu kayako Silisiya bakan Tásas abiw kal namusiw, kata naka tad abiw dukum kadákal matam fasu nadi, kukumin kinim Gameliel am akfak tem kal adikum num awadik kasal sawa weng mit uyo kukunama nade nayo kitid kuw tabe, Got kukuw uyo fakusi ulutaw kamano kibil kitid kuw tabe faku bidiw ka.

Sinik Abem 24:14

Kata naka bakokamon, naka Yesus leiw abo bom nulum awadik kasal Got win uta taken bidino, ika bako, ‘Yesus leiw bo afan báyo.’ Kalanbiw. Naka adikum ufek ufek Mosus Sawa so lum senin kinim weng so buk tem godusidiw be au be atin afan.” Kalesi.

Galesia 1:13

Nam Yu Kayak Got suksukin kukuw abo bom nadi biyámsi umi sung bo kiba kidisiw. Kale naka Yesus aket kudawongin dako bom nadino naka kitid kuw sun kuek tane bom Got ami wanang kinim gu iyo im mafak dákan bom nadi banima imudono kanamsi.

Filibai 3:5

Watawo kaleyo bá, naka nalam nangin uyo namadu si am fet kal keidi nade matam luwan dim kawákal Yu Kayak kinim bowál ita kál wakelin ban uyo bonamsiw ka. Natim so nangin so ika Isadael kayako, Got aka walu imusa. Kale nam kinim mit be Bensamin ami kinim mito tasi. Adikum nam awadik kasal ika atin kinim mit Ibidu kale ika alam Ibidu wanang ki budumábiw ko. Naka kinim mit Fedasi, kalbiw imi so kal kei nadi fasu matam abe nadine sun kuw ban bomin sawa uyo ilim kanamábiw taw kana bidino, Got am aket, keno, nakokaba kaí, kale kanamamsi.

2 Timoti 3:10

Kata kaba nam kukumin so nam teinámin so nam kukuw kanamin so nam afan kalin so nam dakbuyámin so nam wanang kinim aket kukáyamin so nam kukuw kidel ken dudew tabamin so