Sinik Abem 2:42 - Got Weng Abem

⁴² Kale Yesus afan kalin kinim ika tada tada bom weng dew kámin kinim im sawa kidi bom, imin fakel fakel wan bom nadiwe Got so weng bakan bom ilim ufek ufek uyo kudawa kudawasiw ko.

Got weng abem: Alokso abino kalin

⁴² Kale Yesus afan kalin kinim ika tada tada bom weng dew kámin kinim im sawa kidi bom, imin fakel fakel wan bom nadiwe Got so weng bakan bom ilim ufek ufek uyo kudawa kudawasiw ko.

Sinik Abem 2:42 ပူးပေါင်းရင်းမြစ်များ

Luk 24:30

Kale bude aka wanin wanin bán kal dim nikil tein nadiwade imin budet bo kudu nadale, Got keno kale nadane fakel fakel geleyamono kanama,

Luk 24:35

beta kinim alew iyo ilim leiw ei bidiw kanodu sung so Yesus imin budet fako dawkana kin gubu finang dákaniw kalo maklo keida sung so uyo bakoyamsidiw ko.

Sinik Abem 1:14

wanang madik keidiw, Yesus alam akun Madiya so alam nikil so keidiw. Ita sun kuw tada tada dek amki Got kalfala bom suksuk áliwo ko.

Sinik Abem 11:23

Aka tad wanang so kinim so iyo itamomane, Got alam min gelemin uyo kudubiw ka. Kale nadanade aka kalfalin dukum kuw kudu nadano wanang kinim iyo aket wis sánya bom bakoyam, “kiba kim aket uyo adikum atin afan kale Kamok kudaw yak alami mewso ki biyámino.” Kale Bánabas weng yakeisa.

Sinik Abem 14:22

Yesus afan kalin aket kuw kitid dakáya bom nadiwade kitid weng bakoyam, “kiba Yesus afan kalin uyo kitid fakadá bom nadiwo kala nuka Got ami kasák gu uyo kál funin seng uta kudu naduwo umi tem kal tam unum kala.” Yakei nadiwe

Sinik Abem 2:46

Kale Yesus afan kalin kinim iyo sun kuw tad Yol am kasadam tem tademámsiw. Kata ilim am am uyo aket dakbu idak tein bom nikil tada tada bom budet fakel fakel wan bom nadiwe

Sinik Abem 20:11

beta tam el am kal budet uyo fakela ku wane nadiwo Faul kanom weng bakan sada dána matam imadá una nade

Sinik Abem 20:7

Kale wik mit kei kamakikiw am dánámin kawákal Got wanang kinim nuka num kanamin kei tada tada ban imin wanin fakel bom wanumo kanamom naduwo Faul ayo amsino imadá unokabi. Kale nadano kayo weng kimis kuw kinim wanang ulum kanom bakaya bada bi midiliw am iw fakodawsa.

Sinik Abem 4:23

Kale Bita so Yon so iyo talá imadáliw tam abe wabading ú yak ilim kinim iyo itam nadiwade weng adikum bokal kayak as fakiw dakádawin kinim so gebom gebom so im weng bakoyamiw uyo isik kudew yak bakoyamiw ade

Sinik Abem 4:31

Kale ika wis sánin uyo wis sán si banimano kalomo ilim am teinbidiw uyo bilak bilak tabuno kalomo, kinim so wanang so iyo Got Sinik Abem tabe tad kiwa imudane, ika Got weng sung uyo fingánin banim ken kitid kuw tabe bakansiw ko.

Sinik Abem 6:4

nuta Got weng uta kuw kano bakaya bom naduwade Got so weng bakan bom keimum kala.” Kaliw kidi nadiwe

Udom 12:12

Kale kilim mimin dok diyámin uta im kitid modu idak tein bom nadiwo kiba yaknámin idum mak matam tadu kaí, fiyaw dakbuya bom nadiwo sun kuw suksuk bom nadiwo

1 Kodin 10:21

Kiba wain wok so imin so uyo ken Kamok ami bán kal wan bom nadiwe alo yak Mafakim ami bán kal wan bom keimodiw banim be.

1 Kodin 11:2

Naka kimi tok kuw bakanyabi, watawo kaleyo bá, kiba sun kuw nam aket fukan bom nadiwe kukumin kuyamsi uyo abobidiw kayo ko.

1 Kodin 14:6

Kale nalam nikil fikal, naka tad weng kukum kukum bakanyamokabi kaí, nam kanabi be mak dakoyamomu banim. A bede kilim weng tuw tad Got alam ufek ufek kuw misun teinaba uta bakaya bom, Got kal keimin kunamsa uyo bakaya bom, Got ami lum senin weng uyo bakaya bom, kanamin kanamin yak bom kukuya bom keimino, beta kiba kidela dakat kal keidokabiw ka.

Galesia 1:6

Naka atin amonin dukum kuw kukánabiw, be watawo kaleyo bá, naka imadá tad bidile, kiba wabising aket tet dau nadiw Kadais ufek ufek min kukáyamába sok dim Got gányaba uyo kilung daksiki dabadá nadiwe kinim madik im weng kukum weng beta bako nadiw be sung kidelo, kalbiw uyo kiba wabising kilung tem bá kidiyábiw kayo ko.

Efesis 2:20

Kiba kibiliwso adikum imak imak Yol am makuw taw. Kale Yol am umi am kun kaltong kaltong kitid bidi weng dew kámin kinim so lum senin kinim so ita ka. Yol am umi midi betane Yesus Kadais ata.

Efesis 6:18

Kale kiba adikum bula kana bom nadiwe Sinik Abem alam dim ki yáknamumo kaliw uyo sun kuw Got so weng bakan bom dákadála bidiw dakáyamak kala. Kiba sun kuw lábino nadiwe sun kuw kuek tane bom Got kinim wanang yak abe maek abe anang bakan adik dubu teiniw iyo Got dakoyamalo, ak bom nadiwo ko.

Filibai 1:5

Be watawo kaleyo bá, naka sung kidel bakan ká bidi kiba nam dakánamin leiw uyo wok kidel faku kudewsiw uyo kamakikiw nalam weng mit kei kidisidiw kalo kanam kutamo, tad bi tad kamano so didiw kayo ko.

Kalose 1:23

Kale kiba sung kidel uyo ulum kano afan kalebidiw namti, kidela tod ngadik, kale am midi lakan sidi kalin taw keidin kala. Kale kiba ufek ufek uyo mak kudáliw tad imkamodu, am abin abak uyo kudá kutina nadiw mimin dok sung kidel diyamin kudusidiw uyo kudálodiw banim keidin kala. Sung kidel bela kiba kidisiw ade nami sung kidel bakanyabi, be ki adikum Got ami wanang kinim anang bakan teiniw ikal kidibiw ka.

Kalose 4:2

Kiba ulum kano Got so weng bakan bom nadiwe aket kidel fukan bom Got ken keiyo, akanin kala.

2 Timoti 3:14

Kata kaba kinim kukukamsiw bidi kalam kal ade kaba be ken adikum bidi aket kuyamodaw ka. Watawo kaleyo bá, im kukukamsiw be atin afan kayo kam aket dakfokamiw afan kalesadaw. Kale kaba ulum kano kukukamsidiw uyo kanamál kala.

Ibidu 10:25

Kale Got wanang kinim gu numi tada tada bom dakodawa dakodawain kukuw uyo yak wanang kinim madik imi kanamongin banim itaw keimin bá, kata nikil nuka akanum daw kitid moda modain kukuw uyo kidela tamso tamso faku suduwo kala, kale kilim kal Yesus ami tademin am afung am uyo mew tadbu kala.

Ibidu 10:39

Kata nuka mul wakudaw kalo makalo keisuw wanang kinim bá, nuka nulum afan kalin dim kail bá takeikuyamsa wanang kinim make.

1 Yon 1:3

Kale aka nulum kin atam naduwe nuluta weng kidilaw ausuduw kayo kano bakoyamuwo, kibil kiliwso am sung uyo kidi nadiwe maek num Natim Got so Yesus Kadais so gu makuw kei buduw tadiwo nikil dák mak dádum kala.

1 Yon 1:7

Kata nuka lánin dim buduw kaí, Got lánin taw kei naduwe gu makuw kei buduw Yesus ami kaim ata tabe num ban keimin uyo adikum ginga imkanba kala.

1 Yon 2:19

Kale kinim bidi imadá yak kaek abesidiw be watawo kaleyo bá, ika num kinim mit gu makuw bá kayo kala. Alo ika nuso kinim mit gu makuw nam ika imadá yak kaek abodiw banim, kata ika imadá yak kaek abesidiw, kayo nuka uta kukuduno, nuka atin afan kal keidomo, ika atin adikum num kinim mit gu makuw bá, kala. Kalesuduw ko.

Yut 1:20

Kata nalam duw ifin kiba, ulum kano Got kilim afan kalin kuyamase uyo ife bidiw tam so tam so dukuman buduno kala. Kale kiba Sinik Abem alam kitid dim suksuk bom nadiwe