Sinik Abem 19:10 - Got Weng Abem

¹⁰ Kale bo kana bom bidiw bi itol alew keidiw adikum Yu kayak so Gadík kayak so Eisa bakan bidiw so iyo Kamok weng sung uyo adik kidisiw ko.

Got weng abem: Alokso abino kalin

¹⁰ Kale bo kana bom bidiw bi itol alew keidiw adikum Yu kayak so Gadík kayak so Eisa bakan bidiw so iyo Kamok weng sung uyo adik kidisiw ko.

Sinik Abem 19:10 ပူးပေါင်းရင်းမြစ်များ

Sinik Abem 13:12

tabalasew ayo kukuw kanabu bo utam nadane alam aket Yesus kudaw nadane Faul ami kukumin uyo utam kol beso kuwo kalsa.

Sinik Abem 16:6

Kale Faul so alam nikil so ika yak Fedgia bakan so Galesia bakan so abe nadiwe yak Eisa bakan so unumo kalesiw, kata Sinik Abem ayo bakoyam, “báyo.” Yakano, kayo yak Eisa bakan bo unongin banim dakosiw.

Sinik Abem 18:11

Faul ayo abiw dukum kawákal tein bom wanang kinim Got weng kukuya bi itol mak ade anung mak dakan keisa.

Sinik Abem 18:4

Kale aka sun kuw Finuyámin am uyo tam Yu kayak kawed am une bom nadano weng bakaya bom Yu kayak so Gadík so aket takáyam bom, “Yesus aket kudawino!” Yakansa.

Sinik Abem 19:20

Bemi leiw ki Kamok weng uyo kitid kuw yak abe maek abe matam dukumasu ka.

Sinik Abem 19:22

Alam dakádawin kinim alew Timoti so Idastas so ita imadála Maseddoniya uniwe, alami ata Eisa bakan kawákal makso tein si ausa.

Sinik Abem 19:8

Kale Faul aka kayow alewbinon uyo kawákal tein bom nadano sun kuw tam Yu Kayak kawed am une bom nadane weng kitid weng kuw ilelya bom nadane Got ami kasák gu sung be afano, kal bom aket dakfáyamsa.

Sinik Abem 2:9

Nuka Badtiniyan kayak, Mites kayak, Elam kayak, Mesabotemiya kayak, Yuddia kayak, Kabaddosiya kayak, Bantas kayak, ade Eisa kayak,

Sinik Abem 20:18

Kale ika tadiwe, Faul weng bakoyam, “naka kamakikiw nam tad Eisa bakan kadák tasi atan uyo kibiliwso ki tein bidi nam kukuw teinanubi uyo kibilim kal keisidiw.

Sinik Abem 20:31

Kale kidasu fasko bom aket fukan bom nadiwo naka itol alewbino dákan keisi uyo ulum kano midiliw so táw so naka kim aket budun bom nadine im kitid sánin weng sawa uyo bakayamsi.

Sinik Abem 6:9

Kata kinim madik iyo matam am kanadawsiw, bidi kawed am win, Min Kinim kalbiw, imi kinimo, kale imi abiw abiw be Saidin, Aleksendiya ade alo Silisiya bakan so Eisa bakan so kinim ita mit kei Sitíwen so wengal fukansiw.

Udom 1:16

Kale naka Got sung kidel bakanin be idak teinábi, be watawo kaleyo bá, sung kidel be Got ami kitid kayo uta ta bom wanang kinim adikum afan kalbiw imi ban keimin watakáyamin kayo ko. Kale be kamakikiw Yu kayak isik kidi afan kalesidiw ade kamane akal Mifiw iliso kidi afan kalbiw kayo ika ban keimin watakoyamokaba kala.

Udom 10:12

Got godin weng uyo bako, “sák wanang kinim kalesu be wataw ata bá yak Yu kayak tadiw, Mifiw tadiw be kukum so bá. Kamok makuw ata kuw adikum imi Kamok ade yak wanang kinim kan ata aket kudawiw iyo Got im kinim dákamin seng kukayamába.” Kalesu.

Udom 10:18

Kata naka dákadáli, wanang kinim iyo sung kidel so kidibiwe? Au, be Got godin weng bakosa taw kidisidiw. “Kale im weng uyo yak adikum bakan kuw tabodu uyo adik wakadása. Kale weng bo sák bakan bom yak aba maek aba ausu.” Kalesu.

Galesia 3:28

Adikum kiba Yesus Kadais so makuw yakba kayo, Yu Kayak keidiwe, Mifiw keidiw iwyak be kukum so bá, kinim sok gei tabesiw keidiw, kal gulbal kinim keidiw imi iwyak be kukum so bá, kinim keidiwe, wanang keidiw im iwyak be kukum so bá kala.

Kalose 3:11

Be watawo kaleyo bá, Got aka numi kidel imuda alokso keibuw, kayo kamane Yu kayak tadiw Mifiw tadiw iwyak bewák be kukum so bá ade gulbal kinim bá keidiwe gulbal kinim keidiw imi iwyak bewák be kukum so bá, kata Kadais ata kuw atin miton ade ata ki kanodin kinim wanang makuw makuw imi kidin tem biyába kala.

2 Timoti 1:15

Kaba kalam kal adikum wanang kinim bakan Eisa nalaso biyámin iyo namadá unsidiw ade kinim alew Fiyelas so Edmoyin so ika iliso namadá unsidiw.

1 Bita 1:1

Naka Bita Yesus Kadais alam weng dew kámin kinim, nata sauk kon bela Got wanang kinim walu imuda kilim abiw uyo fotabiw, kudá sakun dá yak Bantas bakan so Galesia bakan so Kabaddosiya bakan so Eisa bakan so Bitinia bakan so adik yak aba maek aba unsidiw kimino, kale goduyami ko.

Daw misun 1:11

bako nada “kaba ufek ufek adikum utamokabaw uyo kudew yak buk dim godu nadawe kudálaw yak Got ami kinim gu fet kal itamuk kala. Kale abiw win be Efesis, Simana, Bekamam, Tayataida, Sáddis, Filaddelfiya ade Leoddisiya itamuk kala.”

Daw misun 1:4

Kale sauk kon bela Yon ata Got ami kinim gu fet kal bakan Eisa bidiw imino kale godu kuyamase. Kale Got kamane be so suwayo bisa so alo yanol tadokaba so Sinik Abem fet kal imak imak makuw alam abin abem kin gubuyo bidiw