Sinik Abem 17:30 - Got Weng Abem

³⁰ Suwayo kinim ika Got kukuw mak kal keidongin banim, kawák ayo Got aka im ban keimin mak abodongin banim keiyámsa. Kata kamano adikum bakan kayak iyo bakoyam, ‘kukuw mafak uyo ibik dumam kudálino.’ Yakba.

Got weng abem: Alokso abino kalin

³⁰ Suwayo kinim ika Got kukuw mak kal keidongin banim, kawák ayo Got aka im ban keimin mak abodongin banim keiyámsa. Kata kamano adikum bakan kayak iyo bakoyam, ‘kukuw mafak uyo ibik dumam kudálino.’ Yakba.

Sinik Abem 17:30 ပူးပေါင်းရင်းမြစ်များ

Matiyu 20:7

ika bakodaw, ‘bá nuka kan ata wok kuyamano ami wok fakudawoduwe!’ Akiwe, aka bako, ‘kaliw kayo kiba kibiliwso yak nam gadew yong wok fálamino!’ Yakei, imadála uniwe,

Matiyu 3:2

nadale bakoda, “kiba ban keimin uyo ibik dumamin kala. Watawo kaleyo bá, Got ami kasák gu uyo mewso tadbu kala.” Kalansa.

Matiyu 4:17

Kale Yesus ayo tad Galili abe nadale kal aka mit kei weng bakayamsa uyo bako nada, “ban keimin uyo kudálino Got ami kasák gu uyo mewso keibuno.” Yakansa ko.

Mák 1:15

“Am ade kamane kal dána tadu ade Got ami kasák gu uyo mew falan tadbu. Kale kiba kilim ban keimin uyo ibik dumam nadiwe Got sung kidel uyo afan kalin kala.” Kalesa ko.

Mák 6:12

imadála yak abiw abiw Got weng bakayam ká bom nadiwe, “ban keimin ibik wakumámino.” Yak bom nadiwe

Luk 13:5

Naka atin báno kalbi, alam bede kiba ban keimin uyo mul wakumamiwo ki ka. Alo banim bude kiliwso im kanom fikalesiw taw keidokabiw ka.”

Luk 15:10

Kale leiw makuw bela alataw kale naka atin afan dam weng kuw bakayabi, ban keimin kinim mak ban keimin mul wakumam nadale aket kumade keidokaba uyo Got ami ensel iyo kalfalin dukum kuw keidokabiw ko.”

Luk 24:47

Kale Yedusalem kalo as bakadá kung kutamo bakan adikum kuw tabodu uyo ban keimin ibik dumamámin weng so ban keimin lukuwá kudámin weng so uyo bakanin kala.

Sinik Abem 11:18

ika weng be kidi nadiwade weng tow so bako Bita kanadawongin banim kei nadiwe Got win kufáda bom bako nadiwe, “Got aka Mifiw kinim so imadála ikil iliso aket dumade Got alam sun biyámin uyo kudu sidiwe.” Kalsiw ko.

Sinik Abem 14:16

Kale afan suwayo Got aka adikum kinim mit mit iyo imadáli ilim kukuw ki kanamino, kalesa.

Sinik Abem 17:23

kale naka abiw abiw uyo ká bom nadine kim ufek ufek suksuk aliw uyo utamansi. Kale naka alo kim suksukin bán mak utamasi, kaok umi godusiw uyo bako, ‘Be Got Num Kal Banim Ami ko.’ Kalesu ka. Kalesi. Kale naka be Got ami mit ayo bakoyamongin keimi.

Sinik Abem 20:21

Naka Yu Kayak so Gadík kayak so kinim gu alew, kiba sung kidel uyo bakayamino, ‘kim ban keimin uyo ibik dumam nadiwo nulum Kamok Yesus aket kudawino!’ Yakeisi.

Sinik Abem 3:19

Kale kilim aket uyo ban keimin ibik dumam nadiwo maek Got ami mit tadiwo Got ayo kim ban keimin uyo takan keiyamokaba.

Udom 1:28

Kale kinim wanang bidiyo mak aket fukan dá, Got ami kal keimin tatun kidel bo atin iwkuko kalongin banim, kayo Got ayo ibik duyam kanamino, yaka aket mafak fukanin uyo fukan bom kanamusiw.

Udom 2:4

Got aka kukuw kidel kanaya bom akol dakbu itabe, be watawo kaleyo bá, fiaw kam leiw fen sidino kam kukuw mafak so biyámin mafak so uyo kudálawalo, kale fenba. Kale kaba bemi kukuw kidel kanayaba uyo kal kei badaw bade bu sák bisoko, kalbaw?

Udom 3:23

Kale wanang kinim adikum ban keimin so kayo ken Got kin dim maek alam lamlam tem todoliw banim ko.

Udom 3:25

Kale Got aka Yesus Kadais dabadála madák wanang kinim imi ban keimin idum kudulako, kale nadano kayo Got aka wanang kinim keng kuyamomi báyo, kale kanose. Aka Kadais ami kaim so wanang kinim ilim afan kalin so tuw Got alam keng uyo kail bá takeikuyaba. Kale leiw makuw belami leiw ki, aka kidel kanamin kinim ade kukuw kikiw kuw kanamin kinim kala. Kaleyo aka kamakikiw wanang kinim dil biyámsiw imi ban keimin umi yán uyo mak sok gei imusa bá, be watawo kaleyo bá, aka alam kal, yanol Kadais ayo tad nadane ban keimin bela takan keiyamokaba kale nadano kayo ko.

2 Kodin 7:10

Kaleyo kanodin fatom bo Got alaso kalfalba uta tabe kinim iyo akis moyamu ilim aket uyo dusikidiwe, Got ayo kail bá takeikuyaba, kayo nuka be ken aket mafak keidoluw banim. Kata kinim wanang afan kalongin banim ika ilim ban keimin guew dudu sok gei imkan bidiw aket mafak mafakin uta tabe yán tako imudu yak Got atamodiw banim keidokabiw,

1 Bita 4:3

Kale kiba, kamakikiw atan seng seng uyo dil ban keimin kinim imi kanamumo kalin ki kanamusiw. Kale bo fatom keimin kukuw uta aket kumam kanamusiw. Kale be aket seng sakadinin kukuw kukámamin so bakan dim ufek ufek kayakim keiyámin so liwliw wan bom wok mafak wanin so ibakamin got suksukin so uta kanamámsiw ko.