Sinik Abem 17:1 - Got Weng Abem

¹ Kale Faul so Sailas so iyo tad Amfibolis abiw so Aboloniya abiw so iyo fako nadiwade yak Tesalonaikka abiw Yu kayak kawed am so bu kal uniw ko.

Got weng abem: Alokso abino kalin

¹ Kale Faul so Sailas so iyo tad Amfibolis abiw so Aboloniya abiw so iyo fako nadiwade yak Tesalonaikka abiw Yu kayak kawed am so bu kal uniw ko.

Sinik Abem 17:1 ပူးပေါင်းရင်းမြစ်များ

Sinik Abem 14:1

Kale Faul so Bánabas so ika yak Aikkoniyam abiw kal tein bom nadiwo ilim kanamaliw taw tam Yu kayak kawed am bom aket dakfáyamin weng bakayam bidiwo Yu Kayak kinim seng seng so Mifiw kinim seng seng so iyo Yesus afano kalesiw.

Sinik Abem 15:21

watawo kaleyo bá, suwayo katow kalo kanam kudew tad kadák didu be Mosus sawa abem bo abiw dukum dukum adikum kukuyamaliw ade adikum Finuyámin am dánámin kal ulum kano kíyamámaliw.” Yakeisa.

Sinik Abem 16:13

Finuyámin am mak dána nuka abiw dám fakosiw uyo kudá awsom leiw tam abe dák wokeng unuwe, nulum aket kaok uyo bako kalu ko. Wok mewso be tada tada bom Got suksukin bán sone mak, kale naduwade wakas dák bán uyo utam dák tein naduwe wanang tein fakadá bidiw iso weng bakan buduwe,

Sinik Abem 17:10

Bemi midiliw kawákal Yesus afan kalin nikal fikal iyo wabising Faul so Sailas so imadáliw sakabe yak Bedíya abiw unsiw. Kale ika tad Bedíya abiw kal abe nadiwade alew tam Yu kayak kawed am kal nadiwo

Sinik Abem 17:11

Bedíya kinim wanang im kukuw uyo utamomo im kukuw kidel be Tesalonaikka kayak im kukuw kidel akayam tam so keisiw ka. Kalesiw. Kale ika Faul so Sailas so imi weng bakanbiw bo makso kidimumo, kal bom nadiwe sun kuw ika Got godin weng uyo kí bom nadiwe mit afet bom Faul so Sailas so imi weng bakanbiw bo afan bakabiwe, báye kal bom afetsiw.

Sinik Abem 17:13

Yu kayak Tesalonaikka biyámin ika kidilomo, Faul be Bedíya abiw kal kanom Got weng bakan bom tein beno, kale kal kei nadiwe ika tad Bedíya abiw nadiwe wanang kinim aket dakfoyamiw abiw kawák kinim wanang iliso makuw kei nadiw Faul so Sailas so iyo kanaya bidiwo,

Sinik Abem 20:4

Kale be Faul alafin unsa bá, aka alaso kámin kinim im win uyo Bedíya abiw kinim mak Baidas am man Sobata keida, Tesalonaikka abiw kinim alew im win Adistakas so Sekundas so keidiw, Dedbi abiw kinim mak am win Gayas keida, Eisa bakan kinim alewbino im win Timoti so Taikkikas so Tadofimas so keidiw, ita aso unsiw.

Sinik Abem 27:2

Kale nuka siw mak Addamitiam kalo Eisa bakan sol wok badang badang kal leiw unono kanabu ka. Kale naduwe yak siw am abe unuwade, Adistakas Maseddoniya bakan Tesalonaikka abiw kinim ayo alaso nuso keida unsuw ko.

Filibai 4:16

Kale bid wataw kal memak moyane, naka Tesalonaikka abiw kal bom ufek ufek iwa bom dakonamino, kal bidi ta bom kiwta sawil dakonam dakonam keimsiw.

1 Tesalonaikka 1:1

Faul nakal keidi, Sailas so Timoti so keidiw, nuta sauk kon bela godu kudáluw Tesalonaikka abiw Natim Got so Kamok Yesus Kadais so imi wanang kinim gu kimino, kale kuyamuw. Kale nuka Got gánlawuwo, Got so Yesus so imi min gelemin so aket dakbudin so uyo ken kiwso buduno kala.

1 Tesalonaikka 2:2

Kibilim kal, nuka kamakikiw yak Filibai abiw unuw. Filibai kayak ika kukuw mafak so itafimin so keiya bidiwo yanol yak Tesalonaikka abiw kiba itamasuduw kala. Kale yak Tesalonaikka abiw kinim ikil seng kanaya bidiwo, kata nulum Got ayo atud aket kuyamano, kayo alam sung kidel uyo bakayamsuw.

2 Tesalonaikka 1:1

Faul nakal keidi, Sailas so Timoti so keidiw, nuta sauk kon bela Tesalonaikka abiw Natim Got so Kamok Yesus Kadais so imi wanang kinim gu kimino, kale goduyamuw ko.

2 Timoti 4:10

Dimas aka bakan dim kadák umi aket ki wananlaw tabu atin namadá Tesalonaikka bakan unane, Kadesen akal Galesia bakan unane, Taitas akal Dalmesia bakan una ausidiw,