Sinik Abem 14:7 - Got Weng Abem

⁷ kal ká bom sung kidel uyo ulum kanom kukuyam kámsiw ko.

Got weng abem: Alokso abino kalin

⁷ kal ká bom sung kidel uyo ulum kanom kukuyam kámsiw ko.

Sinik Abem 14:7 ပူးပေါင်းရင်းမြစ်များ

Sinik Abem 11:19

Kale Sitíwen ayo fikalane, im mafak dákanin uyo matam abune, Yesus aket kukádawin kinim iyo basikela yak aba maek aba bom yak Antiák abiw Fonísia bakan abe Saibadas bakan abe kei bom nadiwo weng uyo Yu kayak ita kuw bakayamsiw.

Sinik Abem 14:15

“kinim kiba, watawo kaleyo bo kanabiw. Nuka sák kukum bá, kibiliw taw nukul kinim ka. Nuka sung kidel uta kudew tad bakayamumo, kale tasuduw. Kale kiba sák kukuw ufek ufek dam banim umi kanamin uyo kudá dumade Got Motabid ami abid so bakan so sol wok so ade imi dim ufek ufek teinbidiw so kidel kusa kinim am mit tem tadin kala.

Sinik Abem 14:21

Kale weng dew kámin kinim alew Faul so Bánabas so iyo tow Dedbi abiw kal sung kidel uyo baka bidiwo wanang kinim seng iyo tad Yesus aket kudawiw imadá nadiwade alo ilim yán tem net Listada abiw abe nadiwade yak Aikkoniyam abiw abe kalo Antiák abiw abe bom nadiwo

Sinik Abem 16:10

matam nikil bakoyam, “nulum kal Got aka gán dáyam sung kidel uyo kudew yak Maseddoniya bakan kal bakayamino! Kalba.” Kalane, nuka wabising ufek ufek uyo saksaku kudew unsuw ko.

Sinik Abem 17:2

Faul aka kawákal bom nadano Finuyámin am dánámin alewbino uyo tam kawed am une bom nadano alam kanamámala kukuw be ki abo Got buk tem weng um mit uyo kalesano, kal bom nadanade

Sinik Abem 8:4

Kale Yesus afan kalin wanang kinim básikel sakabe abiw mak mak unsidiw iyo Got weng bakan yak aba maek aba kei bidiwo,

1 Tesalonaikka 2:2

Kibilim kal, nuka kamakikiw yak Filibai abiw unuw. Filibai kayak ika kukuw mafak so itafimin so keiya bidiwo yanol yak Tesalonaikka abiw kiba itamasuduw kala. Kale yak Tesalonaikka abiw kinim ikil seng kanaya bidiwo, kata nulum Got ayo atud aket kuyamano, kayo alam sung kidel uyo bakayamsuw.

2 Timoti 4:2

Got weng uyo bakanal kala. Kale kaba Got weng bakanin uyo sun kuw fasko bom nadawe wanang kinim bakoyam beta kanamino, yak bom nadawe mafak keibiw uyo weng bakaya bom im kitid sánal kala. Kale kaba be atin dakbuyámin dukum so atin kalam kukumin leiw kidela aboyámin so tuw kanamal kala.