Sinik Abem 13:26 - Got Weng Abem

²⁶ Nalam nikil fikal Ebadakkam láw so Mifiw kinim Got atud fingánin kinim so kiba, Got nulum kail bá takeikuyamin umi sung kudála tasu kaí, tad nulum dim abesu ka.

Got weng abem: Alokso abino kalin

²⁶ Nalam nikil fikal Ebadakkam láw so Mifiw kinim Got atud fingánin kinim so kiba, Got nulum kail bá takeikuyamin umi sung kudála tasu kaí, tad nulum dim abesu ka.

Sinik Abem 13:26 ပူးပေါင်းရင်းမြစ်များ

Matiyu 10:6

Alam fok un bi Isadael kayak iniman siwsiw taw kalo maklo keisiw ki itamámin kala.

Matiyu 3:9

ude kiba aket fukan dá bako nadiwade, ‘Ebadakkam be nulum awadiko’ kalin bá. Watawo kaleyo bá, kiba Ebadakkam am kukuw taw fakudongin banim, kayo kiba am maduw bá ka. Got aka ken Ebadakkam man low takudawon kaloma uyo aka ken tum seng seng bula kumadela matam Ebadakkam muduw keidoliw kala.

Luk 1:69

Got alam wok fakudin kinim Dewit ami kinim mit kalo kal Got ayo kinim kitid soim mak dauyama ata matam be nadale nuka dakoyam kail bá takeikuyamse.

Luk 1:77

Kaleyo wanang kinim ban keimin kail bá takeikuyamámin sung uyo bakoyamaw kal kei bom ilim ban keimin uyo lukuwá kudá keim sidiwo kala.

Luk 24:47

Kale Yedusalem kalo as bakadá kung kutamo bakan adikum kuw tabodu uyo ban keimin ibik dumamámin weng so ban keimin lukuwá kudámin weng so uyo bakanin kala.

Yon 6:68

Kale Saimon Bita asik bakodaw, “Kamokim nuka kan finang unokabuwane? Alo kawta ilim tuwámin weng ude faku badaw.

Sinik Abem 10:2

Kale alaso alam am makuw teinámin so ika Got win kufádaw bom sun kuw Got so weng bakanin ade aka Got atud fingán bom nadanade aka kinim isom, kayo aka kinim wanang ufek ufek iwa bidiw iyo ufek ufek dakáyamin kinim.

Sinik Abem 10:35

Kata Got ami aket kuyamsa bidi yak kan ita suksuklaw bom nadiwe kukuw kidel kuw fakubidiw ita. Kale aka yak wanang kinim bakan mak mak tasiw kal bom afetin beta iwkuk bá.

Sinik Abem 13:43

Yanol kinim wanang ika kawed am kudá tam abe uniwe, Yu kayak seng keidiwe, Mifiw kinim seng Yu Kayak kukuw kudusiw keidiw iyo iliso Faul so Bánabas so leiw ei bom nadiwe alew ika im kitid sánin weng bakoyam, “kiba ulum kano Got aket kudaw bidiwano.” Yakansiw.

Sinik Abem 13:46

Beta Faul so Bánabas so alew atud kuw fakadá weng bakoyam, “alew nuka Got weng uyo kudew tad kiliwsik bakoyamumo, kanabuw. Kata kiba bo báyo, kalbiw. Kala kaleyo kiba mada ken wakbak sun biyámin sinik bo kuduloliw banim. Kala kaleyo kamano nuka Mifiw wanang kinim ita kin diyamuw ko.

Sinik Abem 16:17

Kale wanang mát uyo Faul so nuso yán tem tada bom nadune weng dukum kuw bako, “kinim bidi kala, Got adikum ufek ufek win tabamin akayamsa ami wok fakudawin kinim ade ika Got ami kano kano au nada kim ban keimin kail bá takeikuyamokaba sung uyo bakayabiwo.” Kal bom

Sinik Abem 22:5

Kale bokal kayak so kansol seng so ika ken natamiw, aka afan bakaba nakodiw ká. Naka im sauk kon kunam yak Damáskas Yu Kayak Yesus afan kalin iyo faku imadew tadalo! Nakiw ka. Kale naka yak faku imadew tad Yedusalem kal sok gei imudono, kale abe bidi

Sinik Abem 28:28

Kala kaleyo nam aket kiba kal keidin kala! Got ami kail ba takeikuyamin sung uyo kudála tad Mifiw kinim abesu ade ita tabe kidilokabiw.” Yaka nade

Sinik Abem 3:26

Got ayo alam Wok fakudin kinim ayo talá dafo nadane aka dabadála tad Yu kayak kibilim dim asik abe im kinim dáse. Be alam imadela kilim ban keimin kukuw uyo kudá maek Got mit tem tasidiw beta ka.” Bita kalesa ko.

Sinik Abem 4:12

Kaleyo Yesus makuw aka alata kuw ken wanang kinim iyo ban keimin uyo kail bá takeikuyamoma kala. Kaleyo mew anang bakan kuw tabodu wanang kinim bidi mak Got win kitid dauyamsino ken im dim ban keimin kail bá takeikuyamodiw banim.” Yakiwe,

Sinik Abem 5:20

“Kiba yak Yol am kasadam tem tod nadiwe wanang kinim iyo alokso biyámin sung adikum bula bakayamin kala.” Yakeisa.

Udom 1:16

Kale naka Got sung kidel bakanin be idak teinábi, be watawo kaleyo bá, sung kidel be Got ami kitid kayo uta ta bom wanang kinim adikum afan kalbiw imi ban keimin watakáyamin kayo ko. Kale be kamakikiw Yu kayak isik kidi afan kalesidiw ade kamane akal Mifiw iliso kidi afan kalbiw kayo ika ban keimin watakoyamokaba kala.

Efesis 1:13

Ade be kibiliso sung kidel be kidi afan kale kei bidiwe uta kail bá takeikuyamune, Got aka kiba nalamino, kale nadane alam weng takadáyamsa uyo Sinik Abem dauyamse, be nalamino kale sikit anak teiyamin taw keise ka.

Kalose 1:5

Kiba kamakikiw weng tatun bemi sung kidel kidisidiw, be kal kilim mimin dok diyamin kudokabiw sung uyo kal keisidiw kala. Kaleyo, kilim mimin dok diyamin ata tabe, kibilim Yesus afan kalin so yak madik imi aket dawkáyamin so umi abin abák kala. Kale belami atin afan kudulokabuw umi mimin dok diyámin be abid tikin kal kilimino, kale kalo wakman wányamabu ko.