Matiyu 7:24 - Got Weng Abem

²⁴ Kaleyo kan kinim ata nam weng kidi nadane kudew tabe bom kitakaba namti, aka kinim aket tetin ami am ginaba, be aka tum dim kal am kun tem kidelu kadol nada ginaba taw ko.

Got weng abem: Alokso abino kalin

²⁴ Kaleyo kan kinim ata nam weng kidi nadane kudew tabe bom kitakaba namti, aka kinim aket tetin ami am ginaba, be aka tum dim kal am kun tem kidelu kadol nada ginaba taw ko.

Matiyu 7:24 ပူးပေါင်းရင်းမြစ်များ

Matiyu 12:50

Kan kawta nam Natim abid tikin kayak alam aket fukanba ki kudew tabeyábaw namti, kawta nam ning ade nam neng ade nam neniw ka.” Kalesa ko.

Matiyu 16:18

Kale Saimon, naka bakokamon kala, kaba kam win be Tum.” Akeisa. Be Gadík weng Bita kalbiw. Kale naka tum abák bemi dim kal Got ami kinim gu uyo fabudu mo imudokabi ade fikalanámin adikum umi kitidim uyo tabe anik anik auyamoma banim.

Matiyu 24:45

“Kan ata aket kidel fukanin ade afan kanamin kinime? Tabalasew mak aka alam wok fakudawin kinim mak aket daudaw walu dau nadale kawta wok fakudin kinim madik iyo kin mo bom imin tew keiyama namti, kaba wanin dauyamalo, akei unokaba.

Matiyu 25:2

Kata auok kal mak ika aket dakwan, wáw auok kal mak ika aket tetin.

Matiyu 25:4

alo aket tetin wanang itane lám ket so kadasin wok ket so kudewiw ú unsiw.

Matiyu 25:9

ika weng kala bakoyam, ‘bá, kanodin be kiwso nuso kenoma bá. Kale bede kiba yak kinim kadasin wok sánin itam mak mo nadiwano,’ yakeisiw.

Matiyu 7:25

Aka am bo ginedane weiw dukum madák abune wok fukam matam bune inim gedul umi kitid uyo kudew tad am dákabu, kata am ayo bilaloma banim. Watawo kaleyo bá, aka tum dim kal am kun kabi gineba kayo ko.

Matiyu 7:26

Kata kan kinim ata nam weng be kidi nadanade kudew tabe bom kitakámongin banim namti, aka kinim aket dakwan ami am kun sák wok siksik dim kadákal loklok gine kudane,

Luk 11:28

Yesus weng atung fakadu bakomam, “á yak kan kiwta Got weng kidi dudew tabe bidiw namti, kiba idak abin teinokabiw ka.” Kalesa ko.

Yon 13:17

Kamane kiba belami kukuw uyo kal keidiw, kale kiba bo dudew tabokabiw namti, Got im kinim dáda aket idak teinokabiw ko.” Yakeisa.

Yon 14:15

“Kiba aket kunamokabiw namti, nami kukuw kanamino, yakbi uyo kanamokabiw.

Yon 15:10

Kale kiba nam kanamino yakbi uyo kidilokabiw, beta kiba nam kim aket kukáyamin tem bokabiw, beyo ki nakal Natim ami kanamalo nak bada kidi bom alam aket kukánamin tem bi taw kala.

Yon 15:14

Kale kiba nam weng sawa uyo kidiliw namti, kiba nam nakanum kasal ko.

Udom 2:13

Kaleyo sawa abem kidimin kuw keimin be ken kinim wanang kanoyama, Got kin dim ken keidoliw banim. Kata sawa abem kanoyama maek Got kin dim ken keimin, be alam sawa abem kanamalo, kal buki atin adikum kidi abodokabiw beta ka.

1 Yon 2:3

Kale nuka Got weng kanamino, yakba uyo kidi fainfainokabuw, beta atin kal keidomo Got be afan nulum kal kei buduw ka, kalokabuw.