Matiyu 7:22 - Got Weng Abem

²² Kale am afung am dánan tad bada kabadák kinim seng seng ika bakonam nadiwe, ‘Kamokim, Kamokim nuka kam win tudow dim lum abem sen bom naduw ade nuka kam win tudow dim sinik mafak iyo fotaba bom naduwe kukuw makik makik seng seng uyo kanamábuwo.’ Kalokabiw.

Got weng abem: Alokso abino kalin

²² Kale am afung am dánan tad bada kabadák kinim seng seng ika bakonam nadiwe, ‘Kamokim, Kamokim nuka kam win tudow dim lum abem sen bom naduw ade nuka kam win tudow dim sinik mafak iyo fotaba bom naduwe kukuw makik makik seng seng uyo kanamábuwo.’ Kalokabiw.

Matiyu 7:22 ပူးပေါင်းရင်းမြစ်များ

Matiyu 10:15

Kata naka dam weng bakoyamon, am afung am dánokabu kawák abiw im tam am dádongin dakosidiw, ika atin kál funin mafak kudokabiw, be Soddom so Gamoda so kanosiw taw bá, atin ita tam so kudokabiw.

Matiyu 24:36

“Got ami Kinim ami tademin am dánámin so atan makam so be kan ata mak alam kal? Atin bá be, abid tikin ensel ikil im kal banim ade alam Man Yesus akal am kal banim, kata Natim Got makuw alafin alam kal ko.

Matiyu 25:11

beta ayo yanol wanang aket dakwan iyo tad somane kanobiw kala. Kale nadiwe bakodiw, ‘kanaminim kawta! Kawta yal bisuyamalo!’ Akiw.

Matiyu 7:21

“Kale kinim adikum bakonam nadiw ‘Kamokim, Kamokim’ nakbiw, ika adikum yak Got ami kasák gu unokabiw bá, kata kinim wanang yak kan ita Natim abid tikin kayak ami weng ki kidilawábiw, ita kuw yak kasák gu unokabiw ko.

Luk 10:12

Naka atin afan dam weng bakoyamon, Got ami am afung am dánokabu, be Got ayo Soddom abiw ita idum katiw kuyamokaba, kata kanabiw abiw biditane idum dukum kuyamokaba kala.

Yon 11:51

Be aka alam aket tei bakosa bá, kata belami itol kal bokal kayak keidaw sidiw kayo, aka Got ami lum senin weng, kale bako nadane, “Yesus ata Yu kayak im as boyam fikalokaba.” Kalesa kayo ko.

1 Tesalonaikka 5:4

Kata afan kalin nikil fikal kiba, midilin tem bidiw bá, kayo kanodin am dánokabu uyo duyo duyo kalaniw yakot wanin kinim ta bom yakot wanediw diking dakungin taw keimin bá.

2 Tesalonaikka 1:10

Kale umi kanodokabu uyo alam tadokaba bemi am dánokaba kal adikum alam kinim im idak teinlawámin so adikum kan ita ilim aket kudawsiw imi win kufádawin so uta kudulono, kalokaba. Kale be kibiliwso keidokabiw, watawo kaleyo bá, kiba num weng uyo afano kalesidiw kayo ko.

2 Timoti 1:12

Kale belami mit ata naka nalam kál funbi, kata naka fingánin aket banim. Naka Yesus be afan be kalesi. Kale naka atin nalam kal aka alam wok kunam kin modako, kale kunamase uyo alata kudew fakunam sada si am afung am dánámin uyo tadokabu.

2 Timoti 1:18

Kale Kamok kaba am afung am dánámin kawák, kaba kinim be aket budunin kudawal kala. Kale ami Efesis abiw kal bom leiw seng seng dakánamsa bo kalam kal ko.

2 Timoti 4:8

Kale kamane nami bu afan kudulokabi, kale mimin dok di kanam tabesi umi yán kai Kamok akal kidel kutinamsa ka. Kale be Kamok tatun taktakin kinim alata am afung am dánokabu kal kunamokaba. Kale be nata kuw kunamokaba bá, kata yak wanang kinim adikum kan ita alam aket kudaw bom leiw fen bom misunako, kalbiw iliso kuyamokaba ko.