Matiyu 25:10 - Got Weng Abem

¹⁰ Kata ika kadasin wok modumo kale leiw ei bidiwe, kinim wanang imin fakadulono kaleba kinim ayo tadale, yak wanang sei mifiw auok kal aket tetin iyo kinim aso tam kinim wanang kudulono kale bada wanin tukul tukulin am tam nadiwade yal kaw kaw neda dabadáliwe,

Got weng abem: Alokso abino kalin

¹⁰ Kata ika kadasin wok modumo kale leiw ei bidiwe, kinim wanang imin fakadulono kaleba kinim ayo tadale, yak wanang sei mifiw auok kal aket tetin iyo kinim aso tam kinim wanang kudulono kale bada wanin tukul tukulin am tam nadiwade yal kaw kaw neda dabadáliwe,

Matiyu 25:10 ပူးပေါင်းရင်းမြစ်များ

Matiyu 24:42

Kaleyo kiba kidela fasko bom kala, watawo kaleyo bá, kiba kim Kamok tademin am dánámin ayo kim kal banim.

Matiyu 24:43

Kata kiba bula finang dádin kala. Kanom kinim mak aka kal keidomo yakot wanin kinim aka tad nam, am yakot wanokaba ka, kalokaba, be aka am basat dabadála yakot wanin kinim ayo tad ami am tam yakot wananoma banim.

Matiyu 24:44

Kale bemi mit beta kiwso kidela kin mak kin bá bom fasko bomo kala. Watawo kaleyo bá, Got ami Kinim ayo atin kim kal keidongin banim kalo duyo kalaniw kalo maklo tadokaba.”

Matiyu 25:6

bi midiliw am kámam lodawane, weng mak gán bom bakoda, ‘wo kinim wanang imin fakadulono kaleba kinim namti, kalak abe tadba. Kale unom leiw eidawino.’ Kalane,

Matiyu 7:21

“Kale kinim adikum bakonam nadiw ‘Kamokim, Kamokim’ nakbiw, ika adikum yak Got ami kasák gu unokabiw bá, kata kinim wanang yak kan ita Natim abid tikin kayak ami weng ki kidilawábiw, ita kuw yak kasák gu unokabiw ko.

Luk 12:35

“Kale kaba lim kidela anak tabid miki nadawade yakom yako dawti wataw so tadoma, kale kin mak kin bá fasko bom biyámin ko.

Luk 13:25

Kata am kayak alata matam nadale awsom yal leidokaba uyo kiba abiw tod bom gaugau bom nadiwade munlaw bom bako, ‘kaba awsom yal bisuyamalo!’ Akanokabiw, kata aka weng taman kiyamoma banim, aka bako nadale, ‘kiba nam kal banim ade kiba yakalo tadbiwa.’

Kalose 1:12

Beta asawil Natim Got bakanla bom ken keiyo, akanokabiw, watawo kaleyo bá, aka kidel imu kitid dauyama, kiba kibiliwso ken maek nalam wanang kinim abid tikin kayak ade nalam kasák gu lánim abiw kayak imi ufek ufek weng takadáyamsi kuyamokabi uyo kiliwso kudulokabiwo, kalesa kayo ko.

2 Timoti 4:8

Kale kamane nami bu afan kudulokabi, kale mimin dok di kanam tabesi umi yán kai Kamok akal kidel kutinamsa ka. Kale be Kamok tatun taktakin kinim alata am afung am dánokabu kal kunamokaba. Kale be nata kuw kunamokaba bá, kata yak wanang kinim adikum kan ita alam aket kudaw bom leiw fen bom misunako, kalbiw iliso kuyamokaba ko.

1 Bita 1:13

Kaleyo Got be kanaba, kayo kaba kalam aket tem uyo fukan dá yakno yakno nadino faskodokabi, kal bom aket tetal kala. Kale kidela kin gadel tabe nadawe Yesus wanang kinim dim misunokaba atan kal Got ami ufek ufek kidel kukayamokaba, umi mimin uyo kidela dok didal kala.

Daw misun 1:7

Utamal! Aka ibin tem tadokaba kal adikum kinim ika kin atamokabiw ade kinim un salawsiw iliso atamokabiw. Kale kinim adikum ika atam nadiwe fidinin so amanin so keimokabiw. Kale afan ko.

Daw misun 19:7

Kale nikil nuka kalfal bom idak tein bom ade Got win dukum kufádawum kala! Kale Siwsiw man ami wanang kudulono kalin atan namti tasu ade wanang um dabudulono kale bu uka faskobu.

Daw misun 22:20

Kale kinim ufek ufek adikum alam kin wala utamse ayo bako nadule, “au, naka mewso tadanbi.” Kalane, Yon ayo bako, “au, afan Kamokin Yesus, kaba tadalo!” Akeisa ko.