Matiyu 16:13 - Got Weng Abem

¹³ Kale Yesus aka yak abe tam Sesadiya Filibai abiw bakan kal tam nadale aka alam weng kidimin kinim bakoyam, “wanang kinim ika im aket Got ami Kinim be kan atanako, akanábiwe?” Yakane,

Got weng abem: Alokso abino kalin

¹³ Kale Yesus aka yak abe tam Sesadiya Filibai abiw bakan kal tam nadale aka alam weng kidimin kinim bakoyam, “wanang kinim ika im aket Got ami Kinim be kan atanako, akanábiwe?” Yakane,

Matiyu 16:13 ပူးပေါင်းရင်းမြစ်များ

Matiyu 12:32

Ade kan kinim ata Got ami Kinim ididilawin weng mak mafak bakodawokaba, bo ken lukuwá kudálawokaba, kata yak kan ata Got Sinik Abem ayo ididilawin weng mafak mak bakodawokaba namti, Got ayo atin kano lukuwu kudálawoma bá, kale bemi ban keimin be kamane so yanol so tein unokabu so mak lukuwá kudálokaba bá ko.

Matiyu 12:40

Yona aka takam dukum mat tem bi am dánámin alewbino, midilámin alewbino keisa. Ulutaw Got ami Kinim akal kanom bakan tem bom bada bi midilámin alewbino, táw alewbino keidokaba.

Matiyu 12:8

Kaleyo Got ami Kinim ata kuw Finuyámin am mit kayak.” Yakeisa ko.

Matiyu 13:37

aka weng atung fakadu bakoyam, “yak kinim mak wit luw fukadábano kali, beyo ki Got ami Kinim ami sung ka.

Matiyu 13:41

Kale Got ami Kinim ayo alam ensel imadála ika yak alam kasák gu tem nadiwade yak kan kinim ita yak kinim madik iyo kanoyamiw ban keimusiw so kukuw mafak fakudin so iyo buduliw tad gu makuw kei imu nadiwe

Matiyu 15:21

Yesus aka bakan kabadák uyo kudá nadale binoda un bi yak Taya abiw so Saiddon abiw so im bakan kuw tabodu una.

Matiyu 16:27

Got ami Kinim aka alam Alaw ami lamlam tem, alam ensel so tadokabiw, kabadákal aka adikum wanang so kinim so iyo ilim kanamusiw umi yán kukáyamokaba.

Matiyu 16:28

Kale naka atin afan dam weng bakoyamon kala, madik kamano tod bidiw kiba fikalongin dako alom nadiwo Got ami Kinim alam kasák gu so madák aba atamokabiw kala.” Yakeisa ko.

Matiyu 25:31

“Kale Got ami Kinim ayo alami kin lukluk so tem tadokaba be adikum ensel iyo iliso tadokabiw, be aka abid tikin alam abin abem kin lukluk so teinokaba.

Matiyu 8:20

Yesus weng bakodaw, “sew mayan ikil im akálámin bán so ade tam el awon ikil bán dim akálámin so kata Got ami Kinim aka abin bán banim.” Akane,

Matiyu 9:6

Kata kiba kal keidomane, Got ami Kinim aka bakan dim kadák uyo ata kitid so.” Kale aka ken ban keimin takan keiyamoma kinim kalin kala kaleyo bo kalbane, kun dabim dása kinim bakodaw, “kala kan tod kalam abin kon dew kalam abiw unal!” Akane,

Mák 10:45

Kale be alataw kale Got ami Kinim, aka tadino wanang kinim ita nam wok fakunamino, kale nadano tase bá, kata aka tad nadino nata wanang kinim im wok fakuyamono, kale nadano tase ade aka alam dam so sinik so uyo wanang kinim imi guew dudu kuyam fikalese.”

Mák 8:38

Kan kinim ata nam win so nam weng so uyo sakadinin ade ban keimin kinim mit im kin dim bakodomino, kale nadale fatom fatomba namti, Got ami kinim lamlam soim tadokaba kabadák akal kinim ami win uyo alam kin dim alam Alaw Got kin dim, Ensel abem abem kin dim kadákal nakal ami win uyo bakodawomino, kale fatom fatomokabi ko.” Kalesa.

Yon 1:51

Akei nadane alo makso bako, “naka atin afan dam bakokamon, kiba adikum abid tikin fal bisuda Got ami ensel iyo ábal dim daung madák Got ami kinim dim tadbiw, tam unbiw kei bidiw itamokabaw.” Akeisa ko.

Yon 12:34

Kale beta kinim seng seng gu dumobiw iyo bakodaw, “nuka weng sawa kidisuw uyo bako naduno, ‘Got Walusa Kinim ayo sun kuw biyámokaba,’ kalesu. Kale kaba watawo kale bako nadawo, ‘Got ami Kinim be as dawing dákamin dim dafodokabiwo.’ Kalbáwe? Ade Got ami Kinim be kan atano am dinang bakabaw?” Akiwe,

Yon 3:14

Kale Mosus aka anang iwán sed gisa bakan kal faimkun kiksidin taw as gang dim daw tam gida atam nadiwo wanang kinim im asanin uyo banimámsu, alataw Got ami Kinim ayo dafo dew tam as dim dawtidiwo ika ataman bom nadiwo sun biyámin uyo kudamokabiw kala.

Yon 5:27

Kaleyo Got ayo alam Min kitid kudawa kinim afetba uyo watawo kaleyo bá, aka Got ami Kinim kayo ko.

Sinik Abem 10:38

Yon aka Yesus Nasadet kayak wok ban bodaw sadano Got Sinik Abem so kitid so uyo kudála madák Yesus dim abesu. Kale Yesus kukuw kidel faku bom bakan adikum yak abe maek abe ká bom nadane kinim wanang Mafakim kitid akfak tem unsiw iyo im kidel bom keimsa. Watawo kaleyo bá, Got aka alaso badano kayo ko.

Sinik Abem 7:56

bako, “bo utamin, naka abid tikin uyo bisudu katam fenomo, Got ami Kinim kai, Got alam teng miskuno kal tod be ka. Kalbi.” Kala nade