Luk 4:15 - Got Weng Abem

¹⁵ Kale Yesus ayo ilimi kawed am tem tem kal weng bakayam badano adikum wanang so kinim so iyo am win ki kufádawsiw ko.

Got weng abem: Alokso abino kalin

¹⁵ Kale Yesus ayo ilimi kawed am tem tem kal weng bakayam badano adikum wanang so kinim so iyo am win ki kufádawsiw ko.

Luk 4:15 ပူးပေါင်းရင်းမြစ်များ

Matiyu 13:54

tad alam abiw nadale aka ilimi kawed am tem katam kal wanang kinim weng kukuyamane, ika aket diking dakung bom nadiwe bakodiw, “kuin, mew kinim bela ami kal keimin bo yako kalo kudu nadale mudi dákamin umi kitid uyo yako kalo kudu ausene?

Matiyu 4:23

Kale Yesus aka Galili bakan fokfok ei bom nadale ilimi kawed am kaw tam kal weng kukuyam tam tam ká bom nadale Got kasák gu tem biyámin sung kidel uyo kukuyam ká bom nadale yak kanomin mafak dásiwe, asanin gam gam wanang kinim iwyak tem bidiw iyo im kidel ká bom keim ká badale,

Matiyu 9:35

Kale Yesus ayo abiw dukum abe abiw katiw abe ká bom nadale ilimi kawed am tem tem katam kal Got weng kukuyam ká bom nadale Got kasák gu tem biyámin sung kidel uyo weng kukáyam tam tam ká bom nadale imi adikum asanin so kál funin so uyo kidel bom aka wanang kinim kidelyam kanam tase ko.

Matiyu 9:8

Kale kanomin wanang kinim iyo kanodu bula utam nadiwade ika aket diking dakung bom nadiwade ika Got win kufádawsiw, watawo kaleyo bá, Got aka kanodin kitid dukum bo kinim kukáyamin kayo ko.

Mák 1:27

wanang kinim iyo aket dakat yak budune, bakodawa bakodawa bom bako nadiwade “be yaknámin kukuw atana? Kanomin alokso kukuw kukumin beta ka. Aka ken kitid soim be, ken aka sinik mafak weng kuw dauyama ken weng kidilawodiw betane.” Kalsiw.

Mák 1:39

Kale nadale yak Galili bakan mewso kabadákal ká bom nadale ilim kawed am tem tem katam kal Got weng bakayam bom nadale sinik mafak gei imusa takan keiyam bom keimsa ko.

Mák 1:45

Kata kinim ayo yakba kuw sák alam kidel dauda sung uyo sák kalám gu bakayam ká badale yak abe maek abe adik kidiliw ka. Kale nadane Yesus ayo abiw kabadák uyo misun ken kalám gu fok fok kámoma banim, kata aka yak anang iwán sed gisa bakan kal teinámsa. Kata wanang kinim iyo kanomin abiw abiw tad tad bom atamámsiw ko.

Luk 13:10

Finuyámin am mak dána Yesus aka tam Yu kayak kawed am mak kal kukuyaba.

Luk 4:16

Kale beta aka yak Nasadet alam fasuse abiw nadale alam kukuw kanamin kale Finuyámin am dánámin kadákal aka tam kawed am tod buk kímono kalane,