Luk 20:35 - Got Weng Abem

³⁵ Kata yanol yak kan ata ken winso talá tabokaba kinim wanang be kabadák wanang kinim dabudula, dabudula keimodiw banim make!

Got weng abem: Alokso abino kalin

³⁵ Kata yanol yak kan ata ken winso talá tabokaba kinim wanang be kabadák wanang kinim dabudula, dabudula keimodiw banim make!

Luk 20:35 ပူးပေါင်းရင်းမြစ်များ

Matiyu 12:32

Ade kan kinim ata Got ami Kinim ididilawin weng mak mafak bakodawokaba, bo ken lukuwá kudálawokaba, kata yak kan ata Got Sinik Abem ayo ididilawin weng mafak mak bakodawokaba namti, Got ayo atin kano lukuwu kudálawoma bá, kale bemi ban keimin be kamane so yanol so tein unokabu so mak lukuwá kudálokaba bá ko.

Matiyu 22:29

Yesus ayo weng fakadu bakoyam, “kiba aket kidel fukanbiw bá. Be watawo kaleyo bá, kiba Got godin weng so Got ami kitidim so uyo kim kal banim kayo kanamin weng uyo bakabiw.

Mák 10:42

Kale Yesus aka fá budu mo imu nadale bakoyam, “kiba kilim kal Mifiw im kin moyámin kinim ita kitid tabe kin moyamábiw ade imi gebom gebom ita kitid ayo faku bom kin moyábiw kala.

Mák 12:24

Yesus fakadu bakoyam, “kiba aket kidel fukanbiw bá, be watawo kaleyo bá, kiba Got godin weng so Got ami kitidim so uyo kim kal banim, kayo kanamin weng uyo bakabiw.

Luk 16:8

tabalasew alam ufek ufek kin modawámin kinim alam teng so keimin kinim ayo kanodin kukuw kanaba uyo kalfalsa, be watawo kaleyo bá, bakan dim wanang kinim madik ilitaw ika ufek ufek atin ilim teng so kei aiso kukaya bom keimaliw, kata lánin wanang kinim ika itaw bá.

Luk 21:36

Kaleyo kidela dufo bom akál ale kaon ale bom nadawade sun kuw Got amaneng dukadaw bom, keimom nadiwo kanomin ufek ufek kanam matam bokabuno kalbu uyo kitid kuw fakadá yak akamam nadiwade yak Got ami Kinim kin dim todin kala.” Kalesa ko.

Yon 5:29

Kale ika fom lung kudá matam bokabiw kala. Kale yaknámin kinim ata kidel kuw keimúsa namti, ata ken bokaba ka. Yak kan kinim ata mafak kuw keimúsa namti, aka daw mafak dádokaba.

Sinik Abem 24:15

“Ade mew kinim imi Got am dim mimin dok diyámin taw naka mimin dok di kinim kidel kidel ika talá tabokabiw ade kinim mafak mafak so ikil iliso talá tabokabiw. Kalbi ka.

Sinik Abem 5:41

ika kot keimin am bá kudá, kalfalin so kei matam abesiw. Watawo kaleyo bá, Yesus alam win uyo fatom banim alam win uyo kufádawsiw kayo ko.

2 Tesalonaikka 1:5

Kale kim kanayamábiw, bo kuku Got aka ufek ufek kidel kuw kanamin kinim kalbu. Kale aka kilim kál funin umi tuw im kidel imudano, kiba ken yak alam kasák gu unumo, kale faskodokabiw ka.

Ibidu 11:35

Kale wanang madik ika ilim duw ifin fikalinbiw iyo ilim afan kalin dim tá imkansiw. Ade kinim madik ika wasi sikal ban dim kal bom ilim wasi iyo bakoyam, “kiba Got ibik wakudawokabiw, beta nuka min talá imadáluw sakabokabiwo.” Yakansiw, kata ika fingánongin danim keiyámsiw. Be watawo kaleyo bá, im aket kál funin kudu fikalanin bu ken kalsiw beyo ki ika fukan dádomo yanol biyámin kidel uyo kudulokabuwo, kale nadiwo kayo kanamsiw.

Daw misun 3:4

Kata kinim madik katiw mak Sáddis abiw bidiw kiba ilim kál baim banim kidel miki bidiw, kayo kiba naso kámokabiw ade kiba ilim namal mikidokabiw, be watawo kaleyo bá, kiba kano kudulumo kale kidelu fasko leiw fen bom be kanodumo kalbiw kayo ko.