Ibidu 13:24 - Got Weng Abem

²⁴ Kale kiba num sidiwano kalin uyo kim gebom gebom so Got wanang kinim so kuyamuw kala. Kale bakan Itali kayak kim duw ifin iyo im sidiwano, yakin uyo kim kuyamiw.

Got weng abem: Alokso abino kalin

²⁴ Kale kiba num sidiwano kalin uyo kim gebom gebom so Got wanang kinim so kuyamuw kala. Kale bakan Itali kayak kim duw ifin iyo im sidiwano, yakin uyo kim kuyamiw.

Ibidu 13:24 ပူးပေါင်းရင်းမြစ်များ

Sinik Abem 18:2

Kale Kodin abiw kawákal Yu Kayak kinim mak tein be am win be Akuila aka Bantas bakan kinim Udom abiw kamok Kaláddias ata Yuddia kinim fotaba une bidiwo kayo Akuila so alam kadel Badasila so ikil Itali bakan kalo tasiw. Kale Faul ayo tad itamámsa.

Sinik Abem 27:1

Kale gawman ika aket tet dau nuka imadáliw siw am tem leiw Itali bakan unino. Yakei nadiwo Faul so kinim madik sok gei imusiw so iyo imadáliw yak un tabudin kinim gebom am win Yulias am dim abesiw. Kale Yulias aka Udom gawman Sisa ami un tabudin kinim deng alewbino ade alo bako tadelák bati madik kal im gebomo.

Sinik Abem 9:13

Ananayas ayo weng anung fakadu bakodaw, “Kamokim, naka am sung uyo seng seng baka bidiw kidisi. Aka kam kinim wanang seng Yedusalem bidiw iyo kukuw makik makik mafak uyo im mafak dákam kamalano,

1 Kodin 16:16

kanodin itaw gebom gebom so kan kinim madik ita gebom iliso wok fakudin so imi yán uta aboyámin ko.

2 Kodin 1:1

Naka Faul Got alata walunamudano Yesus ami weng dew kámin kinim keisi so nulum nafadow Timoti alaso, nuta sauk kon bela godu, Got ami wanang kinim gu Kodin abiw teinbidiw so adikum Got wanang kinim Akeisia bakan bidiw so kimino, kale dauyamuw ko.

2 Kodin 13:13

Adikum Got wanang kinim iyo ken teinbidiwako. Kale weng umuyamiw ko.

Filibai 1:1

Kale nuka Faul so Timoti so Yesus Kadais ami wok fakudawin kinim nuta adikum Got ami wanang kinim Filibai abiw bom Yesus Kadais so makuw kei bidiw so Got kinim gu imi gebom gebom so dakáyamin kinim so kimino, kale sauk kon bela goduyamuw ko.

Filibai 4:22

alo adikum Got wanang kinim abem kadák bidiw iliso sidiwano, yakiw be atin kanam kanam Sisa ami bungtan ita atin sidiwano, yakiw ko.

Kalose 1:2

Got afan kalin nikil fikal Kalose abiw tein bidiw kimi ulum kano sun kuw Kadais afano kalbiw kimino kale dabadáluw tadu ko. Kale nuka Natim Got gánlawuwo, aka min gelemin so aket dakbuyámin so uyo kuyamak kala.

Failiman 1:5

Watawo kaleyo bá, naka kami Got wanang kinim abem imi aket kukáyamin dukum so Kamok Yesus ami dim afan kalin so umi sung uta kidi nadino kayo ko.

Ibidu 13:17

Kibilim gebom gebom imi weng ayo kidiyam bom nadiwade im kanamino, yakbiw uyo aboyámino. Ika kimi ifi moyámin bo ilim wok, kayo ika kim im kin mo bom imkinkinsiw sung uyo kudew tad Got bakanlawokabiw ka. Kiba weng kidiyamansiw namti, ika idak teinokabiw. Alo kiba kukuw mafak fakudiw namti, im idum so keidokabiw, be kauk ayo ki kim mak dakoyamoma banim.

Ibidu 13:7

Kale kiba kilim kamakikiw gebom gebom keiyámsiw im aket uyo lukuwá imadámin bá. Ita Got weng bakayamámsiw kala. Kiba imi adikum teinan tasidiw imi Yesus yán aboyámsiw uyo aket bakel dau atam nadiwo imkano sidiw leiw be ki abo, kibil Got aket afan kalin kala.