Ibidu 13:1 - Got Weng Abem

¹ Kiba nikil ulum kano afan kalin kafadow kasal iyo Yesus win dim aket daudawa daudawa kei bom nadiwo kala.

Got weng abem: Alokso abino kalin

¹ Kiba nikil ulum kano afan kalin kafadow kasal iyo Yesus win dim aket daudawa daudawa kei bom nadiwo kala.

Ibidu 13:1 ပူးပေါင်းရင်းမြစ်များ

Yon 15:17

Bela nam weng sawa, kale akanum aket kudawa kudawa kei bom nadiwano, yaki ko.” Yakeisa.

Sinik Abem 2:1

Kale God Kámin ban bomin am dánane Yesus aket kudawsiw kinim iyo am mak kal dutam dá bom keim áliwo,

Sinik Abem 4:32

Adikum Got afan kalin kinim iyo tada tada aket makuw keisiw uyo kinim so mak bako, “mew naka nalam ufek ufek bo nalam adik dáwo kalongin banim, kata ika adikum ufek ufek bo nikil num makuwo.” Kalsiw.

Galesia 5:13

Atin nalam nikil fikal kiba, kiba ban bomin so abemo kalin umi atud so uyo kudá kál gulbal keisidiw, kata kál gulbal keimin be mafak keimin uta bá, kata be kál gulbal aket daudawa daudawa bom dakodawa dakodawain uta ko.

Galesia 5:22

Sinik Abem ami kukuw kukayaba ade bidi kalata ko, aket kudawa kudawain, aket idak teinámin, aket dakbuyámin, awkinum daw kidel bada daw kidel bada keimin, kukuw kidel kuw kanamin,

Galesia 5:6

Kinim yak Yesus Kadais wol fewokaba namti, aka kál wakelin ban bosa ade bodongin banim, kata bo atin dukum bá ka. Afan yak aket daudawa daudawin sok dim afan kalin umi kanabu uta atin dukum ko.

Efesis 4:3

Kiba tada tada au nadiw Sinik ami dim abino, kalbiw. Kale kiba gadel kuw tabe nadiwe kanodin kukuw leiw be fakudin kala. Kale kiba abino kalin uta dabadáliwo adikum imak imak au imadew faku badano bin kala.

Efesis 5:2

Kale Kadais num aket kuyam dakoyamono, kale fikale ufek ufek fiw kidel taw Got wane ilulawa, Got aket kidelawasu taw, kibil kano aket kudawa kudawain dim bom nadiwo kala.

2 Tesalonaikka 1:3

Nuka nikil fikal kim sung uyo sun kuw Got ken keiyo, akanaluw be, nuka ken leiw tem kanamoduw ka. Kale be watawo kaleyo bá, kim afan kalin uyo atin seng kuw fasubu ade akanum aket kudawa kudawain uyo ulum kano dukum fasu bom kei buduno kala.

Ibidu 10:24

Kale nuka ken leiw fen bom akanum aket kudawa kudawain kukuw so kukuw kidel fakuyámin so uyo kuw kitid modawa modawayum kala.

1 Bita 1:22

Kale kamane kiba tatun weng uyo kidiyábiw, kayo umi tudow dim kim aket tem uyo ifiw banim atin kidelasidiw. Kale kiba kilim kafadow kasel Got afan kalin iyo atin kidela aket kuyam bom atin im aket uyo fikale bom nadiwo kala.

1 Bita 2:17

yak wanang kinim adikum iyo fibu ita bom kalam Got afan kalin duw ifin iyo aket kuyam nadawe Got ata fingon dá, gawman Badai Minista akfak tem bom nadawo kala.

1 Bita 3:8

Nam weng adik adik ayo bakoyam kim bokabiw ayo kiba aket fukanin makuw kei bom nadiwe kal keida keida kilim muk wakon taw aket daudawa daudawa bom ade akfak tem une, daw kidel bada daw kidel bada keimin kala.

1 Bita 4:8

Mew kukuw kidel adikum bo kanamom nadiwo atin kidela akanum aket kudawa kudawain ki atin kidela, yakik fakudin kala. Kale be watawo kaleyo bá, akanum aket kudawa kudawain uta kanam unom nadiwo kakanum ban keimin seng seng uyo lukuwá kudálawa kudálawain kayo ko.

2 Bita 1:7

kilim nikil fikal so aban kadel fakadáyámin uyo kudew maek kilim Got kinim alataw kei biyámin umi dim kuti nadiwe kilim aket kudawa kudawain uyo kudew maek kilim nikil fikal so aban kadel fakadáyámin dim kuti keimin kala.

1 Yon 3:23

Kale ami sawa ade bela ka, nuka Min Yesus Kadais am win dim afan kale naduwe akanum aket kudawa kudawain uyo kanamum kala. Kale be Yesus alata kanam kale bakosa.

1 Yon 4:20

Kinim kan ata bako, “naka Got aket kudawsino,” kalba, kata alam duw ifin iyo aket kus itabe namti, aka ibakamin kinim, kale aka alo kinim alam kin itamanba iyo aket kuyamongin banim namti, aka Got alam kin atamoma banim ayo aket kudawoma bá ka.

Daw misun 2:4

Kata kamane naka bako, báyo yaki, be watawo kaleyo bá, kiba kamakikiw mit kei aket kunam sidiw taw keidongin banim dako aket balut balutbiw kayo ko.