Ibidu 11:10 - Got Weng Abem

¹⁰ Kale Ebadakkam aka am mak kidela ginedongin banim keiyamsa uyo watawo kaleyo bá, alam aket Got atin afan kalin uyo atin dukum keidune kal kei Got abiw afalik dukum kidel kuw tabesu ulum kano sun bokabu uyo kunamokaba ka, kale nadano kayo umi mimin ki dok di bom kanamámsa.

Got weng abem: Alokso abino kalin

¹⁰ Kale Ebadakkam aka am mak kidela ginedongin banim keiyamsa uyo watawo kaleyo bá, alam aket Got atin afan kalin uyo atin dukum keidune kal kei Got abiw afalik dukum kidel kuw tabesu ulum kano sun bokabu uyo kunamokaba ka, kale nadano kayo umi mimin ki dok di bom kanamámsa.

Ibidu 11:10 ပူးပေါင်းရင်းမြစ်များ

Yon 14:2

Nam Natim abiw be am seng seng bu ko. Alo be banim nam, naka afan dam weng bakoyamomi ka. Naka nasik tam kim abin bán kidelyam unokabi.

2 Kodin 5:1

Kaleyo nulum kal keidomo, nulum dam bakan dim kadák bu kikiláw am taw bo fikalin kei budune, kawák umi abid tikin nulum am kidelok sun sun teinokabuw, be kinim ita kidel kudokabiw bá, alam be Got alata kidel kudokaba.

Filibai 3:20

Kata nuka bakan dim kadák umi afan kalongin banim im teinámin kukuw taw biyámin bá, watawo kaleyo bá nuka atin afan abid tikin wanang kinim make. Yesus nulum Watakayaw aka nulum finang dá atin tadba, kale mimin dok dibuduw kayo tein bom kalfal suduwo kala.

Ibidu 11:16

kata ika abid tikin ufek ufek kidel uta fukanin kuek dimam unsiw, kayo imi bako nadiw Got be nulum Goto kalanámsiw, be Got aka fatomso keidoma banim, watawo kaleyo bá, aka abid tikin abiw dukum kidelyaba kayo ko.

Ibidu 12:22

Kata kiba nang abino kalin akfak tem be kukum, kayo kiba luk bala tad Got mewso tadoliw ka. Kiba amgu win Sayon kalbiw umi leiw tad abid tikin so abiw dukum so Got Motabid tein be so kal tasidiw make. Abiw dukum win kai abid tikin Yedusalem uta ko. Kiba tad ensel seng seng tada tada kalfal bom itol wibiw so umi abiw kal tasidiw ka.

Ibidu 12:28

Kale nuka be atin kidela kalfal bom naduwo kala. Kale be watawo kaleyo bá, nuka yak Got ami kasák gu leinongin dakodokabu uyo kudulokabuw kayo nuka fingán dá dakbu Got kalfala bom naduwo kala.

Ibidu 13:14

Kale nuka atin sun biyámin abiw so mak mew anang kuw tabodu uyo mak biyam bu bá, kayo nuka abiw dukum mak yanol kudulokabuw umi tadokabu uta fenbuw.

Ibidu 3:4

Kale kinim mit low dása bude kinim mak ata low dása, kata Got alata kinim mit kayak kala.

Daw misun 21:2

Beta naka Abiw Abem Yedusalem alokso uyo abid tikin kalo Got alata kudála madák abu utamsi. Kale alokso Yedusalem um kait kidel kei nadu madák abu utamsi uyo wanang sei kinim kudulono kale ilim kidel mikidin taw kei tadu utamsi.