Ibidu 10:34 - Got Weng Abem

³⁴ Ade alo kinim madik iyo sok gei imkan bidiw kinkino yak bom nadiwe kim ufek ufek adikum dakiyábiw uyo bo kinkino yakanámsiw, bo watawo kaleyo bá, kiba kilim kal keidomo kim ufek ufek atin kidelok seng sun bokabu uyo abid tikin kal bu kayo kala.

Got weng abem: Alokso abino kalin

³⁴ Ade alo kinim madik iyo sok gei imkan bidiw kinkino yak bom nadiwe kim ufek ufek adikum dakiyábiw uyo bo kinkino yakanámsiw, bo watawo kaleyo bá, kiba kilim kal keidomo kim ufek ufek atin kidelok seng sun bokabu uyo abid tikin kal bu kayo kala.

Ibidu 10:34 ပူးပေါင်းရင်းမြစ်များ

Matiyu 19:21

Yesus asik weng anung kalálaw, “kaba atin kinim yáw kidel keidono, kalaw namti, yak nadawade kalam ufek ufek adikum uyo yán keimsi ku nadawe kisol uyo kudew yak wanang kinim win banim iyo geleyamokabaw, beta kaba abid tikin ufek ufek kidel soim keidokabaw. Kale kaba be kano nadawe beta tad nam yán abodalo!” Akane,

Luk 10:42

Kata ufek ufek babid makuw waktubaw, kale Madiya uta wok be ken atam fakubu. Kale kan ata tade yak kukan keimamoma banim.” Kalesa ko.

Luk 12:33

Alam bude kami ufek ufek adikum uyo wansiki dusiki bom nadawade sák win banim kukayam bom kei badawo, umi yán kisol uyo abid tikin kalam kisol aungal unemuk kala. Watawo kaleyo bá, bo yakot wanin tad yakot wanodiw banim ade waniwani bodoliw banim ulum kano sun kuw bokabu.

Luk 9:25

Kale kiba kinim mak aka adikum bakan ufek ufek uta kudulokaba, kata aka yak sun as kainin abiw unokaba. Be kene bade bá? Bá biyo.

Sinik Abem 21:33

Kale un tabudin kamok ayo matam mewso nadanade yak Faul dew faku nadane weng bakoyam, “ayen sok alew tuw falfala gei daudino.” Yakei nadane beta aka kinim wanang dákadáyam, “kim aket aka kan ata ade aka yaknámin ban uta keiyaba?” Yakane,

Sinik Abem 28:20

Bemi weng mit uta naka kim gán dáyami tadiwo, kiwso weng bakodumo, kalebi. Kale be Isadael Kayak imi mimin dok diyámin umi luk uta naka ayen sok geinamusiw ka.” Yaka nade

Sinik Abem 5:41

ika kot keimin am bá kudá, kalfalin so kei matam abesiw. Watawo kaleyo bá, Yesus alam win uyo fatom banim alam win uyo kufádawsiw kayo ko.

2 Kodin 5:1

Kaleyo nulum kal keidomo, nulum dam bakan dim kadák bu kikiláw am taw bo fikalin kei budune, kawák umi abid tikin nulum am kidelok sun sun teinokabuw, be kinim ita kidel kudokabiw bá, alam be Got alata kidel kudokaba.

Efesis 3:1

Kale naka Faul Mifiw kimi luk duduyámin, beta naka Yesus Kadais ami sok gei tabamin kinim keibi.

Efesis 4:1

Kale naka sok gei tabebi, be watawo kaleyo bá, naka Kamok ami kinim kayo ko. Kale kiba Got walu imuda maek alam kinim kei bidiw. Kale naka kamane munyamino kiba Yesus Kadais afan kalin ilim biyámin taw keidin kala.

Efesis 6:20

Naka Got ami sung kidel uta bakan ká bidino, kayo naka sok gei namusiw, kata kiba ulum kanom Got gánla bidiwo, naka kadák sok gei tabebi, kata nalam kanamonginalo kalomi, naka Got weng uyo atud fakadá bakayamon kala.

Filibai 1:7

Naka sun kuw kim aket uyo nam aket tem kutiyábi, kayo naka luk bala ken kim sung uyo aket fukanábi, watawo kaleyo bá, kiba nalaso makuw Got alam min gelemin uyo taku maden bom naduwo naka ken kalabus am teinámsi so weng taktakin kinim dim todámsi so uyo naka Got sung kidel tatun umi guew uta dudu kitid kuw tabesi.

Kalose 1:5

Kiba kamakikiw weng tatun bemi sung kidel kidisidiw, be kal kilim mimin dok diyamin kudokabiw sung uyo kal keisidiw kala. Kaleyo, kilim mimin dok diyamin ata tabe, kibilim Yesus afan kalin so yak madik imi aket dawkáyamin so umi abin abák kala. Kale belami atin afan kudulokabuw umi mimin dok diyámin be abid tikin kal kilimino, kale kalo wakman wányamabu ko.

1 Timoti 6:19

Kale ika kanamin kukuw be kanamokabiw namti, ika abid tikin kal kisol kayak keidumo, kale ilim kisol ifebiw, be abid tikin abin abák kitid keidokabu. Kale be kano nadiwo ilim sun biyámin uyo kudulokabiw, kale be atin biyámin tatun uta ka.

2 Timoti 1:16

Kale naka Kamok dákadá bom nadino kaba Aunesifodas alimal iyo kalam aket budunin uyo dauyamal kala, watawo kaleyo bá, aka sun kuw nam sok gei namtidiw teinbidi, aka sun kuw fatom banim ilil dudanamába.

2 Timoti 2:9

belata ka. Naka umi kalan beta abin mafak teinábi ade ika naka ban keimin kinim taw keinam waya sok tuw ginenamusiw, kata Got ami weng so kano sok gei kusiw bá.

2 Timoti 4:8

Kale kamane nami bu afan kudulokabi, kale mimin dok di kanam tabesi umi yán kai Kamok akal kidel kutinamsa ka. Kale be Kamok tatun taktakin kinim alata am afung am dánokabu kal kunamokaba. Kale be nata kuw kunamokaba bá, kata yak wanang kinim adikum kan ita alam aket kudaw bom leiw fen bom misunako, kalbiw iliso kuyamokaba ko.

Ibidu 11:16

kata ika abid tikin ufek ufek kidel uta fukanin kuek dimam unsiw, kayo imi bako nadiw Got be nulum Goto kalanámsiw, be Got aka fatomso keidoma banim, watawo kaleyo bá, aka abid tikin abiw dukum kidelyaba kayo ko.

Ibidu 13:14

Kale nuka atin sun biyámin abiw so mak mew anang kuw tabodu uyo mak biyam bu bá, kayo nuka abiw dukum mak yanol kudulokabuw umi tadokabu uta fenbuw.

Ibidu 13:3

Yak kinim kalabus am tein bidiw im aket uyo fukan bom ade kaba finang dádomo nalaso kalabus am teinin taw keibi ka, kal bom nadawe yak abin mafak tein bidiw im aket so fukan bom nadawe fukan dádomo nalaso abin mafak iso teinin taw keibi ka, kal bom keimal kala.

Ibidu 9:15

Kale belami mit ata Got ayo Yesus Kadais walu dabadála madák Got tada kinim tadiw alokso abino kalin umi iw kinim tanong kon keidano adikum kinim wanang kan ita Got gán dáyama iyo tad alami kei nadiwo adikum ufek ufek kidelok alam weng takadá kuyamokabino, yakeisa uyo kudulin kala. Kale kinim wanang kan ita dil abino kalin umi akfak tem bom ban keimusiw iyo ikil iliso Got weng takadáyamsa uyo kudulokabiw. Watawo kaleyo bá, Yesus fikalese ayo ban keimin umi laban tem unom ban keimin mo talá imadáse, kayo Got aka ken bakoyam, “kiba atin kidelo,” yakba kala.

Yemis 1:2

Nalam nikil fikal kiba, idum kukum kukum seng seng matam tadu namti, kiba bo keno, kal bom kalfal bom nadiwo kala.

1 Bita 1:4

Kaleyo nuka Got ufek ufek kidel adikum alam kinim wanang imino, kale kutiyama bu umi kayak keisuduw. Kale num ufek ufek kidel be abid tikin kal kutiyama bu, beyo ki fomomu banim, baim teinomu banim ade banimomu banim uta kudulumo, kale mimin dok dibuduw ka.

1 Yon 3:2

Nalam nakanum kasal kiba, kamane nuka Got man, kata num fasu matam naduw kukum keidokabuw, be num kal banim, kata nulum kal Yesus Kadais misunokaba kal alataw keidokabuw, kawákal aka kanodin kinimo, akokabuw.