Galesia 4:8 - Got Weng Abem

⁸ Kamakikiw alanámsiw bo kiba afan Got be kim kal banim, kayo atin sák kiba sinik mafak afan got bá, imi akfak tem alanámsiw.

Got weng abem: Alokso abino kalin

⁸ Kamakikiw alanámsiw bo kiba afan Got be kim kal banim, kayo atin sák kiba sinik mafak afan got bá, imi akfak tem alanámsiw.

Galesia 4:8 ပူးပေါင်းရင်းမြစ်များ

Yon 1:10

Kale be Yesus alata bakan bu kidel ku nadale bakan dim teinsa, kata bakan kayak ika Yesus ayo atam kal keidongin banim.

Sinik Abem 14:12

Bánabas win mak takudaw “Sus.” Akeibiw kuw Faul be weng bakanin kinim kale nadiwo kayo win mak takudaw “Edmís.” Akei ausiw.

Sinik Abem 17:23

kale naka abiw abiw uyo ká bom nadine kim ufek ufek suksuk aliw uyo utamansi. Kale naka alo kim suksukin bán mak utamasi, kaok umi godusiw uyo bako, ‘Be Got Num Kal Banim Ami ko.’ Kalesu ka. Kalesi. Kale naka be Got ami mit ayo bakoyamongin keimi.

Udom 1:23

Kei nadiwe Motabid adikum lamlam uyo kudá nadiwe dusiki yak kinim fikalesiw kun so iniman got alata kidel kusa, awon so faimkun so atim mafak so mew ufek ufek nulum kin utamanbuw buta got kae kal bom suksukábiw kala.

Udom 1:28

Kale kinim wanang bidiyo mak aket fukan dá, Got ami kal keimin tatun kidel bo atin iwkuko kalongin banim, kayo Got ayo ibik duyam kanamino, yaka aket mafak fukanin uyo fukan bom kanamusiw.

1 Kodin 1:21

Bakan dim wanang kinim ika ken bakan dim ulum kal keimin tuw Got ayo kal keidoliw banim, kayo Got aka yak wanang kinim im aket weng kidel bela mit banimo kalbiw bemi tuw yak wanang kinim afan kalbiw iyo kail bá takeikuyamokaba.

1 Kodin 12:2

Kibilim kal keibiw. Kale kamakakiw afan kalongin banim uyo kiba ibakamin got imi weng bakanodiw banim, ita ta bom adiyam imadew yak kukuw mafak bán dim kal biyámsiw kala.

1 Kodin 8:4

Kaleyo naka kinim wanang imi ibakamin got wane ilkádawiw umi imin wanin umi sung uta bakoyamono, kali ko. Nuka iniman ibakanin got wane ilkádabiw be ken wanoduwe? Adikum nuka nulum kal nuka ibakanin got ami kitid akfak tem buduw bá, atin afan Got be makuw ata kuw kala.

Galesia 4:3

Kale be alataw kale Kadais tadongin banim kawák nukul man katiw katiw taw kei, awadik kasal imi bakan dim kukuw so sawa so umi akfak tem kal biyámsuw.

Efesis 4:18

im kal keimin bo mada midilin tem kalbu ka. Ika Got ami biyámin kukuw kukáyamono, kalba be ika katiw so mak kudoliw banim. Watawo kaleyo bá, ika atin im kal banim ade ika kidiloduw, báyo, kaleyábiw kayo ko.

1 Tesalonaikka 1:9

Kale nuka yak Maseddoniya so Akeisia so kal unuwo, ika nuka yak kim itamuw im tam am dásidiw sung so kim ibakamin got ibik wakudaw nadiw maek atin tatun Got Motabid ami wok fakudawsidiw sung so

1 Tesalonaikka 4:5

Kiba masi yak ban keimin kinim Got im kal banim im aket wananyam bada ilim dam kanodono kalbu luk ki duduyámin itaw keimin bá kala.

2 Tesalonaikka 1:8

as daung afalik dukum tem kal misuna nada tad kinim wanang yak kan ita Got im kal banim so yak kan ita Kamok Yesus sung kidel kuásusulin so iyo sok gei imuduno, kale tadokaba kal

1 Bita 4:3

Kale kiba, kamakikiw atan seng seng uyo dil ban keimin kinim imi kanamumo kalin ki kanamusiw. Kale bo fatom keimin kukuw uta aket kumam kanamusiw. Kale be aket seng sakadinin kukuw kukámamin so bakan dim ufek ufek kayakim keiyámin so liwliw wan bom wok mafak wanin so ibakamin got suksukin so uta kanamámsiw ko.

1 Yon 3:1

Kale kiba, num Natim ami aket kukáyamin uyo utamino, ami aket kukáyamin uyo atin afalik dukum kayo Got aka nalam muduwo, yakba kala. Kaleyo afan nuka Got alam man. Kale bakan kayak ika nuka im kal keidongin banim, be watawo kaleyo bá, ika Natim Got ayo im kal banim kayo ko.