Galesia 3:18 - Got Weng Abem

¹⁸ Kale Got ami ufek ufek min kukáyaba uyo sawa uta abo bom naduwo kudabuw kaí, alo bo yakno yakno ufek ufek min weng takadámsa uyo kudamokabuw? Kata Got Ebadakkam min weng takadálawsa, kayo aka min gelemin uyo kudawsa.

Got weng abem: Alokso abino kalin

¹⁸ Kale Got ami ufek ufek min kukáyaba uyo sawa uta abo bom naduwo kudabuw kaí, alo bo yakno yakno ufek ufek min weng takadámsa uyo kudamokabuw? Kata Got Ebadakkam min weng takadálawsa, kayo aka min gelemin uyo kudawsa.

Galesia 3:18 ပူးပေါင်းရင်းမြစ်များ

Udom 8:17

Kaleyo nuka bako, “nuka Got muduwo,” kalbuw kaí, nuka Got alam ufek ufek kutiyamábu umi tam kudokabuw, be Kadais so makuw nikil wak gele audokabuw. Kata nuka Kadais alam kál funin kuduse uyo nikil makuw wak gele naduwe Kadais alam lamlam uyo nikil makuw wak gele audokabuw ko.

Galesia 2:21

Kale naka Got ami min gelemin dukum dim kanose, be naka kubino kudálomi banim. Kano Got aka aket bakel dau nadano sawa abem kidiyámin ki abo kinim be bakodaw, kaba keno, akoma namti, Kadais aka besok fikaleseno, kalongino ka.

Galesia 3:10

Kata yak adikum kan kinim ita sawa ki faku bom abobidiw kaí, ika gán abumin akfak tem bidiw. Kale watawo kaleyo bá, Got weng uyo bako nadule, “yak kinim kan ita mew adikum sawa buk tem god kutidiw bu uyo sun kuw abo kudew tabongin banim bidi, Got ami yebumin akfak tem bidiwo,” kalesu.

Galesia 3:12

Kata sawa mak bela kukum kale, kinim kan ata Mosus sawa uyo katiw katiw so mak kudálongin banim, adikum abo nada mimin dok di kámokaba namti, Got aka bakodaw, kaba kano sun bokabawo, akokaba.

Galesia 3:16

Kale ulutaw Got abino kalin uyo Ebadakkam so alam man láw makuw so imi dim kal kidel dausa kala. Kale be atamin, Got alam buk tem uyo bako nada, “abino kalin ayo kalam láw adikum iso kidel daudino.” Akeisa bá, kala. Kaleyo Got ami abino kalin be man láw makuw ami sung, kale ami abino kalin kaí, Kadais makuw ata ka.

Galesia 3:26

Kale adikum kiba maek Got muduw keisidiw make, watawo kaleyo bá, kiba Yesus aket kudaw nadiw yak alam mit tem unsidiw kayo ka.

Galesia 3:29

Kiba Yesus ami kinim wanang kaí, kiba Ebadakkam ami láw ka ade Got ami weng takadámin uyo kiwta kudulokabiw ka.