Filibai 4:20 - Got Weng Abem

²⁰ Kale nuka nulum Natim Got win kufádaw kalfal bom sun kuw bokabuw ko. Afan.

Got weng abem: Alokso abino kalin

²⁰ Kale nuka nulum Natim Got win kufádaw kalfal bom sun kuw bokabuw ko. Afan.

Filibai 4:20 ပူးပေါင်းရင်းမြစ်များ

Matiyu 28:20

Kale kiba nam weng sawa adik kano kukuyamsi uyo kukuyam bidiwo kidi kudew tabin kala, kaleyo afan naka nalata kim bakan dim biyámin uyo ulum kano sun kuw kiwso bokabi.” Yesus weng kalesa ko.

Matiyu 6:9

Kale belata kana bom Got suksuklawodaw ko. ‘Nulum Natim abid tikin kayak kaba, kam win abem bo ulum kano abem keibu ki ade

Udom 11:36

Got alata ufek ufek adikum kidel kusa. Ade adikum ufek ufek kanabu, bo Got alam dim kal tadebu ade bo adikum Got alami. Kale nuka sun kuw Got win kufádawum kala. Kale afan ko.

Udom 16:27

Ade nuka Got adikum kal keimin mit kayak am win lamlam so uta alam kano sun kuw Yesus Kadais win dim win kufádawum, kale afan ko.

Efesis 3:21

kaleyo nuka yak Got wanang kinim gu so nikil makuw kei Kadais Yesus dim ulum kano sun sun Got win kufádawum kala. Kale be afan ko.

Filibai 1:11

Yesus Kadais dakáyamin tuw kilim kukuw kidel seng kanamin uta Got lamlam so win dukum kufámin so kudawin kala.

Filibai 4:23

Naka Got gán dádawino, nulum Kamok Yesus Kadais am min gelemin uyo ulum kanom adikum kiwso badano kala.

1 Timoti 1:17

Kale nalam Got Kamokim sun biyámin Got Motabid, bos men kiwámin kaba, Got makuw kawta ki, kale nuka sun kuw win kufáka bom kam lamlam so kano sun kuw bokabuw. Kale afan ko.

Daw misun 1:6

Kale aka kanoyam imadew maek alam kasák gu nada alam Got ade alam Alaw ami kinim abem kei imu nadane alam wok fakudawin keiyamase. Kale num aket Yesus aka lamlam so kitid so uyo ulum kano alaso buk kala. Kale be afan ko.

Daw misun 11:13

Ei bidiwe kabadák bim dukum mak matam abiw dukum nangal kal but makuw mak be fakaliw mose ayo bim tabe im tam moda fikalesiw bidi, 7000 kal kinim bidita ka, alo madik imadáliw itane aket banbin dok teiyama abid tikin Got ami win kufámsiw ko.

Daw misun 14:7

Kale aka weng dukum gán dá bakoyam, “kiba Got atud uyo fingán bom nadiwade win kufádaw bom keimin kala, watawo kaleyo bá, kinim wanang taktakin am dánámin uyo dánbu, kale ata bakan so abid so yol wok so tademin wok so uyo ata kidel kusa. Kale am win ki kufádawin kala.” Kalesa ko.

Daw misun 5:12

Ika fuw kitid kuw we bom bako, “Siwsiw man anbidiw fikalese, aka win soim, kitid soim, kisol ufek ufek soim, guton sawa soim, madmed soim, lukluk soim, kin budusi soim, kalfalin soim, uta aka kudusa ko.” Kalsiw.

Daw misun 7:12

nadiwe bako, “afan ko! kalfalin so lamlam so guton sawain so ken keiyo kalin so win kufámin so kitid so madmed so adikum be nulum Got alami sun sun fakudin kinim, alami keiduk kala. Kale afan ko.” Kalsiw.