Filibai 2:25 - Got Weng Abem

²⁵ Kata nalam nakanum Ibafadoddaitus nalaso wok faku bom sung kidel umi guew duduyámin kinim ade kilim kinim weng dew kámin kinim, kilim nam ufek ufek waktuwi dakonamumo, kale dabadáliw tase be naka dabadáyami tadako kanabi.

Got weng abem: Alokso abino kalin

²⁵ Kata nalam nakanum Ibafadoddaitus nalaso wok faku bom sung kidel umi guew duduyámin kinim ade kilim kinim weng dew kámin kinim, kilim nam ufek ufek waktuwi dakonamumo, kale dabadáliw tase be naka dabadáyami tadako kanabi.

Filibai 2:25 ပူးပေါင်းရင်းမြစ်များ

Yon 13:16

Kale naka atin afan bakoyami, wok fakudin kinim aka alam tabalasew amsun taw mak keidoma bá, ade kalan kámin kinim aka alam weng kalan law kámin kinim amsun taw keidoma bá.

Yon 17:18

Kaba namadálaw madák bakan kayak im tem tasi alataw ki nakal imadáli yak bakan kayak im tem uniw.

Udom 16:3

Nam sidiwano kalin uyo kis akam Badasila so Akuila so nuka Kadais Yesus so makuw kei, ami wok fakudawámin iyo bakoyamin kala.

Udom 16:9

Nam sadawano kalin uyo Udbánas, nalaso makuw Kadais wok fakudawin kinim kudawi. Ade nam sadawano kalin uyo nalam lon Satakis kudawi ko.

1 Kodin 3:9

Alew nuka makuw Got ami wok fakudawin kinim ade kiwta Got ami yongiw ade Got ami Yol am

2 Kodin 2:13

Kata naka atin aket luklaksi, watawo kaleyo bá, nulum nafadow Taitas ayo atamono, kale fen bomo banim keida ka. Kale nadine wanang kinim iyo teinbidiwano, yakei imadá nadile Maseddoniya bakan unsi.

Filibai 2:26

Kata am aket uyo adikum kiliwso kuw teinono, kal bom nadano alam aket uyo kim itamono, kalba. Be watawo kaleyo bá, kiba am asansa sung uyo kidisidiw kayo am aket masi aket luklakodiwo, kale nadano ko.

Filibai 4:18

Kale nam aket kiba be kal keidino, yakbi. Adikum kilim ufek ufek kudánamiw Ibafadoddaitas dim tasu uyo kudu nadine nalam ufek ufek iwabi uyo atin akamam tam so kikiw wakadábi. Kale kimi min gelemin be Got wane ilkádawin fiw kidel kim kádawin taw keibiw. Kale Got aka be keno, kale nadane kalfalba ko.

Filibai 4:3

Au, Sisikas kaba nalaso wok kidel fakudin kinim. Kale naka dakádakamino, kaba mew wanang bidi so wok gong dakáyamalo. Kakbi. Kale ika iliso makuw naso wok kitid kuw fakuyámsiw. Kale kaba Kalemen so nalam wok makuw fakuyámin kinim madik so ika iliso dakáyamal kala. Kale im win be Got tabe dew yak sun biyámin buk tem kal goduyamsa ko.

Kalose 1:7

Be Ebáfadas nulum nawkinum nuluso Kadais ami wok dudew tabe bom gong dakáyamin kinim ade nulum aket dawkádawin kinim ami dim kal kiba kal keisidiw.

Kalose 4:11

Yesus alam win mak bakodaw, Yastas, akanaliw, alaso, teinbidiwako, yakin weng kudáyama tadu kala. Kale Adistakas, Mák ade Yastas ita kuw Yu kayak kale kamane ika Yesus aket kudaw bom naso wok fakan bom wanang kinim akis moyamuw maek Got ami kasák gu tadino, kale kanabiw be atin nam dákanamin dukum kala.

1 Tesalonaikka 3:2

Timoti dabadáluw tadaba be aka nuluso Got wok fakanla bom Kadais Yesus ami sung kidel bakamin kinim ata dabadáluw tada. Kale nuka dabadáyamuw tad kim Yesus afan kalin uta im kitid dá dakoyamano,

Failiman 1:24

Mák keida, Adistakas keida, Dimas keida, Luk keida ika nalaso wok makuw fakudin, kale ika weng daukam ken kuw sadawano kakiw.

Ibidu 3:1

Kaleyo nalam Got afan kalin nikil fikal kiba, Got aka walu imu nada im kinim dá abem kei imuse. Kale kiba Yesus alam aket ayo seng kuw fukanin kala. Kale aka Got ata num abin abem kayak keidako, kale dabadála tase kayo nuka aka afano akbuw ka.