Efesis 2:11 - Got Weng Abem

¹¹ Kiba fukan dádin kala, kiba Mifiw imi láw. Kale Yu kayak iyo bako nadiw, “kiba kim kál wakelin ban bomongin banim, kayo kiba Got ami kinim báyo,” kalbiw. Beyo ki Yu kayak ita kál wakelin ban boyamiw, uta kukuyam naduno ita Got ami kinim wanango, kalbu kala kaleyábiw.

Got weng abem: Alokso abino kalin

¹¹ Kiba fukan dádin kala, kiba Mifiw imi láw. Kale Yu kayak iyo bako nadiw, “kiba kim kál wakelin ban bomongin banim, kayo kiba Got ami kinim báyo,” kalbiw. Beyo ki Yu kayak ita kál wakelin ban boyamiw, uta kukuyam naduno ita Got ami kinim wanango, kalbu kala kaleyábiw.

Efesis 2:11 ပူးပေါင်းရင်းမြစ်များ

Matiyu 20:7

ika bakodaw, ‘bá nuka kan ata wok kuyamano ami wok fakudawoduwe!’ Akiwe, aka bako, ‘kaliw kayo kiba kibiliwso yak nam gadew yong wok fálamino!’ Yakei, imadála uniwe,

Udom 11:17

Kale Yu kayak ita as auliw tatun. Kale auliw dim teng madik bu takel tabesu ade as auliw sák tabin umi teng mak yak auliw tatun umi dim takusu. Kale Mifiw kiba, as auliw sák tabin teng taw. Kale kiba as bemi, gadel so sinik so kiwa imuse.

Udom 2:26

Mifiw ika kál wakelin ban so bosiw bá, kata ika sawa bakayabu ki abodiw kaí, ika kál wakelin ban bosiw taw ikal win so kala.

Udom 2:27

Kale Yu kayak im kinim dásiw kiba, sawa abem Mosus godusa uyo kudusiw ade kál wakelin ban bomin bo kanamáliw, kata kiba sawa lukelusiw kala. Kaleyo yak kan ata ilim kál dim kál wakelin ban bomongin banim, kata sawa kidi abosiw ita weng mafak kuek diyam bakayamokabiw.

1 Kodin 12:2

Kibilim kal keibiw. Kale kamakakiw afan kalongin banim uyo kiba ibakamin got imi weng bakanodiw banim, ita ta bom adiyam imadew yak kukuw mafak bán dim kal biyámsiw kala.

1 Kodin 6:11

Madik kibiyo ki ilitaw keiyámsiw, kata Got ta be kilim ban keimin uyo ginga imu nadale abem kei imuse ade Kamok Yesus Kadais ami win dim so Got ami Sinik Abem sok dim so Got aka bako nada, “kiba keno.” Yakeisa kala.

Galesia 2:15

Kiba fukan dádino, nuka Yu Kayak imi low teinuw ka. Kata Mifiw ban keimin imi low bá.

Galesia 6:12

Yak kukumin kinim imi tad kim bakoyam, kál wakelin ban bodino, yakbiw. Be watawo kaleyo bá, im aket kana buduwo Yu Kayak iyo kidelyamin kala, kale kanabiw. Kale ika beta kana buduwo Yu Kayak ika Kadais ami as dawing dákamin kalan im mafak dákamin dakodin kala, kale nadiwo ko.

Efesis 2:2

Kale kawák umi atan uyo kiba bakan dim wanang kinim imi kukuw mafak aboyámin taw kei nadiw kibal kukuw mafak uyo abo bom nadiwe sinik mafak mafak abid bidiw imi kin modin Mafakim ami kukuw mafak uyo aboyámsiw. Kale kamane kan ata Got weng kidilawongin banim kei bidiw namti, Mafakim ami kitid dukum uta im kidin tem wok fakubu ko.

Efesis 5:8

Kiba, kibiliwta midilin alanámsiw, kata kamane maek lánin kinim wanang keibiw, kayo lánin umi wanang kinim taw kei biyámin kala.

Filibai 3:3

Kata atin kál wakelin ban tatun bosuw ade nuta ka. Watawo kaleyo bá, nuka Sinik Abem dim Got suksuklabuw kayo, nuka Yesus Kadais ami dim buduw be idak teina buduw ade nuka yaknámin ban bomin kukuw kukuw uta mak aket kumamuwo, Got aka keniwo, yakoma banim.

Kalose 1:21

Sin Kadais afan akongin banim keiyámsiw, kal kiba Got so duw keidongin banim kei nadiwe Got ami wasi keiyamsiw uyo watawo kaleyo bá, aket mafak fukan bom nadiwe kukuw mafak uyo kanamámsiw,

Kalose 2:11

Kala kaleyo kiba Yesus wol fewiw ade aka adiyama kilimi aket mafak wananyamin uta im kun modoma banim keise kala. Bemi kanose be kal wakelin ban umi sok dim kanose bá, kata be Kadais ata kibilim aket mafak wananyamin umi kibilim aket tem biyámin uyo wakela kudá nadale alokso kei imuse uta ko.

Kalose 2:13

Suwayo dil katow uyo, fikalin taw Got dabadá takas yak kaek abesiw ade kiba Got ami wanang kinim keidongin banim kei nadiwade Got sawa abem uyo kal keidongin banim, kayo kilim ban keimin kitid akfak tem ki teinámsiw ko. Kata kamane kiba, Got aka Kadais so tá imuda matam Kadais alaso biyámin uyo kudusidiw ade Got aka adikum num ban keimin be lukuwá kudáyaba kala.

Kalose 3:11

Be watawo kaleyo bá, Got aka numi kidel imuda alokso keibuw, kayo kamane Yu kayak tadiw Mifiw tadiw iwyak bewák be kukum so bá ade gulbal kinim bá keidiwe gulbal kinim keidiw imi iwyak bewák be kukum so bá, kata Kadais ata kuw atin miton ade ata ki kanodin kinim wanang makuw makuw imi kidin tem biyába kala.