Daw misun 4:2 - Got Weng Abem

² Bude kale kei bidine wabising Sinik Abem tad kiwa namudane, katam fen abid tikin be abin abem mak teinbu be kinim mak teinbe ka. Akeisi.

Got weng abem: Alokso abino kalin

² Bude kale kei bidine wabising Sinik Abem tad kiwa namudane, katam fen abid tikin be abin abem mak teinbu be kinim mak teinbe ka. Akeisi.

Daw misun 4:2 ပူးပေါင်းရင်းမြစ်များ

Matiyu 22:43

aka bakoyam, “á yakno yakno nadano Dewit ayo Sinik Abem kiwa dauda Got Walusa Kinim bakodaw, ‘kaba nalam Kamokimo!’ Akansa?

Ibidu 8:1

Kala kaleyo nuka bela ata kanam kalumo, kalbuw uyo num bokal kayak mak am win be Yesus. Kale aka abid tikin Got ami abin abem iwkuk tein nadane

Daw misun 1:10

Kale Kamokim alam am dánámin kal naka Sinik Abem tad kiwa namudane nalam ibik tem kal weng dukum mak fong ket weng dikin bakoda kidisi uyo

Daw misun 12:5

Kale man be kinim daudu anang bakan bakan adikum uyo ayen as gáng tuw faku bom kin modokaba. Kata aka daudune Got asik daw tam mo dew tam alam abin abem wakudawsa.

Daw misun 17:3

beta ensel ayo Sinik Abem tuw namadewa unuw ki, un bi anang iwán sed gisa bakan mak unuw. Kale beta naka wanang mak sew iniman kas dim teinbu ka, waki. Kale sew iniman ami kal dim be Got ami win ididlawin ki adikum godu falal dok mosiw. Kale sew iniman gebom be fet kal ade idis sanam ata nangal kal.

Daw misun 19:4

Beta kalomo gebom gebom mit dim kyáfako tade tow alalew ade kinim taw sinikso alalew iyo katun fakela, Got abin teinbe am suksuklaw bom nadiwade bako. “Afan ko. Got win kufodawum.” Kalbiw.

Daw misun 20:11

Kale beta naka abin abem dukum namal dim be kinim mak tein bada atamsi. Kale bakan so abid so uyo alam kin dim kadákal banimu utamsi. Kale abid so bakan so uyo alo utamodiw banim.

Daw misun 21:10

nakane, Sinik Abem ta bom adinamane, ensel ata namadewa un bi tam amgu afalik kimisung dukum tikin nadane aka Yedusalem abiw abem dukum kukunamsa uyo Got ami abiw abid tikin kalo madák tasu uta ko.

Daw misun 21:5

Kale abin abem teinba ayo bako nadane, “naka alokso ufek ufek adikum kidelbi.” Kale aka bako nada, “weng bela godulalo, weng bela atin afan kale aket kukámamin kala.” Kalesa.

Daw misun 3:21

Kale kan ata ban keimin bu anik anik aumamokaba namti, naka au akei nalam abin uyo wakudawi nalaso teinokaba. Kale be nalam nam kukumin anik anik aumam nadi Natim alaso abin abem tein bi taw akal kanodokaba ko.

Daw misun 4:10

gebom gebom mit dim kyáfako tade tow alalew kal ita kutin dák kinim abin abem teinba ami kin gubu kal aba bom ami sun sun biyámin win kufádaw bom nadiwe ilim Kamok manil takadu kudew dák abin abemo kal kuti nadiwade bako,

Daw misun 4:5

Kale abin abemo be babá falmang falmangin so kimun dikiling dakalungin so taba atamsi. Wáw abin abem kin gubuyo be kalomo yakom fet kal mak yakoba kalesi be uyo ki Got ami Sinik Abem kukuw fet kal ata ko.

Daw misun 4:9

kinim taw sinikso alalew ika kin budusi umi fuw so kalfalin umi fuw so ken keiyo kalin umi fuw so uyo abin abem sun sun biyámin teinba am kutida bom we bidiwe,

Daw misun 5:1

Kale naka kaek fen kinim abin abem teinba teng miskuno be buk fong tuw falalin be weng godin ki wolo so dengo so godusiwo kalomo, buk be gom faktimin fet kal mo fakti tamo dausiw ka. Kalesi.

Daw misun 5:13

Kale naka beta alo kidilono kale bediyo adikum sinikso biyámin abid bidiw so bakan bidiw so kuin bid bidiw so yol wok akfak tem bidiw so mew adikum kin bádu iyo fuw we bom nadiwe bako, “win kufáyamin so win kalfalyamin so lamlam kukáyamin so kitid so uyo Abin abem teinba Kinim so Siwsiw man so ilimi sun sun keiyamuk kala.” Kalsiw ko.

Daw misun 6:16

gán dá bakoyam, “kiba kutin madák imádino yakokabiw. Kale Kinim abin abem teinba kibi idimo, Siwsiw man ami aket keng keiba so uyo atiyam imádino.” Kalsiw.