Daw misun 22:20 - Got Weng Abem

²⁰ Kale kinim ufek ufek adikum alam kin wala utamse ayo bako nadule, “au, naka mewso tadanbi.” Kalane, Yon ayo bako, “au, afan Kamokin Yesus, kaba tadalo!” Akeisa ko.

Got weng abem: Alokso abino kalin

²⁰ Kale kinim ufek ufek adikum alam kin wala utamse ayo bako nadule, “au, naka mewso tadanbi.” Kalane, Yon ayo bako, “au, afan Kamokin Yesus, kaba tadalo!” Akeisa ko.

Daw misun 22:20 ပူးပေါင်းရင်းမြစ်များ

Yon 21:25

Kale Yesus aka ufek ufek malow seng seng kanamsa, kata adikum bo godusa bá, alo bo kanom godulon kalesa nam, mew anang bakan kuw tabodu, bo buk ki kábi weina wasik so keidongino ko.

1 Kodin 16:22

Sák kinim mak Kamok aket daudawongin banim keibe namti, dabadáliw atin gán abudak kala. Au Kamok tadal!

2 Timoti 4:8

Kale kamane nami bu afan kudulokabi, kale mimin dok di kanam tabesi umi yán kai Kamok akal kidel kutinamsa ka. Kale be Kamok tatun taktakin kinim alata am afung am dánokabu kal kunamokaba. Kale be nata kuw kunamokaba bá, kata yak wanang kinim adikum kan ita alam aket kudaw bom leiw fen bom misunako, kalbiw iliso kuyamokaba ko.

Ibidu 10:37

Kaleyo Got ami godin buk tem bako, “kinim alam tadono kaleba, aka tadokaba ade aka alam tademin atan uyo akamam tow so keidoma banim.

Ibidu 9:28

Kaleyo beta Kadais akal alami awánsin bid makuw mo ban iniman fakadulin kei nadale adikum wanang kinim imi ban keimin takan keiyamase. Kale aka asawil makuw kin gubu daw misun teidokaba be ban keimin takan keiyamono, kale nadano bá. Kata aka yak kan wanang kinim, kan ita alam leiw fen bom bidiw ita kail bá takeikuyamono kale tadokaba ko.

Daw misun 1:18

Naka Motabiw nalata fikalesi, kata kalak fen naka kaunsin sinik so bi sun kuw biyámin. Kale naka fikalnámin so fikalnámin abiw so umi fal bisumin kitid uyo nalata fakubi kala.

Daw misun 1:2

Ade Yon aka alam ufek ufek adikum utama uyo weng foka dau bakose. Kale bela alam sung Got ami weng ade tatun weng uyo Yesus dim kuw misun dáse.

Daw misun 2:16

Kale kiba, kilim ban keimin uyo mul wakumam dumademalin kala, masi kanamokabiw, naka wabading tad itam nadine yak kanabiw kinim iyo nalam bon tem woksek madik fidá madik fidá ausa tuw tabudi ginanoduw kala.

Daw misun 22:10

Kale aka bakonam, “kaba buk bulami tem lum senin weng uyo kuwáyamin bá, watawo kaleyo bá, weng bulayo mewso matam dam abudongin keimu.

Daw misun 22:12

“Kaba utamalo! Naka mewso tadono kalebi. Kale nam kisol yán adikum uyo nalata fakubi. Kale naka wanang kinim ilim kukuw fakusiw ki abo yán kuyamokabi.

Daw misun 22:18

Kale naka weng sawa kitid weng bela bakoyami kidilin kala. Kan ata buk tem lum senin weng uyo alata weng anung kalála namti, Got ayo buk tem kukuw mafak mafak kanodokabuno kalesu uyo kudawokaba.

Daw misun 22:7

“Kaba utamalo! Naka mewso tadono kalebi, kale kan ata lum senin weng buk godusiw uyo kal kei kidi abosa namti, aka kalfalokaba.”