Daw misun 21:22 - Got Weng Abem

²² Kale naka abiw dukum Yol am atamongin danim, be watawo kaleyo bá, abiw dukum Yol am be Got adikum kitid soim so Siwsiw man so ilita kayo ko.

Got weng abem: Alokso abino kalin

²² Kale naka abiw dukum Yol am atamongin danim, be watawo kaleyo bá, abiw dukum Yol am be Got adikum kitid soim so Siwsiw man so ilita kayo ko.

Daw misun 21:22 ပူးပေါင်းရင်းမြစ်များ

Matiyu 24:2

aka bakoyam, “kiba mew adikum ufek ufek buta utamábiwe? Naka dam bakoyamon, mew kanomin am kidel utamábiw bo masi tum filal mak kano alakasin dim tod budu utamodiw banim, adikum uyo dakel bakan abokabu.” Yakeisa.

Yon 10:30

Kayo nalaso nalam Natim so nuka makuw ko.” Yakane,

Yon 13:32

kata Got alam Min dim alam kitid uyo matam misunokaba ade Min win uyo kufodawokaba. Kale aka wabising kanodongin keima ko.”

Yon 4:21

Yesus asik bakomam, “wanang kuba, aket afano kalal am dánámin uyo mewso tadbu, kale Natim Got be amgu tikin kuw suksuklawin bá ade Yedusalem kuw suksuklawin bá.

Yon 4:23

Kale am dánámin uyo mewso keibu ade kamane kal keidu. Kale kan ata Natim Got tatun suksuklawin kinim ika atin sinik tuw atin afan tatun kuw suksuklawokabiw. Kale Natim aka kanamin kinim ita suksuknamino, kale fenba.

Kalose 1:19

Kale be Got alam aket, ken nam Man ayo kano akal atin nalataw biyámoma be keno, kale nadane

Kalose 2:9

Kadais bakan dim kinim keiyámsa be aka adikum Got kukuw so adikum Got ami aket fukanin so uyo alam aket tem teinuno, kayo aka atin Got alataw keiyámsa.

Daw misun 1:8

Kamokim Got aka bako nada, “naka nalata ki Gebom ade nalata ki Adik adik ko.” Kalesa, aka adikum kitid kayakim amsun, aka katow tein tasa, kamane teinbe ade katow tein unokaba. Kale afan ko.

Daw misun 11:17

Kale ika bako, “nuka ken keiyo kalin Got Kamokim kitid soim kaba, tein badaw ade tein bisaw, be watawo kaleyo bá, kaba kalam kitid dukum uyo kudusadaw kayo sun kuw kin mo unokabaw ko.

Daw misun 14:4

Kale kinim bidi kala, yak wanang so mak sakadinogin banim, kinim kidel kuw tein bom Siwsiw man ayo yakabenoma, ika alaso kuw kamaliw. Kale ika Siwsiw man ayo bakan dim wanang kinim tem kalo mo imuse ade ita mit kei isik Got so Siwsiw man so imi kuyam kudasiw.

Daw misun 15:3

Kale ika Mosus Kamok wok fakudawin kinim so Siwsiw man so imi fuw mak weyamsiw. Kale fuw beyo ki kalsiw ko. “Got Kamokim kitid soim kaba, kukuw dukum ade aket diking dakungin kukuw kidelin kinim. Kaba abid tikin un tabudin kinim imi Kamok. Adikum Kamok ami ufek ufek kanamin bo atin afan ade tatun kanamin kinim ade aka suwayo Kamok keisa, kamane Kamok keibe ade yanol Kamok kei bokaba.

Daw misun 16:14

Kale sinik mafak bidi kala kitid so kayo ika ken mudi mudín kukuw uyo kana bom nadiwade ika yak bakan kuw tabodu kinim kamok kamok adikum iyo fabudu mo imu adiyamuw, Got atin kitid soim ami am afung am dána gelei ginanokabuw uyo faskodumo kanamiw ko.

Daw misun 16:7

alo naka kidilomo wis sánin bán kal weng mak bako, “au, Kamokim Got adikum kitid soim, atin afan ade kalam kikiw afetin uyo ken kanabaw ka.” Kalesa.

Daw misun 19:15

Kale kinim ami bon tem be woksek midik fidá midik fidá ausa mak maek abeba, be anang bakan kuw tabodu wakel binodokaba. Kale aka ayen lafeng so alam kitid so tuw anang bakan kin modokaba. Aka alam yán tuw gadew gim iyo gebida wain wok tabokabu, be Got kitid kayakim ami atin keng dukum tabokabu uta ko.

Daw misun 4:8

Kale adikum kinim taw sinikso alalew bidi kikiw bad bad bokuw kal wakak mosiw ade kin ki kal dim so kidin tem so bad akfak tem so kin ki falala tabesiw ade midiliw so táw so ika fuw wemin uyo kudáloliw banim im fuw uyo kalanaliw ko. “Got aka atin abem abem abem adikum kitid Kayakim amsun, aka katow tein tasa, kamane teinbe ade katow tein unokaba.” Kalan bom,

Daw misun 5:6

Kale nadine naka Siwsiw man anbidiw fikalese, kin gubu taw abin abem iwyak kal todba be kalomo kinim taw sinikso alalew keidiw gebom gebom keidiw ita dawo iw dá falfal daubiw ka. Yakeisi ko. Kale Siwsiw man aka idis fet kal mak ade kin fet kal mak be am dim kal bu ka. Akeisi. Kale kin fet kal bidi Got alami Sinik Abem kukuw fet kal ita kale bidi imadála bakan adik fakbusiw.

Daw misun 7:15

“Kayo kamane ika Got abin abem kin gubuyo kal midiliw so táw so Got alam am abem kal ika am wok sun sun faku biyábiw, kale Kinim abin abem teinba, ata im kál ged moyamokaba ko.

Daw misun 7:17

Kale Siwsiw man abin abem iwyak teinba, ata imi dolok moyámin kinim. Kale ata tudo imadew yak wok madmid fokat fokatba unokaba, kale Got alata im kinok adikum kidoyamokaba ko.”