Daw misun 14:15 - Got Weng Abem

¹⁵ alo ensel mak Got ami Yol am kalo matam nadale ibin tem kinim teinba gán dádaw, “kalam sadet fangadolin dew baw tuw badasal bomalo. Watawo kaleyo bá, badasal bomin atan uyo mewso keibu ade bakan dim badasal dukum uyo fasusu.”

Got weng abem: Alokso abino kalin

¹⁵ alo ensel mak Got ami Yol am kalo matam nadale ibin tem kinim teinba gán dádaw, “kalam sadet fangadolin dew baw tuw badasal bomalo. Watawo kaleyo bá, badasal bomin atan uyo mewso keibu ade bakan dim badasal dukum uyo fasusu.”

Daw misun 14:15 ပူးပေါင်းရင်းမြစ်များ

Matiyu 13:30

kaleyo kano kudáliwo alew alew tabiwo bi yakanámin dim kal ulum imin fakanin atan taduyo, naka god kámin gulámin kinim bakoyamino, kamakikiw yak badasal asik fakodiw tad tad kei ku nadiwe aing ginam si ku nadiwe as abud kidá nadiwe beta yanol yak wit wanin atane fakodiw tad wanin faktimin bán nalam am kutidokabiw kala.’” Kalesa.

Matiyu 13:39

Alo nalam kin kus tad badasal sun kaimsa kali, beyo ki Mafakim alam sung ka. Alo god kámin gulámin kinim kali, be Got ami ensel ade god kámin gulámin atan kali, be am afung am dánokabu uta ko.

Matiyu 23:32

Kale kiba ulum kanabiw ki kilim kawadik kasal imi mit kei kudásiw uyo kiwta atal kilálino.

Mák 4:29

Kale wanin gim ayo si yakana kala kalede kinim ayo woksek kudu bomokaba, bu watawo kaleyo bá, alo yakana ulum wanin am atan keidu make.”

1 Tesalonaikka 2:16

Kale ika num Mifiw kinim imi Got weng bakayamuw uta tabe kail bá takeikuyamin weng bakayamin uyo atiyamumo, kanamsiw. Bemi kanabiw uyo atin ilim ban keimin dukum weinsuno, buta adik adik kutam gong teibiw. Kale kamane Got ami aket keng tadbu uyo tad im dim kal abokabu kala.

Daw misun 11:19

Got ami Yol am abem uyo abid tikino kal bisudu nade ami Yol am abemo kidin tem Got ami abino kalin bokis abem kalbiw uyo utamsi, uyo ki babá falmang falmangin so kimun dikiling dakalungin so bim so weiw luw dukum so keimsu ko.

Daw misun 13:12

Kale aka kamakikiw sew iniman ami kitid makuw kudusa bemi tuw bakan dim wanang kinim iyo kanoyama kamakikiw sew iniman iwit so tukánlawsa, ami win kufádawsiw.

Daw misun 14:14

Naka nalam kin gubuyo be kaek fenomo, ibin kait tem be kinim mak Got ami Kinim taw ayo ibin dim dák teinbano kalomo, tum gol manil mikiba ade teng awán tem be sadet atud fangadok mak dew fakuba ká kale atamine,

Daw misun 14:16

Kale beta ibin tem teinba ayo sadet fangadok tuw fututut kalom bakan falala dok mo nadale bakan badasal adik wakbise ko.

Daw misun 14:17

Wáw beta alo ensel kukus mak abid tikin Got ami Yol am mo kal matam tada. Kale aka alaso sadet fangadok atud mak fakuba ka, akeisi.

Daw misun 14:18

Kale waw alo kalomo ensel mak wis sánin báno kal tada ka, akeisi. Kale ensel be Yol am as kil kin moyámin kinim, kale aka sadet fangadok atud fakuba ayo weng dukum gán dá bakodaw, “kala kalam sadet fangadok atud fakubaw be kudu bakan dim gudew sok dim gadew abusu uyo yuk bomalo, watawo kaleyo bá, gadew gim uyo yumbu.

Daw misun 15:6

Kale Yol am kaw tam kalo ensel fet kal idum ket fet kal fakubiw iyo matam tadiw. Kale imi ilim mikibiw be alokso lamlam so ilim ade tum gol idet taka taka keibiw.

Daw misun 16:17

Kale ensel adik adik fet ami ket fakuba uyo imsáda tam el aba nade abid tikin Yol am abin abem kal weng afalik dukum mak bako nadule, “adik wakadáli banima.” Kalesa.

Daw misun 6:10

Kale wanang kinim anudiw, ika gánin weng dukum kuw kei bom nadiwe bako, kaliw ko. “Kaba adikum kin modin Kamok abem ade tatun kinim wataw atan kal bakan dim wanang kinim taktak bom num yanbidiw yán uyo kidokabaw.”