Daw misun 14:14 - Got Weng Abem

¹⁴ Naka nalam kin gubuyo be kaek fenomo, ibin kait tem be kinim mak Got ami Kinim taw ayo ibin dim dák teinbano kalomo, tum gol manil mikiba ade teng awán tem be sadet atud fangadok mak dew fakuba ká kale atamine,

Got weng abem: Alokso abino kalin

¹⁴ Naka nalam kin gubuyo be kaek fenomo, ibin kait tem be kinim mak Got ami Kinim taw ayo ibin dim dák teinbano kalomo, tum gol manil mikiba ade teng awán tem be sadet atud fangadok mak dew fakuba ká kale atamine,

Daw misun 14:14 ပူးပေါင်းရင်းမြစ်များ

Matiyu 13:30

kaleyo kano kudáliwo alew alew tabiwo bi yakanámin dim kal ulum imin fakanin atan taduyo, naka god kámin gulámin kinim bakoyamino, kamakikiw yak badasal asik fakodiw tad tad kei ku nadiwe aing ginam si ku nadiwe as abud kidá nadiwe beta yanol yak wit wanin atane fakodiw tad wanin faktimin bán nalam am kutidokabiw kala.’” Kalesa.

Matiyu 17:5

Kal bom bakam sadane ibin kait ta be falfal namas imudane, ibin tem kaokal weng mak bako kala ka. “Bela nalam Man ade naka am aket ki atin yakabesi. Ade naka atin am idak ki teinbi. Kale kiba kidela am weng kidilaw bom nadiwo kala.” Kalesa.

Mák 4:29

Kale wanin gim ayo si yakana kala kalede kinim ayo woksek kudu bomokaba, bu watawo kaleyo bá, alo yakana ulum wanin am atan keidu make.”

Luk 21:27

Kale kanamin tem kabadákal Got ami kinim ayo ibin tem kitid so kin budusi dukum so kei madák aba ka, kalokabiw.

Ibidu 2:9

Yesus aka ensel imi abin akfak tem wakudawa láw teinale ause, kata kamane nuka ami lamlam uyo kudula wanang kinim iyo alam win kufádaw bidiw atamanbuw kala. Kale be watawo kaleyo bá, aka Got am min gelemin dim numi luk dudu, aka kál funin kudu fikalese kayo ko.

Daw misun 1:13

Kale im iwyak tem be kalomo kinim mak Got ami Kinim taw todabeno kalomo ilim kimisung un bi dák yán kamuk kamuk kuw dakung kale miki nadane idet tum gol tuw kidel dausiw lamlam soim mak makal makal miki auba ka. Akeisi.

Daw misun 1:7

Utamal! Aka ibin tem tadokaba kal adikum kinim ika kin atamokabiw ade kinim un salawsiw iliso atamokabiw. Kale kinim adikum ika atam nadiwe fidinin so amanin so keimokabiw. Kale afan ko.

Daw misun 10:1

Beta naka ensel kitid soim mak abid tikin kal madák aba ká akeisi. Be aka ibin ata falal dauda ade am gebom be salbalum gebom falal dauba ade am kibi kun be atanim alataw, kale ami yán be as daung lawlawba taw.

Daw misun 11:17

Kale ika bako, “nuka ken keiyo kalin Got Kamokim kitid soim kaba, tein badaw ade tein bisaw, be watawo kaleyo bá, kaba kalam kitid dukum uyo kudusadaw kayo sun kuw kin mo unokabaw ko.

Daw misun 19:12

Am kin ayo as daung taw ade am gebom dim be win tabin manil seng seng keiba, aka win mak alam dim godusa, kata kan ata mak kal keisa banim, aka alata kuw alam kal.

Daw misun 20:11

Kale beta naka abin abem dukum namal dim be kinim mak tein bada atamsi. Kale bakan so abid so uyo alam kin dim kadákal banimu utamsi. Kale abid so bakan so uyo alo utamodiw banim.

Daw misun 6:2

Naka kaek fen nalami kin gubuyo be iniman auos gedok mak umi dim be kinim mak teinbeno kalomo, wanuk mak dew nadane wasi anik anik keiyamámin manil mak kudawiw faku aubano kalomo, aka anang bakan duduyámin kinim keiba ka. Akeine, anang bakan dudulono kale unsa.