Daw misun 14:11 - Got Weng Abem

¹¹ Kale ika kál funin uyo kudu as kainin umi leik tem bom ulum kano sun sun midiliw so táw so ika finudoliw banim bokabiw. Kale be yak kan ata sew iniman so ami kit so umi suksuk bom ami win fut kudokabiw, ita be kanodokabiw.” Kalesa.

Got weng abem: Alokso abino kalin

¹¹ Kale ika kál funin uyo kudu as kainin umi leik tem bom ulum kano sun sun midiliw so táw so ika finudoliw banim bokabiw. Kale be yak kan ata sew iniman so ami kit so umi suksuk bom ami win fut kudokabiw, ita be kanodokabiw.” Kalesa.

Daw misun 14:11 ပူးပေါင်းရင်းမြစ်များ

Matiyu 11:28

Adikum yak kan kawta aket luklakin so idum dukum so kudew tadbaw namti, tad nalata natamiwo, naka dakoyam finuyámin kuyamon kala.

Matiyu 25:41

Kalbane, beta aka dumade alam awáno kinim todbiw bakoyam, ‘Got ami gán abumin akfak tem bidiw kiba, namadá un bi yak sun kuw as kainin abiw Mafakim so alam ensel so imino, kale kidel dauyamsa kal unin kala.

Matiyu 25:46

Kale kanaba kabadákal ika imadála yak sun kuw sok gei tabamin abiw unokabiw. Kata yak wanang kinim kidel itane tam sun biyámin abiw uniw, keidokabiw.” Kala kalesa ko.

Ibidu 1:8

Kata aka bela kanom Got ami godin buk tem alam Min bakodawsa. “Kaba Got ade kanom sun kuw kin mo bokabaw. Kale kawta wanang kinim kin mo kidela imudaw kukuw kidel kuw tabudokabiw.” Akeisa.

Daw misun 11:15

Ensel fet ami fudong ket fudong kale kei badane, abid tikin kaw tam kalo weng amsun seng mak gán dá bakoda, “adikum bakan uyo Kamokim Got so Yesus so im bakan adik dáw keidu, kale aka ulum kanom sun kuw muk diyam bokaba ko.” Kale kei badane

Daw misun 13:12

Kale aka kamakikiw sew iniman ami kitid makuw kudusa bemi tuw bakan dim wanang kinim iyo kanoyama kamakikiw sew iniman iwit so tukánlawsa, ami win kufádawsiw.

Daw misun 13:15

Kale sew iniman siwsiw man taw ayo kitid soim kayo aka kamakikiw sew iniman ami kit kidel daudiw ayo mam daudawa nade matam ken weng bako nada, “yak kan ata naka suksuknamongin banim iyo anudokabiw kaloma.”

Daw misun 13:17

Kaleyo yak kan ita uyo fut be kudulongin banim, ika ufek ufek so wansiki dusikiyodiw banim kale fut be sew iniman ami win ade ami win fut ding bakanin uta ko.

Daw misun 14:9

Kala nade alo ensel mak alew imi ibik wakádu matam nadane weng dukum bako, “kan ata sew iniman so alam kit so win kufá bom nadale ami win fut mak im dabal dim so teng dim so godulokaba kaí,

Daw misun 18:18

Umi as kainubu leik utam nadiwade ika bako nadiw, “mew bakan teinu mánu uyo ki abiw dukum kalak ulutaw so bá?”

Daw misun 18:9

Kale bakan kamok kamok kan ita uso sakadinin ban kei bom nadiwade umi ufek ufek wak gelemusiw, ika um as kain tabebu leik atam nadiwade um kalan aman fakunokabiw.

Daw misun 19:3

Kale ika asiki bako nadiw, “Got win kufodawum! Uka kainubu ade umi leik be alam kano tabe sun sun bokaba.”

Daw misun 20:10

Kale Mafakim wanang kinim kasen keiyamin aka dawbinoda yak wok tem sulfa as kainin unokaba. Kale sew iniman so lum senin ibakanin kinim bidiw iso bokabiw, kale kal bom nadiwo midiliw so táw so sun kuw mámin yáw daka bom bokabiw ko.

Daw misun 22:5

Kale midilámin banim ika atan eidin so yakom yakodin so usono kaloliw banim, be watawo kaleyo bá, kamokim Got alata lánin kuyamokaba, kayo ulum kano sun kuw kamok kei kin moyámokabiw.

Daw misun 7:12

nadiwe bako, “afan ko! kalfalin so lamlam so guton sawain so ken keiyo kalin so win kufámin so kitid so madmed so adikum be nulum Got alami sun sun fakudin kinim, alami keiduk kala. Kale afan ko.” Kalsiw.