2 Timoti 1:8 - Got Weng Abem

⁸ Kale kaba num Kamok Yesus so alam sok gei tabamin kinim naso numi sung bakanin uyo fatom fatom bom keimin bá, kata kawso maek naso keidawo sung kidel umi luk kál funin uyo Got alam kitid kuyamase tuw dudew tabum kala.

Got weng abem: Alokso abino kalin

⁸ Kale kaba num Kamok Yesus so alam sok gei tabamin kinim naso numi sung bakanin uyo fatom fatom bom keimin bá, kata kawso maek naso keidawo sung kidel umi luk kál funin uyo Got alam kitid kuyamase tuw dudew tabum kala.

2 Timoti 1:8 ပူးပေါင်းရင်းမြစ်များ

Mák 8:38

Kan kinim ata nam win so nam weng so uyo sakadinin ade ban keimin kinim mit im kin dim bakodomino, kale nadale fatom fatomba namti, Got ami kinim lamlam soim tadokaba kabadák akal kinim ami win uyo alam kin dim alam Alaw Got kin dim, Ensel abem abem kin dim kadákal nakal ami win uyo bakodawomino, kale fatom fatomokabi ko.” Kalesa.

Luk 9:26

Kan kinim ata nam win so nam weng so uyo bakamomano, kale fatom fatomba namti, Got ami Kinim lamlam soim tadokaba, kabadák akal ami win uyo alam kin dim, alam Alaw Got kin dim, Ensel abem abem kin dim, kadákal nakal am win uyo bakodawomino kale fatom fatomokabi ko.

Yon 15:27

Kata kiba kiwso nam kin walamin so bakayamokabiw. Be watawo kaleyo bá, kiba kamakikiw kal nasino teinámsiw kayo ko.

Yon 19:35

Kale kinim atamsa kinim ata kin walasa ade am kin walamin uyo atin afan kale aka alam kal dam weng afan bakosa. Kale nadane aka kin wala bakoyamino, kata kiba kiwso aket kudawino, kalesa.

Sinik Abem 5:41

ika kot keimin am bá kudá, kalfalin so kei matam abesiw. Watawo kaleyo bá, Yesus alam win uyo fatom banim alam win uyo kufádawsiw kayo ko.

Udom 1:16

Kale naka Got sung kidel bakanin be idak teinábi, be watawo kaleyo bá, sung kidel be Got ami kitid kayo uta ta bom wanang kinim adikum afan kalbiw imi ban keimin watakáyamin kayo ko. Kale be kamakikiw Yu kayak isik kidi afan kalesidiw ade kamane akal Mifiw iliso kidi afan kalbiw kayo ika ban keimin watakoyamokaba kala.

Udom 16:25

Nuka Got win lamlam so uyo kufámum kala. Kale Got ata kuw nam wanang kinim sung kidel bakayabi tuw kilim afan kalin uyo im kitid modokaba ade Yesus ami sung tuw im kitid modokaba. Kale Kadais ami sung be suwayo kal wána kudew tadabi kadák dida, kata kamane lum senin kinim imi weng godusiw dim misunase ade Got Motabid alata bakoyam, “yak anang bakan adikum uyo sung bakayamiw, adik ken afan kale kidilino.” Yakeise.

Udom 8:36

Kale Got godin weng uyo bako, “kimi luk beta nuka sun kuw yanbidumo, kal bidiw sák bán mafak teinábuw. Kale wanang kinim im aket fukanin nuka sák iniman taw win banim keiyam yanbidumo, kale ludin taw keiyámsiw kala.” Kalesu.

Udom 9:33

Kale be Got godin weng alam man sung kanam kale bakosa uyo bako, “Naka Yedusalem kal tum mak kutidi wanang kinim iyo matam bingbing dakámokabiw. Kale tum beta kanoyamano, kutinsiw. Kale wanang kinim kan ata aket daudawsa, ika fatom so keidoliw banim, keidokabiw.” Kalesa.

1 Kodin 1:6

Kale be atin afan watawo kaleyo bá, Got aka numi Yesus kin walamin umi dam uyo atin kibilim iwyak tem kal atin abin fakadá kutiyamase, kayo

2 Kodin 6:7

weng tatun kuw bakanin so Got ami kitid dim teinámin so uta kanamusuw. Kale Got kukuw kidel tuw uta numi wasi ginanin gelei bil. Kale nuka umi tuw nulum kál ged mo naduwe wasi im adim isko unebuw kala.

Efesis 3:1

Kale naka Faul Mifiw kimi luk duduyámin, beta naka Yesus Kadais ami sok gei tabamin kinim keibi.

Efesis 3:13

Kale naka mun dáyam kimi luk uta naka kál funin kudubi, kayo kiba aket mafak fukanin bá, watawo kaleyo bá, nam kál funin ata kimi dakoyamuko kaleyo ko.

Efesis 4:1

Kale naka sok gei tabebi, be watawo kaleyo bá, naka Kamok ami kinim kayo ko. Kale kiba Got walu imuda maek alam kinim kei bidiw. Kale naka kamane munyamino kiba Yesus Kadais afan kalin ilim biyámin taw keidin kala.

Efesis 4:17

Kamok ami win dim naka kitid weng bakoyamon, kiba ulum kano wanang kinim Got im kal banim, itaw kei biyámin bá. Im aket fukanin bo umi dam banim uta bidiwade,

Filibai 1:7

Naka sun kuw kim aket uyo nam aket tem kutiyábi, kayo naka luk bala ken kim sung uyo aket fukanábi, watawo kaleyo bá, kiba nalaso makuw Got alam min gelemin uyo taku maden bom naduwo naka ken kalabus am teinámsi so weng taktakin kinim dim todámsi so uyo naka Got sung kidel tatun umi guew uta dudu kitid kuw tabesi.

Filibai 3:10

Naka nam aket Yesus Kadais ayo kal kei nadine kitid tabe alam kitid dukum fikale talá tabe nada kuduse uyo kudono, kalbi. Am kadák teinámsa uyo atin tal leiw seng kuw kanadawsiw. Kale naka alam aket keno, kalin uta wok fakudawábi kale naka nalaso ken tal leiw kanonamino, kalbi ade kinim ika alam anbisidiw leiw makuw be ki naka kanonam nanbidoliw be atin keno, kalbi.

Filibai 4:13

Kale naka ken sák kanodin kukuw kidel so mafak so abin teinámin uyo ken aket dakbuyámin dim utamomi, watawo kaleyo bá, Yesus Kadais ta bom kitid dawkanaba kayo ko.

Kalose 1:11

Nuka Got gánlawuwo, ami kitid dukum kidel dim ken kiba gadel tabe nadiwo fitin, kata ulum kano dakbu bom idak ki tein abe bom nadiwe kukuw adikum uyo adik wakadámokabiw.

Kalose 1:24

Kale kamane naka kimi dakoyamono kale ken kál funin be kudu kalfalomi ka. Watawo kaleyo bá, nam kál funin be Yesus alam bako nada, “naka kál funin kudu nadino Got ami wanang kinim gu adikum nalam dam iyo dakoyamon,” kalesa, umi kál funin uta naka adik adik wakadámi ko.

1 Tesalonaikka 3:4

Nuka kamakikiw kiliwso tein alom bakoyam, nuso kiwso makuw im mafak dákamokabiwo, yakanbuduw adikum kidisidiw kaí, be kilim kal atin afan kanayabiw ka.

1 Timoti 2:6

Kale ukal ulum kanamin am dánu ta bom ban keimin gu dufo alam dam uyo ban kung fakadulin taw kei nadano adikum wanang kinim bo min talá imadáse. Kale Yesus kanoyamse uyo kukuyam Got alam aket wanang kinim adikum maek alam mit tem tadino, kalba ka.

2 Timoti 1:10

Ade kamano Yesus alam num kail bá takeikuyamse uyo tadune, Got alam min gelemin uyo matam tadu utamasuduw. Ade aka fikalanin umi kitid uyo anik anik aumamse ade am sung kidel dim sun kuw biyámin uyo kuw misun teiyaba kala.

2 Timoti 1:12

Kale belami mit ata naka nalam kál funbi, kata naka fingánin aket banim. Naka Yesus be afan be kalesi. Kale naka atin nalam kal aka alam wok kunam kin modako, kale kunamase uyo alata kudew fakunam sada si am afung am dánámin uyo tadokabu.

2 Timoti 1:16

Kale naka Kamok dákadá bom nadino kaba Aunesifodas alimal iyo kalam aket budunin uyo dauyamal kala, watawo kaleyo bá, aka sun kuw nam sok gei namtidiw teinbidi, aka sun kuw fatom banim ilil dudanamába.

2 Timoti 2:3

Kale kaba num idum kudu buduw uyo kalawso makuw kei taku maden bom naduwe kaba Yesus Kadais alam un tabudin kinim tatun kei naduwo idum tadebu uyo bid kutamo matam kuákeikudal kala.

2 Timoti 2:8

Kale aket fukan dá utamal, Yesus Kadais aka Dewit man low ade fikale talá tabese. Kale sung kidel ade

2 Timoti 2:9

belata ka. Naka umi kalan beta abin mafak teinábi ade ika naka ban keimin kinim taw keinam waya sok tuw ginenamusiw, kata Got ami weng so kano sok gei kusiw bá.

2 Timoti 4:17

Kata Kamok ata kuw nam kayak kei nadale alam kitid uyo kunamano, kayo naka adikum sung kidel uyo adikum Mifiw wanang kinim iliso ken bakoyami kidisiw ade naka iniman atud layon ami kail tem uyo Kamok ta bom kail bá takeikunamsa.

2 Timoti 4:5

Kata kaba mew adikum idum tad kadák ababu uyo kidela uta bom nadawo kudew tabamal kala. Kaba kalam Got sung kidel dew kámin kinim kei badaw ki kei bom nadawe Got alami wok fakudawin kinim kei bom wok dudew tabe badawo kala.

1 Bita 1:5

Kale belami mimin dok diyámin uyo ki yak kilim afan kalin umi tudow dim Got kitid tuw kál ged moyama, si am afung am dim kal kano kail bá takeikuyamokaba uyo kuw misun teidono, kale faskoba kala.

1 Yon 4:14

Kale nuka atamsuduw, kayo yak kinim madik iyo bakoyam Natim ayo alam Min dabadála madák tad bakan kayak ban keimin kail bá takeikuyamaseno, yakanaluw ko.

Yut 1:24

Ade kamane adikum wanang kinim nuka, Got makuw ata kuw win kufádawuwo ata Yesus Kadais win dim kail bá takeikáyaba. Kale ata kuw adikum lamlam mit kayakim ade ata kuw win soim ade mew adikum ufek ufek bo ata kitid fakuda bu ade abin abem dukum kudusa kinim ade aka bo adikum fakubisa, kamane fakube ade sun faku unokaba. Ade Yesus aka atin lamlam soim Got alam kin dim num ban keimin banim, weng fine banim, aka kutinodiwo, kale imadew yak dáda nuka sun yul didin bom katkatin dim unokabuw. Kale atin afan.

Daw misun 1:2

Ade Yon aka alam ufek ufek adikum utama uyo weng foka dau bakose. Kale bela alam sung Got ami weng ade tatun weng uyo Yesus dim kuw misun dáse.

Daw misun 1:9

Naka Yon kilim king naka kiwso nalaso makuw nikil nuka Yesus so dam makuw keisuduw, kayo naka kiwso makuw kál funin kudabuw ade yak Got ami kasák gu buduw ade kanodin idum dukum dukum, kata nuka ulum kano naknek fakadá buduw. Kayo naka namadew yak wok iwyak bakan katiw mak win Batmas kal namtidiw bi, be watawo kaleyo bá, naka Got weng baka bidino kayo ade afan Yesus be daw misun dáse ka.

Daw misun 12:11

Kale ika Mafakim weng falak teiyamusa, be Siwsiw man ami kaim so kin walamin weng bakanin so umi tuw, ika im kaunsin biyámin aket uyo mak fukan dádongin banim dako nadiw ulum fikalanongin umi atud uta fakadásiw uyo bid daw tam mo tam tiw abesidiw.

Daw misun 19:10

naka ensel alam mit tem katun fakela suksuklawono kanamine, aka bakonam, “kanamin bá! Naka kafadow kalaw so kalam nikil fikal so makuw Got wok fakudaw bom Yesus ami sung tatun bakayamin kinim. Kale Got ata suksuklawo, watawo kaleyo bá, Yesus ami sung tatun ayo ki Sinik abem dim adikum lum senin kitid kukayaba kayo ko.” Kalesa.