2 Timoti 1:3 - Got Weng Abem

³ Naka nam fatom banim nalam awadik kasal im kanamámsiw taw nakal kana bom nadino Got am wok faku kanabi. Naka sun kuw midiliw so táw so kam aket fukan bom Got gánla bom nadino Got ken keiyo, akanali.

Got weng abem: Alokso abino kalin

³ Naka nam fatom banim nalam awadik kasal im kanamámsiw taw nakal kana bom nadino Got am wok faku kanabi. Naka sun kuw midiliw so táw so kam aket fukan bom Got gánla bom nadino Got ken keiyo, akanali.

2 Timoti 1:3 ပူးပေါင်းရင်းမြစ်များ

Luk 2:37

Kale uka itol deng alewbino ade dutamo alewbinon (84) keisu ade uka Got ami Yol am uyo atin kudálomu sung banim, ulum kano midiliw so táw so uka Got win kufádaw bom nadule wanin kudá bom Got ki suksuklawamalo.

Sinik Abem 22:3

“naka Yu kayako Silisiya bakan Tásas abiw kal namusiw, kata naka tad abiw dukum kadákal matam fasu nadi, kukumin kinim Gameliel am akfak tem kal adikum num awadik kasal sawa weng mit uyo kukunama nade nayo kitid kuw tabe, Got kukuw uyo fakusi ulutaw kamano kibil kitid kuw tabe faku bidiw ka.

Sinik Abem 23:1

Kale Faul ayo kin atud kin bá tudun kaek fen kansol itam nadane bakoyam, “nalam nikil fikal kiba, naka Got ami kin dim kal kanam kámubi ade kamane akal nam aket kidel keinam buduyo nam fatom banim keibi ka.” Yakane,

Sinik Abem 24:14

Kata naka bakokamon, naka Yesus leiw abo bom nulum awadik kasal Got win uta taken bidino, ika bako, ‘Yesus leiw bo afan báyo.’ Kalanbiw. Naka adikum ufek ufek Mosus Sawa so lum senin kinim weng so buk tem godusidiw be au be atin afan.” Kalesi.

Sinik Abem 24:16

Kaleyo naka sun kuw nam aket bo mak Got tada kinim tadiw uyo ban mak keidomino kale dufoyábi.

Sinik Abem 26:4

Kale adikum Yu Kayak ika nalam bakan teinámin so Yedusalem teinámin so bo adikum kamakikiw nam man katiw kalo tad bi kadák didi bo atin ilim kal.

Sinik Abem 27:23

Naka Got alam kinim ade am win kufámin nata kamane midiliw kal Got alam ensel dabadála madák tad mewso kal tod nadanade

Udom 9:1

Naka Yesus so makuw keibi, kayo kamane naka afan weng uta bakodono kali. Kale nam aket fukanin uyo ki Sinik Abem ata kin mo be ade aka namadála kal keidomo naka ibakabi bá ka, kaleyábi.

2 Kodin 1:12

Num tok bakanin uyo ki num adikum bakan kadák umi ufek ufek kanam kámin so nulum ufek ufek adikum weng tatun bakam kámusuw, be Got alamiyo kal aket kidel dekuyámin uyo kudu naduwo kanamusuw. Kale be kanam kanam atin kiwso duw kei naduwo be kanamusuw. Kale be Got alam min gelemin tuw kanamusuw, kata be bakan dim kadák umi kal keimin tuw kanamusuw bá. Kale naka be nalam aket fukanin adikum bako atin afan kali.

Galesia 1:14

Kale naka Yu Kayak imi Got suksukin kukuw aboyamsi, be Yu kayak kinim nalam itol makuw fakon fakon ika iliso bemi leiw aboyámin iyo nasik kitid tabe gebomasi. Adikum ika akayam nadile, kitid kuw tabe awadik kasel kukuw uyo aboyámsi.

Efesis 1:16

kayo sun kuw naka ulum kano, kiba Got ken keiyo, akbi. Kale naka kim aket fukan bom Got weng bakanlawábi.

1 Tesalonaikka 3:10

Kale táw so midiliw so num aket uyo adikum Got kudaw gánla bom dákadála bom naduw nuka imadálaw alo yak kim afan kalin uyo makso fasubune, báye, kale naduwo alo makso dakáyamumo, kale kanamábuw.

1 Timoti 1:19

Kale kalami Got afan kalin yakik faku nadawe kalam aket kidel fukanin ki yakik faku audal kala. Kale yak kinim madik ika ilim aket kidel fukanin uyo yakik fakudongin banim dako nadiwe ilim afan kalin uyo kuw mafak dáyábiw ko.

1 Timoti 1:5

Kaleyo weng bakodi ami mit ayo ki kanodin kukuw uta dakokamuno, kakanum aket kudawa kudawin, atin aket kidel, fatom banim, atin afan kalin makuw uta ta bom aket kudawa kudawin uyo maek tadebu.

1 Timoti 5:5

Kale yak wanang kadun ulufin kidel kale biyámin, uka mimin dew yak Got dok didaw bom midiliw so táw so Got suksuk bom nadule Got dakonamo kal bom dákadámokabu.

2 Timoti 1:5

Kaba kalam kawok Lois so kakun Yunis so imi aket afan kalin kidel uyo naka finang dádomo, kaba kalawso ilitaw aket afan kalin kidel so ka kakbi kala.

2 Timoti 3:15

Kale kaba kalam man katiw alanámsaw be fukan dá atamal, bemi atan alanámsaw ayo Got ami godin weng abem ki kal keisaw. Kale uta leiw kuku kámune, um kal keimin dim kamadewu, yak Yesus Kadais aket kudawawe, Yesus Kadais ata watakokamokaba kala.

Ibidu 13:8

Kale Yesus Kadais be kukum keidoma banim, aka alam amsino teinase so kamane teinbe so ulum kano tein unokaba so be alam kikiw kuw ko.