2 Kodin 11:25 - Got Weng Abem

²⁵ Udom gawman ita bid alewbino mo ayen lafeng tuw namfumsiw. Ika bid makuw mo tum tuw fudut fudut bom anbiduw fikalak kale kananamsiw. Bid alewbino mo namadáliw siw am tem leiw ká bom kalo wok dang dim kal dakela banimongin taw keimsi. Kale kanam kám si kal un bi wok dang abe ei falan ká bom bidi bi atan mak dakan kei nadine midilámin mak dakan kei ausi.

Got weng abem: Alokso abino kalin

²⁵ Udom gawman ita bid alewbino mo ayen lafeng tuw namfumsiw. Ika bid makuw mo tum tuw fudut fudut bom anbiduw fikalak kale kananamsiw. Bid alewbino mo namadáliw siw am tem leiw ká bom kalo wok dang dim kal dakela banimongin taw keimsi. Kale kanam kám si kal un bi wok dang abe ei falan ká bom bidi bi atan mak dakan kei nadine midilámin mak dakan kei ausi.

2 Kodin 11:25 ပူးပေါင်းရင်းမြစ်များ

Matiyu 20:19

ika dabadáliw yak Mifiw im dim abane ika bedbedlaw bom nadiwe fau bom nadiwade dok as dawing dákamin dim sil biki anbidokabiw. Kale am alewbino kei nadale talá tabokabano.” Kalesa ko.

Matiyu 21:35

Kata láw yong kin modin kinim tabe yak bakan kayak ami wok fakudin kinim iyo imadew fakudom nadiwo mak ata láw faubi dau nadiwe mak ata atin anbidiw fikalane, mak ata tum sán bi dau dabadá audiwe,

Sinik Abem 14:19

Beta Antiák abiw Yu kayak so Aikkoniyam abiw Yu kayak so iyo tad tad au nadiwe yak kinim seng seng iliso aket dakfoyamiwe, Faul tum tuw faum si nadiwade im aket bo fikala kae, kale gidili dew yak abiw dukum abiwo kal dawti dabadáliw.

Sinik Abem 14:5

Mifiw kinim so Yu kayak so ilim gebom gebom so iyo weng gudul dau tum tuw Faul so Bánabas yan bi im mafak dádumo kanamsiw.

Sinik Abem 16:33

alam bemi midiliw kabadákal kinim alew iyo imadew tam am dá im iwit uyo wok ging auyamane, wabising Faul ayo kalabus am kin modin kinim so alam muduw so alimal iyo imadew yak wok ban boyamane,

Sinik Abem 16:37

Kata Faul aka un tabudin kinim bakoyam, “nuka Udom bakan kayak, kata ika taktaku imudongin banim kano bidiw ki imadew tam kinim wanang kin dim yanfaum si nadiwade imadew tam sok gei imu sidiwo, ayo iwál leiw imadáluw unino! Kaliwe? Be atin bá be! Imadáliw Udom kot taktakin kinim ikil ilita tad nadiwo, imadáliw tam abumo!” Faul weng kale bakoyamane,

Sinik Abem 22:24

un tabudin kinim kamok ayo alam kinim bakoyama, “tad Faul dew tam kilim am kal fau bom nadiwe weng mit dákadá bom ‘watawo kale wanang kinim ika kam akikam bom yul kalanubiwako?’ Akanino!” Yaka nade

1 Timoti 1:19

Kale kalami Got afan kalin yakik faku nadawe kalam aket kidel fukanin ki yakik faku audal kala. Kale yak kinim madik ika ilim aket kidel fukanin uyo yakik fakudongin banim dako nadiwe ilim afan kalin uyo kuw mafak dáyábiw ko.

Ibidu 11:37

Ade kinim tabe madik iyo tum fudut fudut bom faum sidiw si fikalanámsiw. Ade kinim madik ilita tabe atin gitas wako yanbimsiw. Ade kinim madik itane woksek kaung tuw kudis mo imtidiw fikalansiw. Ade kinim madik im lim kál fidelayaman bidiwo kayo iniman kál tuw miki bom im abin bán banim keiyámsiw. Ade kinim madik itane kinim ta bom tal leiw seng keiyámsiw. Ade kinim madik itane kinim kukuw mafak fakuyamámsiw.