2 Kodin 1:20 - Got Weng Abem

²⁰ Kaleyo Kadais ata Got ami adikum weng takadámin “au” kalin ka. Bemi mit ata Yesus Kadais ami sok dim nuka bako, “afan kanoduk,” kalom Got win dafodawábuw.

Got weng abem: Alokso abino kalin

²⁰ Kaleyo Kadais ata Got ami adikum weng takadámin “au” kalin ka. Bemi mit ata Yesus Kadais ami sok dim nuka bako, “afan kanoduk,” kalom Got win dafodawábuw.

2 Kodin 1:20 ပူးပေါင်းရင်းမြစ်များ

Matiyu 6:13

Kale kaba imadálaw imkukumin dukum uyo imkukumin bá, kata kawta ban keimin umi kail bá takakuyamal kala. Kaleyo kami kasák gu so kitid so win dukum so uyo kanom sun bokabu. Kale be afan ko.’

Luk 2:14

“Got win uyo kufodawiw tam el kaekal abuk kala. Wanang kinim bakan dim kayak Got kalfalyaba iyo imadáliw abino kalin uyo ilimi keiduk kala.”

Yon 1:17

Kale Natim Got aka weng sawa uyo Mosus dim kuyamsa, kata kamane aka min gelemin so tatun weng bakanin so uyo Yesus dim kal kudawa nade ata num kukayaba kala.

Yon 14:6

Yesus fakadu bakodaw, “nalata ki leiw, nalata ki tatun mit kayak ade nalata ki sinik so biyámin mit kayak. Kale kan ata kukum leiw tam Natim atamoma banim, kata nam dim ki, tam Natim atamokaba.

Yon 3:5

Yesus asik fakadu bakodaw, “naka atin afan dam weng bakakabi. Kale bakan dim kinim aka wok kumun tem so Sinik Abem ami tem so kal man unak kei nadano beta yak Got ami kasák gu unokaba.

Udom 11:36

Got alata ufek ufek adikum kidel kusa. Ade adikum ufek ufek kanabu, bo Got alam dim kal tadebu ade bo adikum Got alami. Kale nuka sun kuw Got win kufádawum kala. Kale afan ko.

Udom 6:23

Kala kaleyo kinim kan ata ban keida namti, ulum yán kudokaba uyo ki fikalanin. Kata nuka nulum Kamok Yesus Kadais so makuw keiduwe, Got aka sun biyámin uyo min geleyaba.

1 Kodin 14:16

Kaba kalam sinik tuw ki Got ken keiyo akanokabaw kaí, kinim mak kim iwyak tem teinba, aka yakno yakno ken bako, “afan ko,” kalokaba. Watawo kaleyo bá, kam kanam kalbaw be am kal banim kayo kala.

2 Kodin 4:15

Kayo be adikum kim luk kanosu. Kanoduno kinim seng seng Got alam min gelemin uyo ken kudu nadiwo seng kuw Got ken keiyo, ak bom tam so tam so win kufádawin kala.

2 Kodin 4:6

Kale kamakikiw Got ayo bako, “midilin tem be lánámako!” Kalane, lánsa. Kale bemi kanosa Got makuw alata ki lánin dew tad numi aket tem lána kukáyaba. Kale lánin be alata ken au yakano kal keidomo Got ami lamlam uyo kudew yak Kadais dim kal yakobe ka. Kalbuw ko.

Galesia 3:22

Kata be afan bá, Got ami buk tem weng uyo bako nadule, “kinim adikum bakan mungang kuw gidit kalu iyo Got sawa bo kudá nadiwe ban keimin kukuw umi kitid uta kuw imadew fakubuno.” Kalbu kala. Kaleyo yak kan kinim ita Yesus Kadais afan kalokabiw ita kuw Got ufek ufek kidel weng takadása uyo kudulokabiw ko.

Efesis 1:6

Kaleyo be nuka Got kalfalawumo! Watawo kaleyo bá, am min gelemin atin kidelok kuyaba. Kale min gelemin mak kaí, alam man babid makuw ayo kuyamase.

Efesis 2:7

Beta kano nadano sun kuw kamano so itol katow katow tadokabu so uyo aka alam min gelemin dukum kidel uta kukuyamokaba. Kale aka kidelyaba, kayo bemi min gelemin uyo Yesus Kadais dim kukuyaba kala.

Kalose 1:27

Got aka alam weng wánin uyo kinim wanang bakoyamon kaloma uyo atin be kidelok kale, wánin weng be adikum kinim mit imi dakoyamono, kalin uta kale. Wánin weng uyo bako nadano, “Kadais kilim kidin tem be ata kilim mimin dok diyámin lamlamo,” kalesa.

2 Tesalonaikka 1:10

Kale umi kanodokabu uyo alam tadokaba bemi am dánokaba kal adikum alam kinim im idak teinlawámin so adikum kan ita ilim aket kudawsiw imi win kufádawin so uta kudulono, kalokaba. Kale be kibiliwso keidokabiw, watawo kaleyo bá, kiba num weng uyo afano kalesidiw kayo ko.

Ibidu 11:13

Beta adikum kinim afan kalin bidimi bakodi, ika Got alam ufek ufek adikum weng takadáyamsa uyo kudulongin banim dako alom fikalesidiw, kata ika mimin dok di yanol kudulokabuw,. kale nadiwade ika kalfalámsiw. Kale ika bako nadiw, bakan be kadák bo atin bakan bá mada bo kikiláw bakan kuw ka, kalanámsiw ade ika fukan dádomo, nuka bakan budák láw kotadang keibuduw, kalanámsiw kala.

Ibidu 13:8

Kale Yesus Kadais be kukum keidoma banim, aka alam amsino teinase so kamane teinbe so ulum kano tein unokaba so be alam kikiw kuw ko.

Ibidu 7:6

Kinim Melkiseddek bela Liwai ami kinim mit bá, kata aka Ebadakkam ami ufek ufek gu nangal kal um gu makuw mak kudu nadale kudawano kayo Melkiseddek ayo Ebadakkam daw kinim dása, be Got alam weng takadá kanodokabuno kalesa uta kudusa kala.

1 Bita 1:12

Got ami lum senin kinim kukuyamsa im wok uyo sák mada ilim luk bá, kata be kim luk uta kanamsiw. Kale ika kim wok fakuyámsiw uyo ki Got sung kidel umi sung bakayamsiw ude kamane ukul Got sung kidel bakayamin kinim iyo ki bakaya bidiw kidibiw. Ika Got Sinik Abem abid tikin kalo dabadála tase ami kitid dim bakayabiw. Kale weng kidiliw be Got ensel kata ika iliso fen dá kal keidumo, kalsiw ko.

1 Yon 5:11

Kale Got ami kin walamin bula bako, Got aka sun biyámin kuyamase ade sun biyámin uyo alam man dim bu.

Daw misun 3:14

“Kaba weng bela Got ami kinim gu Leoddisiya abiw kayak imi weng dew kámin kinim ami godulawal kala. Naka nalata ki afan kanamin kinim, kale kin dok di afan kalin so afan kin walamin kinim ade naka Kamokim Got ufek ufek kidelbisa adikum kin moyámin kinim kala kaleyo bela nalam weng adik dáw bakayabi.

Daw misun 7:12

nadiwe bako, “afan ko! kalfalin so lamlam so guton sawain so ken keiyo kalin so win kufámin so kitid so madmed so adikum be nulum Got alami sun sun fakudin kinim, alami keiduk kala. Kale afan ko.” Kalsiw.