2 Kodin 1:15 - Got Weng Abem

^15-16 Naka atin be kal keidomo, afan kanamokabu, kayo naka aket tet dau tad itam nadino Maseddoniya bakan unono kale tadokabi kal im kinim dádokabi, alo yak Maseddoniya ú fasiki tadokabi kawákal sawil im kinim dá audino, kiba alew mo im kinim dákamin uyo kudulokabiw. Kale naka yak unine, kiwta mak dakonamiwo, Yuddia unon kala.

Got weng abem: Alokso abino kalin

^15-16 Naka atin be kal keidomo, afan kanamokabu, kayo naka aket tet dau tad itam nadino Maseddoniya bakan unono kale tadokabi kal im kinim dádokabi, alo yak Maseddoniya ú fasiki tadokabi kawákal sawil im kinim dá audino, kiba alew mo im kinim dákamin uyo kudulokabiw. Kale naka yak unine, kiwta mak dakonamiwo, Yuddia unon kala.

2 Kodin 1:15 ပူးပေါင်းရင်းမြစ်များ

Matiyu 1:19

Ulum kinim weng takadámamsiw Yosew ayo kinim kidel kuw tabesa kayo misun kamadáli, wakei kuwo kalám gu teidi fatom dákamomu kala, kale nadano kayo iwál kanam unom nadino kata kudálon, kale leiw fen bom kanamane,

Udom 1:11

Kale nam atin yak itamono kalbi, umi mit uyo wataw uta bá. Naka yak nadino Sinik Abem alamiyo min gelemin uyo mak kuyamino im kitid modako, kale nadino ko.

Udom 15:29

Nalam kal naka yak itamokabi. Naka Kadais ami ufek ufek kidel uyo adikum kudew tadokabi.

1 Kodin 11:34

Ade makuw mak tew dukum keikama wabising wanono, kalaw kaí, kalam am kaw tam kal kidela wanin wane tademin kala. Kale kiba be kano tada tada bom kanamokabiw beta Got ayo taktaka imudoma banim keidokaba. Kale naka tad nadino makso beta kanamin kale kukuyamokabi ko.

1 Kodin 16:7

Nam aket kamano tad itamono, kalbi bá, watawo kaleyo bá, abiw madik kama nadinalo, kalebi kayo, nam mimin ayo ki Kamok ata au kalokaba kaí, kiliwso ki fiyaw bi audokabi.

1 Kodin 4:19

Naka Kamok ami aket fukanin, unalo nakokaba namti, naka mewso wabading tadokabi. Kale naka tad nadino yak wanang kinim ilim win kufábiw umi mit uta utam nadine imi kukuw kanabiw uyo afet dá utam audokabi.

2 Kodin 12:14

Kamane naka bela bid alewbino dim ayo itamanono, kale nadi iskodi. Ade naka kimi wok fakuyambi umi kisol uyo mak kunamino, yakokabi bá. Ade naka kim ufek ufek uta mak kunamino yakomi bá, kata kinim kilimi aket uta kuyambi ka. Watawo kaleyo bá, man ika aulal im kin mo bom kisol ufek ufek kukáya bom im kinkinin bá, kata afan aulal ita man im kin mo bom ufek ufek kukáyamin kayo ko.

2 Kodin 6:1

Nuka Got so makuw wok fakudin kinim kayo nuka munyamuwo, kiba min gelemin Got ami dim kudusidiw uyo kudálodiw banim keidin kala. Watawo kaleyo bá, kiba alo bo kudáliw kaí, be ituwa kudálokabiw kala.