2 Bita 2:6 - Got Weng Abem

⁶ Got aka Soddom abiw so Gamoda abiw so im mafak dá nadane ilim muduw so am so adikum uyo as kain kidá imusa kala. Kale kamano be kinim kan ita kukuw kidel mak fakudongin banim namti, imi kanoyamase alataw kanoyamokabino, kale kukuyamase kala.

Got weng abem: Alokso abino kalin

⁶ Got aka Soddom abiw so Gamoda abiw so im mafak dá nadane ilim muduw so am so adikum uyo as kain kidá imusa kala. Kale kamano be kinim kan ita kukuw kidel mak fakudongin banim namti, imi kanoyamase alataw kanoyamokabino, kale kukuyamase kala.

2 Bita 2:6 ပူးပေါင်းရင်းမြစ်များ

Matiyu 10:15

Kata naka dam weng bakoyamon, am afung am dánokabu kawák abiw im tam am dádongin dakosidiw, ika atin kál funin mafak kudokabiw, be Soddom so Gamoda so kanosiw taw bá, atin ita tam so kudokabiw.

Matiyu 11:23

Kale Kabeniyam kayak kiba masi imadew tam abid tikin dádokabano kaloliw? Bá be, sák dalmong yak fikalanámin abiw unokabiw make! Kale dubat dubatin kukuw kim kin dim kanamsi uyo Soddom kal kanamsi nám Soddom uyo kamano kanom buno kalongino bo!

Udom 9:29

Kale be Got godin weng Aiseya kale bakosa alataw. “Abid tikin Kamok un tabudin kinim ika num fasel iyo kinim katiw ita kuw, imadáliw ken biyámsiw. Kale masi nuka abiw dukum Soddom so Gamoda so kanosiw taw, nuka atin im mafak dádoma kala.” Kalesa.

1 Kodin 10:11

Kale adikum bumi kanaya bisu, be numi kit kukuyamsiw. Kale be Mosus ata num goduyam be uta bom nadiwo yakeisa. Kale kamane num teinbuduw atan uta dil kit umi kanamámsu ude num atan kal matam tadebu.

Ibidu 4:11

Kaleyo nuka kidela kitid tabe abo naduwo kata kanodin finkanin uyo kudulum kala, kale masi kinim mak yak finkanin bo gew takomamodaw banim keidal kala kale dil imi kanamsiw taw keidoluw banim, ika ilim afan kalin banim kayo make.

Yut 1:15

aka wanang kinim adikum iyo taktak imu nadane yak wanang kinim Got banim ilim kukuw mafak so weng mafak bakadawusiw so umi yán ki sok gei imudokaba.” Kalesa.

Yut 1:7

Kale kiba Soddom abiw so Gamoda abiw so abiw mewso so keidiw, imi kanosiw sung uyo fukan dá bidiwe? Abiw bidimi kayak wanang kinim ika ensel mafak ilitaw bidiw keidiwe, sák sakadinin so yak ilim dam dim ban keimin madik madik so kanosiw kala. Kale im kanosiw be nulum kukuyamsiw, kayo kan ata im kukuw kanamámsiw taw kanabiw namti, iliso sok gei yak sun as kainin bom mámin yáw dákamokabiw ko.