2 Bita 1:15 - Got Weng Abem

¹⁵ Kale naka ufek ufek adikum bo ken kanodokabi. Kale uta ta bom dakoyamuno yanol nam kimi kalokabi, kiba Got ami afan weng uyo finang dádokabiw ko.

Got weng abem: Alokso abino kalin

¹⁵ Kale naka ufek ufek adikum bo ken kanodokabi. Kale uta ta bom dakoyamuno yanol nam kimi kalokabi, kiba Got ami afan weng uyo finang dádokabiw ko.

2 Bita 1:15 ပူးပေါင်းရင်းမြစ်များ

Luk 12:58

Kaba kinim mak tad kamadew yak sok gei kamudono, kale kamadew kot kidimin dim unono, kale una namti, leiw unom nadiwade alew weng kidela dau bako kus atama atama aubiw uyo weng kidela dau nadiwo kala masi, kanamom fit kam tam mo tam kot keimin kinim dim dádale ata ta bom kamadála yak un tabudin kinim dim abawe, un tabudin ita sok gei kamubiw keimin kala.

Luk 9:31

Yakeisidiw uyo Yesus alam fikalokaba umi Yedusalem kal kanodokabano kalesa umi atan uyo mewso matam dam abudongin keimuno kalin umi sung beta bakamsiw ko.

2 Tesalonaikka 2:5

Kale kiba be finang dábidiw bade bá? Naka kibiliw so bom nadi adikum bo bakayamsi.

2 Timoti 2:2

Kale kabal keidaw kinim seng ikil keidiw, kiba kidi bidiwo, naka kukuyamsi. Kale kaba alataw be ki kanom yak kinim madik kan ata kalam aket kuyambadaw iyo kukuyamáwe, ikil ililso yak kinim madik iyo kukuyam kámin kala.

Ibidu 11:4

Kale Ebel aka alam Got afan kalin dim ami Got wane ilkádawin uyo Kein ami Got wane ilkádawin akadaw atin tamso kidel keisu. Kale Ebel alam afan kalin dim Got ayo bako, ‘kaba keno,’ akeisa. Be watawo kaleyo bá, Got ayo am siwsiw wane ilkádawin uyo kalfaludawsa. Kale Ebel aka fikalesa, kata alam afan kalin dim kamane kinim wanang ika am sung uyo ulum kano kidibiw ko.

2 Bita 1:12

Kaleyo kiba Got tatun weng bude kal kei nadiw kitid tabe faku bidiw, kata naka makso sun kuw asawil bakaya bidino, kibil sun kuw aket fukan dákamokabiw.