1 Yon 5:10 - Got Weng Abem

¹⁰ Kale kan kinim ita Got alam Min aket kudawiw namti, ika bemi kin walamin be ilim aket tem be, kata kan ita Got afano akongin banim namti, ika Got be ibakamino, akbiw. Kale be watawo kaleyo bá, ika Got ami alam Min kin walamin sung uyo afano kalongin banim kayo ko.

Got weng abem: Alokso abino kalin

¹⁰ Kale kan kinim ita Got alam Min aket kudawiw namti, ika bemi kin walamin be ilim aket tem be, kata kan ita Got afano akongin banim namti, ika Got be ibakamino, akbiw. Kale be watawo kaleyo bá, ika Got ami alam Min kin walamin sung uyo afano kalongin banim kayo ko.

1 Yon 5:10 ပူးပေါင်းရင်းမြစ်များ

Yon 3:16

Kale Got ayo bakan kayak aket fikale nadano kayo alam Min yánmák makuw ayo dabadála madák tase. Kale kan kinim ata aket kudawa namti, aka daw mafak dádoma banim, kata aka sun biyámin uyo kudulokaba ko.

Yon 3:18

Kale kan ata Got Min ayo aket kudawa namti, aka daw mafak dádoma bá, kata kan ata Got Min ayo aket kudawongin banim namti, beta aka daw mafak dádokaba ka. Watawo kaleyo bá, aka Got ami Min yánmák makuw ayo aket kudawongin banim kayo ko.

Yon 3:33

Kata kan ata am weng kudew fakuyába, ata kukuyam Got aka atin afan kalesa.

Yon 5:38

ade am weng uyo kudew yak aket dádongin danim. Ade kiba be watawo kaleyo kinim dabadála tase ayo aket kudawongin banim.

Sinik Abem 8:37

Filiw bakodaw, “Kaba adikum kalam aket so atin afan kalolaw, bede ken wok ban bokamomi ka.” Aka nade Itiyobiya kinim ayo Filiw bakodaw, “au, naka afan kale, Yesus Kadais be Got ami Man. Kali kate!” Aka nade

Udom 8:16

Ade Sinik Abem aka alata maek num sinik so fewano, nuka ken bako, “nuka Got muduwo,” kalanaluw kala.

Galesia 4:1

Nam weng bakabi beyo ki man aka alam alaw ufek ufek bo alami, kata aka man katik bokaba be sák wok fakudin kinim taw keidokaba.

Galesia 4:6

Got man ami Sinik Abem makuw be ki num kidin tem biyámako, kale dabadála madák tase be watawo kaleyo bá, nuka alami keiduwo kayo ko. Bemi Sinik Abem ata adiyamano nuka kalfal bom gán dá naduw, “kaba nulum Natimo,” Kalanabuw ka.

Kalose 3:3

Kale kimi atin biyámin be abid tikin kal Kadais so nulum Natim Got so kal kiba kalo wánabidiw ka, watawo kaleyo bá, kiba Yesus so makuw fikalesidiw kayo kala.

Ibidu 3:12

Kala kaleyo nalam nikil fikal kamane kiba kidela ata bom nadiwo kala, masi makuw mak kiba aket fukanin leiw mafak mit kei nadiw kibilim aket tem uyo afan kaloliw banim kei nadiwe Got Motabid ayo ibik umudawodiw kala.

2 Bita 1:19

Ade weng bela makso bu kale nuka lum senin kinim imi sung uyo atin afan bakoyamsiw, be kidela kal keidin kala. Kale uta kim aket uyo dakoyamuno, au buta kukuw kidel, buta kukuw mafak, kalokabiw be yakom midilin tem eidyamámin taw keiduno, kilim abebiw uyo kano ken abem sidiw si atan matam tada lánokabu ade imi sung bakoyamsiw uta dakakamuno Got am kanamino, yakba uyo kanam sidiw si Yesus Kadais fasiki tadokaba kala. Kale be kinim seno kutim atan matam aba lána ufek ufek ken kin bá utamanba taw keidokabiw ko.

1 Yon 1:10

Kaleyo nuka bako nuka ban keimin so keidongin danimo kalanokabuw namti, nuka be bako, Got be ibakamin kinimo, akbuk kala. kaleyo ami weng ayo num kidin tem so mak boma banim ko.

1 Yon 5:1

Kale kan ata Yesus Kadais be afan Got ami Man, akei nadane alaw aket kudawa namti, alam Man so aket kudawa ka.

Daw misun 12:17

Kale mátuw aka wanang uyo kus utam keng dukum keidawu nade yak umi muduw tabuda ginanumo kale kanama, kale kinim bidi Got ami weng sawa kidilin so Yesus ami sung fakusiw so ita ko.

Daw misun 2:17

Kale kan ata kilung so namti, Sinik Abem Got ami kinim gu imi weng bakayaba uyo kidilawak kala. Yak kan ata ban keimin bula akamam anik anik audokaba, naka abid tikin wanin wánabu uyo kudawi wanokaba ade alo naka tum namal uyo kinim makuw makuw iyo adikum kikiw geleyamokabi umi dim uyo win alokso goda dausiw uyo kinim teinu mánu ika mak kal keidongin banim, kata yak alam kudulokaba ata kuw kal keidokaba. Kalalo.”

Daw misun 2:28

ade alo naka kutim fiyáde kudawokabi.