1 Timoti 6:20 - Got Weng Abem

²⁰ Timoti kaba, Got ufek ufek bamadá kudákama yak kalamal abesu uyo kidela kin mo nadawe kinim imi weng tatun kanamá bom weng mit banim Got amiyo tadebu bá, umi kalan wengal kalbiw uyo kaba yakso unemin bá. Kale ika ufek ufek kukum uta bako, “bo kal keimino,” kalbiw, kata bo atin afan kal keimin bá uta ko.

Got weng abem: Alokso abino kalin

²⁰ Timoti kaba, Got ufek ufek bamadá kudákama yak kalamal abesu uyo kidela kin mo nadawe kinim imi weng tatun kanamá bom weng mit banim Got amiyo tadebu bá, umi kalan wengal kalbiw uyo kaba yakso unemin bá. Kale ika ufek ufek kukum uta bako, “bo kal keimino,” kalbiw, kata bo atin afan kal keimin bá uta ko.

1 Timoti 6:20 ပူးပေါင်းရင်းမြစ်များ

Sinik Abem 16:1

Kale Faul ayo yak Dedbi abiw abe tam Listada abiw una. Kale bemi abiw kawákal Yesus weng kidimin kinim mak tein be am win be Timoti. Kale aka Yu kayak wanang uta dausu, kata ami alaw be Gadík kayak.

Sinik Abem 17:18

Ewikudiyan kinim so Sitowik kinim so weng mit utamsiw kinim iyo tad Faul so wengal fukan bom nadiwe madik ika dákadáliw. “Mew kinim alam weng bakanba mit be am kal banim,” kal bidiwade, kinim madik ita bako, “aka abiw mak mak kinim im got sung uta kudew tad kadák bakamin taw keiba.” Kalsiw. Be watawo kaleyo bá, Faul aka Yesus ami sung kidel so alam fikale talá tabese sung so uta bakanyam badano, kayo kanam si nadiwe

Sinik Abem 17:21

Kale adikum Aten biyámin wanang kinim keidiwade, abiw mako tademin kinim wanang so abiw tein bidiw kadák iyo am atan atan uyo wok mak fakudongin banim ulum kano sun kuw alokso kukuw umi sung uta ki bakan bom nadiwade kidi bom keimumo kana bidiwo kayo,

Udom 1:22

Ikade kasen kei bom nuta aket kidel fukanin kae, kalanámsiw, kata ika aket wakwan keiyámsiw.

Udom 3:2

Au afan leiw seng seng bude, kata atin Got alam weng kudew kámino kale Yu kayak kuyamsa uta atin iwkuk ka.

1 Kodin 2:6

Kata naka afan kalin kitid tabesiw im iwyak tem kal guton sawa kidel tuw weng bakansi, be bakan kadák umi guton sawaín taw bá ade bakan dim kinim kitid so dukum dukum imi guton sawa taw bá, kayo bakan dim kitid soim kinim imi kitid be banima tadbu.

1 Kodin 3:19

Watawo kaleyo bá, bakan kadák umi aket kidel fukanin bo Got ami kin dim dam banimo, kalba kala. Kale be Got godin weng uyo bako nadule, “aka aket kidel fukanin kinim bidi ilim kal keimin umi abil tem im tam gisano.” Kalesu ade alo bako,

Kalose 2:18

Kiba kinim so imadáliw im mafak dákanin bá, watawo kaleyo bá, ika bako nuka atin win dukum so kaí, kale kasen kei fibudin kinim taw kei nadiwe bako, “nuka atin lum babid bobuwo,” kal bom bakoyam nadiwe ensel suksukábiw, kata im win dukum be kinim imi aket fukanin uta kanabiw kale be umi mit banim uta kala.

Kalose 2:8

Be kidela ata bom nadiwo kinim mak abin wakadálawiw tad kimi Kadais afan kalin ayo kuw mafak dáyamoma banim keidak kala. Kinim ika be kanamum kalokabiw be kinim ilim aket tetin dim kanam tadokabiw, kata be afan bá, be ibakamin uta ko. Bemi kukumin be Kadais ami dim kal tadebu bá, kata be kinim wanang ilim sawa kanamin kal keisiw so ilim man kukuyamin so uta kala.

2 Tesalonaikka 1:4

Kaleyo beta nuka nulufin kim tok uyo Got ami wanang kinim gu im tem kadákal bakanábuw kala. Kaleyo beta kimi kukuw kanamaliw uyo nuka kim tal leiw so kál funin so kukáya bidiw ade kiba ulum kano kuek di afan kalin dudew tabesiw, beta nuka kim tok ayo bakanaluw ko.

2 Tesalonaikka 2:15

Kala kaleyo nikil fikal kiba, sauk kon tem dam weng so Got dam weng bakayamin so umi tem kal kukuyamasuduw uyo kitid tabe faku bom nadiwo kala.

1 Timoti 1:11

Kale Got weng tatun kukumin be Got sung kidel ulum atung Got alata kunam kukumalo, nakeisa. Kale sung kidel lamlam so be Got alam idak teinámin mit kayak kalo tasu.

1 Timoti 1:2

Timoti atin nalam min makuw kaba, alew num afan kalin bo makuw kala. Kaleyo Natim Got keida, Kadais Yesus nulum Kamok keida imi min dakáyamin, aket dakbudin, aket budunin uyo ilimiyo kal tadebu kale bu kukamin kala.

1 Timoti 1:4

watung sung mafak bakamin so ilim awadik kasal win fakan bi kutisiw so uyo kudá audin kala. Watawo kaleyo bá, kanodin kukuw belayo ki wengal fukanin leiw ade kanodin kukuw be Got ami wok fakudawámin leiw bá, kata afan Got ami wok fakudawámin leiw be afan kalin dim wok fakudawámin uta ko.

1 Timoti 1:6

Kale yak kinim madik iyo mew weng bakabuw uyo leiw dabadá nadiwade yak weng mit banim uta kidimábiw kala.

1 Timoti 1:9

ade nulum kal sawa uyo kinim kidel imino, kale kidel kutiyamsiw bá, kata sawa uyo ki, kinim mafak sawa wanin so fakiyol kinim mafak so ban keimin kinim so kinim am Got banim so Got sawa kuásusulin so yak ilim akun alaw amin so kinim amin kinim so

1 Timoti 4:7

Kaba wanang kinim Got im kal banim im dil kukuw sung uyo kidiyamámin bá kala, kata kaba kukuw kidel uyo kitakamom nadawo beta Got mewso biyamokabaw.

1 Timoti 6:11

Kata kaba Got ami kinim kale kanamin kukuw bula atin ibik wakumam uyak kaek abe nadawe kinim kidelok keibaw kuw, atin Got taw kinim abem kei nadawade aket afano kale nadawade aket kudawa kudawin uyo faku nadawade idum tade bu uyo kuek di kufi une kufi une bom nadawade fibu bom kanodin kukuw kidel uyo kudew tabal kala.

1 Timoti 6:14

Kale kaba sawa bela atin ulum kano abo nadawade um weng fákam banim dew faku nadiwade asadawo Kamok Yesus Kadais ami am dánámin misunuk kala, Kale am misunokaba uyo

2 Timoti 2:1

Kale nalam man kaba, kaba nulum Kadais Yesus so makuw keiyámin dim min gelemin kudusuduw uyo kidela yakik fakudal kala.

2 Timoti 2:16

Kaba kinim madik imi sák weng mafak mafak bakan bom nadiwe Got kukuw dabadá yak kaek abebidiw iyo takas imadá yak kaek abe bom nadawo kala.

Taitas 1:14

ika Yu kayak imi ibakámin sung kidiyámin uyo kudá nadiwe yak mak imi Got weng tatun abodongin banim imi sawa aboyámin kudá audin kala.

Taitas 1:4

Kale sauk kon bela nalam man Taitas alow nulum afan kalin taku madenin makuw kalamino kale godukami. Kale Natim Got so Yesus Kadais nulum Watakayaw so im min gelemin so aket dakbuyámin so uyo daukamin kala.

Taitas 1:9

ade aka afan weng uyo nulum kukuyamse taw kitid kuw tabe fakusa kinim ka. Kale waluliwo aka ken afan kalin kinim madik iyo tudon leiw kuw kukuya bom nadane weng kitid weng kuw tatun weng kuásusulin kinim bidi bakoyam, kiba mafak keibiwo, yakanak kala.

Taitas 3:9

Kale kinim wanang ika ilim awadik kasal win kalan uta wengal kalanbiw, kata um dam banim uta kanabiw. Ade imi ban bomin sawa dim wengal kalanbiw, kata bo kinim mak dakodawomu banim uta kanabiw. Kale kaba im weng mafak kanabiw uyo dufo uta bom nadawo kala.

Daw misun 3:3

Kale kiba kilim kano kukuyamiw kidisiw be finang dádin kala. Kale be kidi kilim ban keimin uyo ibik dumam kudálin kala. Kata kiba kin bisil kin bá kanamongin dakodokabiw namti, naka yakot wanin kinim taw kalo maklo tadokabi, be kiba nam kano tadokabi umi atan uyo kal keidoliw banim.